Vikatan.com

www.vikatan.com would like to send you push notifications.

Notifications can be turned off anytime from browser settings.

டெபிட் கார்டுகளை பாதுகாப்பது இனி ரிசர்வ் வங்கியின் பொறுப்பு !

டெபிட் கார்ட் தகவல்களை பாதுகாக்கும் முழு பொறுப்பை ரிசர்வ் வங்கி ஏற்றுக் கொண்டுள்ளது. அதன்படி டெபிட் கார்ட் தகவல்கள் திருடப்படாமல்  இனி ரிசர்வ் வங்கி கண்காணிக்கும். 

கடந்த வாரம், ஸ்டேட் வங்கியின் ஏடிஎம் மையங்களின் பரிவர்த்தனைகளில் சந்தேகத்திற்கிடமான நடவடிக்கைகள் கண்டறியப்பட்டதால், 6.26 லட்ச டெபிட் கார்டுகள் முடக்கப்பட்டது. விரைவில் அவர்களுக்கு புதிய டெபிட் கார்ட் வழங்கப்படுவதாகவும் ஸ்டேட் வங்கி நிர்வாகம் அறிவித்திருந்தது. மேலும் நாடு முழுவதும், 32 லட்சம் பேரின், 'டெபிட் கார்டு' விபரங்கள் திருடப்பட்டு இருக்கலாம் என்றும் தகவல் வெளியானது. இதனால், டெபிட் கார்டு பயனர்கள் மத்தியில் பெரும் அச்சத்தை ஏற்படுத்தியது.

இதுதொடர்பாக ரிசர்வ் வங்கி, வங்கிகளுக்கு பிறப்பித்துள்ள  உத்தரவில்,  டெபிட் கார்டுகளை உடனடியாக மாற்றித்தருமாறு கோரியுள்ளது. மேலும் எவ்வளவு கார்டுகளின் தகவல் திருடப்பட்டுள்ளது என்றும் அறிக்கை சமர்ப்பிக்க உத்தரவிட்டுள்ளது. 

நிதியமைச்சகம் ரிசர்வ் வங்கியிடமும், நேஷனல் பேமண்ட் கார்ப்பொரேஷனிடமும் இந்த சம்பவம் தொடர்பாக விளக்கம் கேட்டதைத் தொடர்ந்து  ரிசர்வ் வங்கி உயர்மட்ட குழு நடத்திய ஆலோசனையில்  டெபிட் கார்டுகள் தகவல் பாதுகாப்பு பொறுப்பை முழுவதுமாக  ரிசர்வ் வங்கி மேற்கொள்ளும் என முடிவெடுக்கப்பட்டுள்ளது. எனவே இனி ‘Data breach' நடக்காமல் தவிர்க்கப்படும் என எதிர்பார்க்கப்படுகிறது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ