Vikatan.com

www.vikatan.com would like to send you push notifications.

Notifications can be turned off anytime from browser settings.

கர்நாடகத்தில் வலுக்கும் போராட்டங்கள்! - பெங்களூரில் மீண்டும் 144 தடை உத்தரவு

பெங்களூரு: தமிழகத்திற்கு வருகின்ற 27-ம் தேதி வரை காவிரியில் தொடர்ந்து தண்ணீர் திறந்துவிடும்படி கர்நாடகத்துக்கு உச்ச நீதிமன்றம் நேற்று உத்தரவிட்டுள்ளதற்கு எதிர்ப்புத் தெரிவித்து கர்நாடகத்தில் போராட்டங்கள் வலுத்துள்ளன.

காவிரிப் பிரச்னையில் தமிழக அரசின் மனுவை விசாரித்த உச்ச நீதிமன்றம், காவிரியில் தண்ணீர் திறந்துவிட கர்நாடகத்துக்கு கடந்த 5-ம் தேதி உத்தரவிட்டது. அதன்படி கர்நாடக அரசும் தமிழகத்திற்கு காவிரியில் தண்ணீர் திறந்துவிட்டது. ஆனால், இதற்கு எதிர்ப்புத் தெரிவித்து கர்நாடகம் முழுவதும் கன்னட அமைப்புகள், விவசாயிகள் தொடர்ந்து பல்வேறு போராட்டங்களை நடத்தி வருகின்றன.

இந்நிலையில், காவிரிப் பிரச்னை தொடர்பாக நேற்று நடைபெற்ற வழக்கு விசாரணையில் தமிழகத்துக்கு இன்று (செப்.21) முதல் வருகின்ற 27-ம் தேதி வரை விநாடிக்கு 6 ஆயிரம் கன அடி தண்ணீர் திறந்தவிட வேண்டும். மேலும், காவிரி மேலாண்மை வாரியத்தை 4 வாரத்திற்குள் அமைக்க வேண்டும் எனவும் உச்ச நீதிமன்றம் உத்தரவிட்டு உள்ளது.

இதற்கு எதிர்ப்புத் தெரிவித்து மண்டியா, மைசூரு, ஹுப்பள்ளி உள்ளிட்ட பகுதிகளில் விவசாயிகள் மற்றும் கன்னட அமைப்பினர் தர்னா, சாலைமறியல் போராட்டங்களில் ஈடுபட்டனர்.
கர்நாடக நீர்ப்பாசனத் துறை அமைச்சர், தமிழக முதல்வர் ஜெயலலிதாவின் உருவப்படங்களை தீயிட்டு கொளுத்தி போராட்டத்தில் ஈடுபட்டவர்கள் மத்திய, மாநில அரசுகளுக்கு எதிராகவும் கோஷங்களை எழுப்பினர்.

இதைத் தொடர்ந்து, பெங்களூரு, மண்டியா உள்ளிட்ட பகுதிகளில் பலத்த பாதுகாப்பு ஏற்பாடுகள் செய்யப்பட்டுள்ளது. மண்டியா மாவட்டத்தில் பள்ளி, கல்லூரிகளுக்கு விடுமுறை அளிக்கப்பட்டது. பெங்களூரு குமாரகுருபாவில் உள்ள முதல்வரின் இல்லத்திற்கும் பலத்த போலீஸ் பாதுகாப்புப் போடப்பட்டுள்ளது. போலீசாருடன் 1 பட்டாலியன் துணை ராணுவத்தினரும் அங்கு பாதுகாப்பு பணியில் ஈடுபடுத்தப்பட்டு உள்ளனர்.

மேலும், இந்த போராட்டங்கள் காரணமாக பெங்களூரில் வருகின்ற 25-ம் தேதி வரை மீண்டும் 144 தடை உத்தரவு பிறக்கப்பட்டுள்ளது. முன்னெச்சரிக்கை நடவடிக்கையாக 750 பேரை போலீசார் கைது செய்து சிறையில் அடைத்துள்ளனர்.

துணை ராணுவ வீரர்கள், போலீசார் உதவியுடன் வாகனங்களை சோதனையிட்ட பிறகு அனுப்பி வைக்கின்றனர். அதேபோல், தமிழக போலீசாரும் எல்லையில், தீவிர பாதுகாப்பு பணியில் ஈடுபட்டு வருகிறார்கள்.

 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

13 நாட்களில் சரண் அடைந்த பாகிஸ்தான் இப்போது துள்ளுவது ஏன்?
கோல்... கோல்... கோல்..! ஐ.எஸ்.எல். ஆரம்பம் #LetsFootball
அரசியல்வாதிகளுக்கும் நெட்டிசன்களுக்கும் ஒரு நெருங்கிய ஒற்றுமை உள்ளது... அது என்னவென்று தெரியுமா...? (வீடியோ)

MUST READ