Vikatan.com

www.vikatan.com would like to send you push notifications.

Notifications can be turned off anytime from browser settings.

வெட்டிவேரு வாசம்... மோடி மேல பாசம்!

 

பிரதமர் நரேந்திர மோடி, இந்திய மக்களிடம் டெலிகான்பரன்சிங் மூலமும், மான் கி பாத் என்னும் ரேடியோ நிகழ்ச்சி  மூலமும் தொடர்ந்து கலந்துரையாடி வருகிறார். இந்நிலையில் காணொளி காட்சி மூலம் மோடி, நேற்று கடலூர் மாவட்ட விவசாயிகளுடன் பேசினார்.அப்போது அவர், நறுமண தாவரமான வெட்டி வேருக்கு ஏன் பெயரை மாற்றக்கூடாது என நகைச்சுவையாகக் கேட்டார். 


கடலூர் மாவட்டத்தில் நொச்சிக்காடு, தியாகவல்லி போன்ற பகுதிகளில் வெட்டிவேர் சாகுபடி செய்யப்பட்டு வருகிறது.வெட்டிவேர் என்னும் நறுமண தாவரத்தை அந்தப் பகுதி விவசாயிகள் தொடர்ந்து சாகுபடி செய்து வருகிறார்கள். விவசாயிகள் வெட்டிவேரின் மகசூலை அதிகப்படுத்தும் நோக்கில், மத்திய மருத்துவ மற்றும் நறுமண தாவர ஆராய்ச்சி நிறுவனத்தின் சார்பில் பிரதமர் மோடி, காணொளி நிகழ்ச்சி மூலம் கலந்துரையாடினார்.


கடலில் இருந்து எவ்வளவு தூரத்தில் வெட்டி வேரு சாகுபடி செய்துள்ளீர்கள் என பிரதமர் கேட்டதற்கு, 200மீட்டர் முதல் நான்கு கிமீ வரை சாகுபடி செய்துள்ளோம் என பதில் அளித்தனர். பிறகு , " வெட்டிவேருக்கு எவ்வாறு தண்ணீர் பாய்ச்சுகிறீர்கள்" என்றார் . கிணற்றில் இருந்து மின்மோட்டார் மூலம் தண்ணீர் பாய்ச்சுகிறோம் என்றனர் விவசாயிகள்.


புதிய தொழில்நுட்பங்களையும், புதிய உயர் ரகங்களையும் கொண்டு வெட்டிவேரின் மகசூலை அதிகரிக்கும்படியும், தண்ணீரை வீணாக்காமல் விவசாயத்துக்கு பயன்படுத்துங்கள் என்றும் கூறினார் மோடி.இறுதியாக, "நாம் ஏன் வெட்டி வேரின் பெயரை மாற்றக்கூடாது?" என ஜாலியாகக் கேட்டார்."நீங்களே ஒரு நல்ல பெயரை சொல்லுங்களேன்" என கேள்வியை மோடியின் பக்கமே திருப்பினர் விவசாயிகள்.


தனக்கு இருக்கும் அத்தனை பணிகளுக்கு இடையிலும், தமிழக விவசாயிகளுக்கு நேரம் ஒதுக்கி , அவர்களோடு சகஜமாக கலந்துரையாடியாது, விவசாயிகளின் மத்தியில் புதிய நம்பிக்கையை பெற்றுத் தந்தது. 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ