Vikatan.com

www.vikatan.com would like to send you push notifications.

Notifications can be turned off anytime from browser settings.

காஷ்மீரில் அமைதி திரும்ப ராணுவ அதிகாரியின் ’ஆச்சரிய’ முயற்சி!

பாகிஸ்தான் எல்லையில் போர் மேகம் சூழ்ந்துள்ள நிலையில், காஷ்மீரில் பதற்றத்தை தணிக்கும் வகையில் ஆனந்த்நாக் மாவட்டத்தின் ராணுவ  நடவடிக்கைகளுக்கு பொறுப்பாளரான கர்னல் தர்மேந்திர யாதவ் வித்தியாசமான முயற்சிகளை மேற்கொண்டு வருகிறார்.

ஹிஸ்புல் முஜாகிதீன் இயக்கத்தின் முக்கிய தலைவர்களில் ஒருவரான புர்ஹான் வானி இந்திய பாதுகாப்பு படையினரால் சுட்டுக் கொல்லப்பட்டதில் இருந்து காஷ்மீரில் தொடர்ந்து வன்முறை நிகழ்ந்து வருகிறது. காஷ்மீரில் பல பகுதிகளில் இன்னும் ஊரடங்கு உத்தரவு நீக்கப்படவில்லை. தலைநகர் ஸ்ரீநகரும் முடங்கித்தான் கிடக்கிறது. பெரும்பாலான இடங்களில் கடைகள், பெட் ரோல் நிலையங்கள், பள்ளி, கல்லூரிகள்  தனியார் வர்த்தக நிறுவனங்களும் அடைத்து கிடக்கின்றன.

புர்ஹான்வானி சுட்டுக் கொல்லப்பட்ட ஆனந்த்நாக் மாவட்டத்தில் ஆங்காங்கே தொடர்ந்து வன்முறை அவ்வப்போது நடந்து கொண்டுதான் இருக்கிறது.. ராணுவத்தினர், பாதுகாப்புப் படையினர் வன்முறையில் ஈடுபடுபவர்கள் மீது தொடர்ந்து பெல்லட் குண்டுத் தாக்குதல்களை நடத்தி வருகின்றனர். எனினும் 82வது நாளாக இந்த மாவட்டத்தில் இயல்பு வாழ்க்கை பாதிக்கப்பட்டிருக்கிறது. இதனால், ஆனந்த்நாக் மாவட்டம்  மக்கள் சோர்வடைந்து காணப்படுகின்றனர் .மக்களின் விரக்தியை போக்குவதற்காக அனந்த்நாக் மாவட்டத்தின் பொறுப்பாளரான கர்னல் தர்மேந்திர யாதவ் வித்தியாசமான முயற்சியை மேற்கொண்டுள்ளார்.

மிகவும் பதற்றமான பகுதிகள் அடங்கிய அனந்த்நாக் மாவட்ட கிராமங்களுக்கு அவர் சுற்றுப்பயணம் மேற்கொள்கிறார். உள்ளூர்வாசிகள், முதிய வர்களைச் சந்தித்து கர்னல் தர்மேந்திர யாதவ் கருத்துக்களை கேட்கிறார்.  வியாபாரிகளை சந்தித்து உற்சாகமளிககும் வகையில் உரையாடுகிறார். கடைகளை திறந்து வியாபாரத்தை நடத்துமாறுத் துணிச்சல் அளிக்கிறார்.

ஆனந்த் நாக் மாவட்டத்தின் முக்கிய பிரச்னையாக இருப்பது பல மாதங்களாக பள்ளிகள் மூடிக் கிடப்பதுததான்.  இதனால், குழந்தைகளை சந்தித்தால் அவர்களிடத்தில் படிப்பு குறித்து விசாரிக்கிறார். பள்ளிகள் அடைத்துக் கிடந்தாலும் வீட்டில் இருந்து படிக்குமாறு அறிவுரை கூறுகிறார். முதியவர்களையும், சிறுவர்களையும் கண்டால் வாஞ்சையுடன் அரவணைத்துக் கொள்கிறார். அதனால், அவர்கள் நம்பிக்கையும் புத்துணர்ச்சியும் பெறுவதாக தர்மேந்திர யாதவ் நம்புகிறார்.

''முன்னாபாய் எம்பிபிஎஸ் (தமிழில் வசூல்ராஜா எம்பிபிஎஸ்) சினிமாவில் வரும் கட்டிப்பிடி வைத்தியத்தைதான் இங்கும் பின்பற்றுகிறேன். சில ஆண்டுகளுக்கு முன்பு அந்த சினிமா பார்த்தேன். அந்த காட்சி என்னை இம்ப்ரெஸ் செய்தது. தற்போது காஷ்மீர் மக்களுக்கு நம்பிக்கை ஊட்டும் வகையில் இதனை செய்கிறேன். இப்போது குழந்தைகள் என்னை 'ஆர்மி அங்கிள்' என்று அழைக்கின்றனர். இந்த பெயர் நான் வாங்கியது அல்ல. சம்பாதித்தது '' என்கிறார் கர்னல் தர்மேந்திர யாதவ்.

புர்ஹான் வானி சுட்டுக் கொல்லப்பட்ட சம்பவத்தில் கர்னல் தர்மேந்திர யாதவ், நேரடியாக களத்தில் ஈடுபட்டவர். கடந்த ஜுலை 8ம் தேதி ஆனந்த் நாக் மாவட்டத்தில் பம்ரா என்ற கிராமத்தில் இவர் தலைமையிலான குழுதான் புர்ஹான் வானி உள்ளிட்ட 3 தீவிரவாதிகளை சுட்டுக் கொன்றது.

-எம்.குமரேசன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ