Vikatan.com

www.vikatan.com would like to send you push notifications.

Notifications can be turned off anytime from browser settings.

கொல்லப்பட்ட தீவிரவாதிகளின் உடல்களை ரகசியமாக எரித்த லஸ்கர்! #SurgicalStrike

காஷ்மீரில் உரி ராணுவ முகாமில் நடந்த தாக்குதலில் இந்திய வீரர்கள் 19 பேர் கொல்லப்பட்டனர். இந்த தாக்குதலுக்கு பதிலடி கொடுக்கும் வகையில் இந்திய ராணுவம் கடந்த செப்டம்பர் 29ம் தேதி ஆக்கிரமிப்பு காஷ்மீருக்குள் புகுந்து தாக்குதல் நடந்தியது. ஆனால், 'சர்ஜிக்கல் ஸ்ட்ரைக் ' நடக்கவே இல்லை என பாகிஸ்தான் தொடர்ந்து மறுத்து வருகிறது. தற்போது இந்தியா நடத்திய 'சர்ஜிக்கல் ஸ்ட்ரைக்' குறித்த புதிய தகவல்கள் வெளியாகியுள்ளன.

சர்ஜிக்கல் ஸ்ட்ரைக் நடந்த இரவில் இந்திய வீரர்கள் பாகிஸ்தான் ஆக்கிரமிப்பு காஷ்மீரில் 3 இடங்களில் தாக்குதல் நடத்தியுள்ளனர். லீபா, அத்முஹாம், தத்னியால் ஆகிய 3 இடங்கள்தான் அவை. பாக் ஆக்கிரமிப்பு காஷ்மீரில் இந்திய எல்லையில் இருந்து சுமார் 4 கிலோமீட்டர் தொலைவுக்குள் இந்த பகுதிகள் இருக்கின்றன. இந்திய வீரர்கள் நடத்திய தாக்குதலில் 38 முதல் 50 தீவிரவாதிகள் கொல்லப்பட்டிருக்கின்றனர். அத்துடன் தீவிரவாதிகளின் முகாம்களும் , அவர்கள் தங்கியிருந்த கட்டடங்களும் தகர்க்கப்பட்டுள்ளன. இந்தத் தாக்குதலில் கொல்லப்பட்டவர்கள் லஸ்கர் இ தொய்பா இயக்கத்தைச் சேர்ந்தவர்கள். தீவிரவாதிகள் முகாம் இருந்த இடத்தின் அருகே வசிக்கும் கிராமவாசிகள் அன்றைய தினம் இரவு முழுக்க துப்பாக்கிச் சத்தம் கேட்டுக் கொண்டே இருந்தாக தெரிவித்திருக்கின்றனர்.

எல்லையைத் தாண்டி 4 கிலோ மீட்டர் தொலைவில் உள்ள தத்னியால் கிராமத்தைச் சேர்ந்த இருவர் இந்த தாக்குதலை நேரடியாக கண்டுள்ளனர். சல்லானா என்ற இடத்தில் நீலம் நதியையொட்டி லஸ்கர் இயக்கத்தின் பெரிய முகாம் உள்ளது. அதிகாலை நேரத்தில் கொல்லப்பட்ட சில தீவிரவாதிகளின் உடல்களை ட்ரக்கில் ஏற்றிக் கொண்டு அந்த பகுதிக்கு கொண்டு சென்றதையும் கண்டுள்ளனர். பின்னர் தீவிரவாதிகள் கொல்லப்பட்டவர்களின் உடல்களை ரகசியமாக எரித்துள்ளனர்.

அடுத்த நாள் அதாவது வெள்ளிக்கிழமை மதிய வேளையில், லஸ்கர் இயக்கத்தினர்  தொழுகை நடத்தும் மசூதியில் வழக்கத்துக்கு மாறாக ஏராளமானோர் கூடியுள்ளனர். அப்போது, 'கொல்லப்பட்டவர்களுக்காக பழிவாங்குவோம் ' என சபதம் எடுத்துள்ளனர். மேலும் 'பாகிஸ்தான் தங்களை பாதுகாக்கத் தவறி விட்டதாகவும்' புலம்பியுள்ளனர். 'நாம் நடத்தும் பதில் தாக்குதலை இந்தியா மறக்கக் கூடாது' என கோஷமிட்டதாகவும் நேரில் கண்டவர் ஒருவர் கூறியுள்ளார்.

காஷ்மீரிலும் பாக்.ஆக்கிரமிப்பு காஷ்மீரிலும் உறவினர்கள் கொண்டவர்கள் ஏராளமானோர் உண்டு. பிரபல ஆங்கிலப்பத்திரிகை பாக். ஆக்கிரமிப்பு காஷ்மீரில் வசிக்கும் உறவினர்கள் வழியாக இந்தத் தகவல்களை உறுதி செய்து வெளியிட்டுள்ளது. அதே வேளையில் இந்திய ராணுவ வீரர்கள் யாரையும் நேரில் பார்க்கவில்லை. ஆனால், தீத்வால் என்ற கிராமத்தில் அடுத்த நாள் காலையில் லஸ்கர் இயக்கத்தினர் கூடியதையும், கொல்லப்பட்டத் தீவிரவாதிகளின் உடல்களை ட்ரக்கில் அள்ளிச் சென்றதையும் நேரில் கண்டதாக இன்னொருவர் கூறியுள்ளார்.

கைரதி பாக் என்ற இடத்தில் லஸ்கர்  இயக்கத்துக்குச் சொந்தமான 3 மாடிக் கட்டடத்தை இந்திய வீரர்கள் தரை மட்டமாக்கியுள்ளனர். கடந்த 2003ம் ஆண்டில் இருந்து இந்த பகுதிதான் லஸ்கர் இயக்கத்தின் முக்கிய இயங்குதளமாக இருந்து வருகிறது. இந்த பகுதியில் நடந்த தாக்குதலில் 4  தீவிரவாதிகள் கொல்லப்பட்டுள்ளனர். இந்திய ராணுவத்தினர் தர்க்குவதை அறிந்ததும் ஏராளமானத் தீவிரவாதிகள் காட்டுக்குள் ஓடி மறைந்துள்ளனர்.

பாகிஸ்தான் ஆக்கிரமிப்பு காஷ்மீரில் உள்ள நீலம் மாவட்டத்தின் தலைமை மருத்துவமனை நிலைமையை நேரில் கண்ட ஒருவர் கூறுகையில், 'தாக்குதலில் ஏராளமானோர் கொல்லப்பட்டுள்ளனர். காயமும் அடைந்துள்ளனர். ஆனால், கொல்லப்பட்டவர்களின் உடல்களை யாருக்கும் தெரியாமல் வேறு இடத்திற்கு கொண்டு போய் எரித்துள்ளனர்' என மற்றொருவர் தெரிவித்துள்ளார்.

இதற்கிடையே 'சர்ஜிக்கல் ஸ்ட்ரைக்' நடக்கவில்லை என பாகிஸ்தான் தொடர்ந்து மறுத்து வந்ததால், இந்திய ராணுவம் வீடியோ காட்சிகள் மற்றும் புகைப்படங்களை வெளியிடத் தயாராக உள்ளது. இந்திய ராணுவத்திடம் இருக்கும் 'சர்ஜிக்கல் ஸ்ட்ரைக்' வீடியோ காட்சிகள் 90 நிமிடங்கள் ஓடக் கூடியது என்றும் கூறப்படுகிறது. ஆனால், வீடியோ காட்சிகள் வெளியிடப்பட்டால், பாகிஸ்தான் - இந்தியா இடையே டென்ஷன் மேலும் அதிகரிக்க வாய்ப்பு இருப்பதால். மத்திய அரசு தீவிர ஆலோசனைக்கு பிறகே இந்த விஷயத்தில் முடிவு எடுக்கும்.  இது குறித்து ராணுவ அதிகாரி ஒருவர் கூறுகையில், ''இந்திய ராணுவத்தினர் நடத்தியத் தாக்குதல் நடத்தியது உண்மை. அத்தனைக்கும் ஆதாரங்கள் உள்ளன. பிரதமர் அலுவலகத்தின் உத்தரவுக்காக காத்திருக்கிறோம்'' என்றார்.

-எம். குமரேசன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ