Vikatan.com

www.vikatan.com would like to send you push notifications.

Notifications can be turned off anytime from browser settings.

இந்தியாவின் 'அம்பானி ' நகரங்கள் பட்டியல் ! #wealthiestIndianCities

இந்தியாவின் பணக்கார நகரங்கள் பட்டியலில் மும்பை முதலிடம் பிடித்துள்ளது. இந்த நகரில் 45 ஆயிரம் மில்லியனர்களும் 28 பில்லியனர்களும் உள்ளனர். மும்பை கோடீஸ்வரர்களின் மொத்த சொத்து மதிப்பு 820 பில்லியன் அமெரிக்க டாலர்கள் .

டெல்லிக்கு இந்தப் பட்டியலில் இரண்டாவது இடம் கிடைத்துள்ளது. இங்கு 22 ஆயிரம் மில்லியனர்களும் 18 பில்லியனர்களும் உள்ளனர். டெல்லி கோடீஸ்வரர்களின் மொத்த மதிப்பு 450 பில்லியன் அமெரிக்க டாலர்கள் .  பெங்களூருவுக்கு மூன்றாம்  இடம். இந்த நகரத்தின் கோடீஸ்வரர்களின் மொத்த மதிப்பு 320 பில்லியன் அமெரிக்க டாலர்கள். இங்கு 7,500 மில்லியனர்களும் 8 பில்லியனர்களும் வசிக்கின்றனர்.

4வது இடத்தில் ஹைதரபாத்  உள்ளது. 310 பில்லியன் டாலர்கள் மதிப்புடன் 8,200 மில்லியனர்களும் 7 பில்லியனர்களும் இங்கு உள்ளனர். கொல்கத்தா நகரின் கோடீஸ்வரர்களின் மொத்த மதிப்பு 290 பில்லியன் டாலர்கள். 8,600 மில்லியனர்கள் 10 மில்லியனர்கள் இங்கு வசிக்கின்றனர். கொல்கத்தாவுக்கு இந்த பட்டியலில் 5வது இடம். புனே நகருக்கு 6வது இடம். 3,900 மில்லியனர்கள் 5 பில்லியனர்களும் இந்த நகரத்தைச் சேர்ந்தவர்கள்.

இந்தப் பட்டியலில் சென்னைக்கு 7வது இடம். இங்கு 6,200 மில்லியனர்களும் 4 பில்லியனர்களும் உள்ளனர். சென்னை கோடீஸ்வரர்ரகளின் மொத்த மதிப்பு 150 பில்லியன் டாலர்கள். கிர்கான் 8வது இடத்தை பிடித்துள்ளது. இங்கு 3,600 மில்லியனர்களும் 2 பில்லியனர்களும் உள்ளனர். இந்த நகரின் மொத்த மதிப்பு 110 பில்லியன் அமெரிக்க டாலர்கள்.

நியூ வோர்ல்டு வெல்த் நிறுவனம் இந்தப் பட்டியலை வெளியிட்டுள்ளது. இந்த ஜுன் மாதம் வரை நடந்த ஆய்வு முடிவில் இந்திய கோடீஸ்வரர்களின் மொத்த சொத்து மதிப்பு 5.6 டிரில்லியன் அமெரிக்க டாலர்கள். இந்தியாவில் மொத்தம் 2 லட்சத்து 64 ஆயிரம் மில்லியனர்களும் 95 பில்லியனர்களும் உள்ளனர். அடுத்த 10 ஆண்டுகளில் இந்தியாவில் நிதித்துறை, தகவல் தொழில் நுட்பம், ஹெல்த் கேர், மீடியா, ஹெல்த் இன்சூரன்ஸ்த் துறைகள் அதீத வளர்ச்சி காணும் என்றும் கணிக்கப்பட்டுள்ளது.

ஒரு மில்லியன் அமெரிக்க டாலர்கள் சொத்து இருந்தால் மில்லியனர்களாவும் ஒரு பில்லியன் அமெரிக்க டாலர்கள் சொத்து இருந்தால் பில்லியனர்களாகவும் கணக்கில் கொள்ளப்பட்டுள்ளது.

-எம். குமரேசன்

எடிட்டர் சாய்ஸ்

ஜெயலலிதா வாழ்வின் சில ‘கடைசி’கள்!

MUST READ