Vikatan.com

www.vikatan.com would like to send you push notifications.

Notifications can be turned off anytime from browser settings.

கர்நாடக எல்லைகளில் இயல்புநிலை திரும்புகிறது! - பேருந்துப் போக்குவரத்து துவக்கம்

சென்னை: தமிழக-கர்நாடக எல்லைப்பகுதிகளில் இயல்புநிலை படிப்படியாக திரும்பி வருவதை தொடர்ந்து, தமிழகத்தில் இருந்து கர்நாடகாவிற்கு பேருந்துகள் இயக்கப்படுகின்றன.

காவிரியில் இருந்து தமிழகத்திற்கு தண்ணீர் திறக்க உச்ச நீதிமன்றம் உத்தரவிட்டு இருந்தது. அதை தொடர்ந்து, கர்நாடக அரசு காவிரியில் தண்ணீர் திறந்துவிட்டது. இதை எதிர்த்து, கர்நாடக விவசாயிகளும், கன்னட அமைப்பினரும் தொடர் போராட்டங்களில் ஈடுபட்டனர். இதன் ஒரு பகுதியாக கடந்த வெள்ளியன்று கர்நாடகாவில் முழு அடைப்புப் போராட்டமும் நடைபெற்றது.

அதனால், பதற்றம் காரணமாக தமிழகத்தில் இருந்து கர்நாடகா செல்லும் பேருந்துகள் அனைத்தும் தமிழக எல்லையிலேயே நிறுத்தப்பட்டன. இதனால், கர்நாடகா செல்லும் பயணிகளும், எல்லையோர மாவட்டங்களில் இருந்து கர்நாடகாவிற்கு பணிக்கு செல்லும் மக்களும் பெரிதும் அவதிக்குள்ளானார்கள்.

இந்நிலையில், தமிழக-கர்நாடக எல்லைப்பகுதிகளில் இயல்புநிலை படிப்படியாக திரும்பி வருவதை தொடர்ந்து, தமிழகத்தில் இருந்து கர்நாடகாவிற்கு 6 நாட்களுக்கு பின் இன்று (11-09-16) காலை முதல் பேருந்துகள் இயக்கப்படுகின்றன. அதன்படி, ஒசூரிலிருந்து தமிழகப் பேருந்துகள் கர்நாடக மாநிலத்திற்கு மீண்டும் வழக்கம் போல் இயங்கத் தொடங்கியுள்ளன.

இதனால், பயணிகள் மிகுந்த மகிழ்ச்சி அடைந்துள்ளனர். மேலும், தமிழக பதிவு எண் கொண்ட வாகனங்களும் கர்நாடகாவிற்கு இயக்கப்படுகின்றன. ஆனால், ஈரோடு சத்தியமங்கலம் வழியாக கர்நாடக மாநிலம் செல்லும் பேருந்துகள், இன்னும் வழக்கம் போல் இயக்கப்படவில்லை.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ