Vikatan.com

www.vikatan.com would like to send you push notifications.

Notifications can be turned off anytime from browser settings.

அர்னாப் டைம்ஸ் நவ்விலிருந்து விலகினார்! இதுதான் காரணமா...?

ர்னாப் கோஸ்வாமி... வட இந்திய செய்தித் தொலைக்காட்சிகளின் உரத்த குரலுக்குச் சொந்தக்காரர். 'டைம்ஸ் நவ்' தொலைக்காட்சியின் தலைமை செய்தி ஆசிரியராக இருந்த அர்னாப், தற்போது அந்த தொலைக்காட்சியிலிருந்து விலகியுள்ளார் என்கிற வகையில் செய்திகள் வெளியானது

'டைம்ஸ் நவ்'  அலுவலகத்தில் இன்று நடைபெற்ற இதர செய்தி ஆசிரியர்களுடனான சந்திப்பில் அவர் இந்த முடிவை அறிவித்ததாகக் கூறப்பட்டது. எனினும் மீடியாவிலிருந்து முழுவதுமாக  விலகியிருக்கும் திட்டம் எதுவும் அர்னாப்புக்கு இல்லாத நிலையில், புதிதாக ஒரு ஊடக நிறுவனத்தை அவர் தொடங்கலாம் என்றனர் அந்த தொலைக்காட்சியின் மூத்த செய்தியாளர்கள். இந்நிலையில் அர்னாப் பதவி விலகவில்லை என்றும் டைம்ஸ் நவ் தொலைக்காட்சியிலேயே நீடிப்பார் என்றும் செய்திகள் வெளிவந்துள்ளன.

அசாம் மாநிலத்தில் ராணுவ வீரர் ஒருவரின் மகனாகப் பிறந்த அர்னாப், டெல்லி இந்துக் கல்லூரியில் சமூகவியலும், லண்டன் ஆக்ஸ்போர்ட் பல்கலைக்கழகத்தில் சமூக மானுடவியல் படிப்பும் முடித்தவர். டெலிகிராப் பத்திரிக்கையில் முதன்முதலாகப் பணிபுரியத் தொடங்கி, பின்னர் 1995-ல், NDTV-ல் இணைந்தார். பின்னர் 'டைம்ஸ் நவ்' தொலைக்காட்சியில் இணைந்தார்.

2006-ல் தொடங்கப்பட்ட 'டைம்ஸ் நவ்' நிறுவனத்தின் ரேட்டிங்கை ஒரே வருடத்தில் முதலிடத்துக்கு கொண்டு வந்தவர் அர்னாப். அவரின் ’The News Hour', 'Frankly speaking with Arnab' உள்ளிட்ட நிகழ்ச்சிகள் 70% பார்வையாளர்களை எட்டு வருடங்கள் தொடர்ச்சியாக, தன் வசம் வைத்திருந்தது. மேலும் கார்கில் போர் தொடர்பான சர்ச்சை, 2ஜி வழக்கு, காமன்வெல்த் சர்ச்சை மற்றும் அன்னா ஹசாரேவின் உண்ணாவிரதப் போராட்டம் உள்ளிட்ட பல முக்கிய நிகழ்வுகளை உடனடியாகவும், கவனத்தை நிலைப்படுத்தும் வகையிலும் கொண்டு சென்ற அர்னாப்-ன் நிகழ்ச்சி மேலாண்மை முறை பரவலாகப் பேசப்பட்டது. 2014 மக்களவைத் தேர்தலுக்கு முன், நரேந்திர மோடி மற்றும் ராகுல் காந்தியுடனான அவரது பேட்டிகள், இந்தியாவின் அடுத்த பிரதமரை மக்கள் தீர்மானிக்கும் வகையில் அமைந்தது. அண்மையில் பாகிஸ்தான் தொடர்பாகக் கருத்து தெரிவித்ததற்காக இந்திய அரசு அவருக்கு Y பிரிவு பாதுகாப்பை அளித்தது குறிப்பிடத்தக்கது.

இந்நிலையில் அர்னாப் பதவி விலகுவாத அறிவித்ததும் மீண்டும் அதனைத் திரும்பப் பெற்றுக்கொண்டதற்குமான காரணம் என்ன? India wants to Know!  

- ஐஷ்வர்யா

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ