Vikatan.com

www.vikatan.com would like to send you push notifications.

Notifications can be turned off anytime from browser settings.

வருகிறது 'ஒரிஜினல்' இந்திய ரூபாய் தாள்கள்! #MakeinIndia

பல ஆண்டுகளுக்குப் பிறகு இந்திய ரூபாய்களான 500 - 1000 ஆகியவற்றை திரும்ப பெறும் முடிவை இந்திய அரசு எடுத்துள்ளது. இதன் சாதக பாதகங்கள் பல்வேறு தரப்பில் விவாதிக்கப்பட்டு வருகின்றன. இந்நிலையில் இந்த முடிவினை துணிச்சலாக  மத்திய அரசு எடுக்க பின்னால் இருந்தது ஒரே ஒரு அரசு நிறுவனம்தான், அது புதிதாக தொடங்கப்பட்ட 'மைசூரு வங்கித்தாள் அச்சடிப்பு நிறுவனம்"  அங்கிருந்து வரப்போவதுதான் இந்தியாவின் சிறப்புமிக்க புதிய ரூபாய்கள். 

கடந்த 2015-ம் ஆண்டு ஏப்ரல் 2-ம் தேதி அன்று மும்பையில் நடந்த ரிசர்வ் வங்கி விழா ஒன்றில் பேசிய பிரதமர் மோடி " நாம் இனியும் நமது ரூபாய்தாள்களை அச்சடிக்க வெளிநாடுகளை நம்பிக்கொண்டிருக்க கூடாது. நமது பலவீனங்களில் அதுவும் ஒன்று "என குறிப்பிட்டார். 

இந்திய ரூபாய்கள்

அதே ஏப்ரலில் அடுத்த பத்தாவது நாள் டெல்லியில் நடைபெற்ற மற்றொரு விழாவில் " இந்திய நாணவியல் கழகமும், ரிசர்வ் வங்கி முத்திரை ப்ரைவேட் லிமிடெட்டும் இணைந்து மைசூரில் கட்டப்பட்டு வரும் புதிய அச்சகத்தில் முழுக்க முழுக்க இந்தியாவில் உற்பத்தி செய்யப்பட்ட பொருட்களைக் கொண்ட ரூபாய்களை அச்சடிக்க உள்ளது" என்கிற அறிவிப்பை வெளியிட்டார். இது 'மேக் இன் இந்தியா' திட்டத்தில் ஒன்றாக கருத வேண்டும் என்றும் கேட்டுக்கொண்டார். 

இதன் தொடர்ச்சியாக 500 மற்றும் 1000 ரூபாய்களின் தாள்கள் செல்லாது என அறிவிக்கப்பட்டுள்ளது. அதே நேரம் புதிய 500 மற்றும் 2000 ரூபாய்கள் வர இருக்கின்றன எனவும் தெரிவிக்கப்படுகின்றன. 

இந்திய ரூபாய்கள் நாம் நினைப்பது போல் உண்மையில் காகிதங்களில் மட்டும் அச்சடிப்பதில்லை. அதில் பருத்தி,லினன்,  பால்சம் என்கிற மரப்பிசின் மற்றும் சில வகை சிறப்பு மை பயன்படுத்தப்படுகின்றன. இவை மட்டுமில்லாமல் பல்வேறு துணி இழைகளும் இதில் பயன்படுத்தப்படுகின்றன. எளிதில் மடங்கவும் லேசில் கிழியாதவாறும் இருக்கும்படி பல்வேறு விதமான அழுத்த சோதனைகளுக்கு உட்படுத்தப்பட்டு உருவாக்கப்படுகின்றது. இதிலுள்ள பாதுகாப்பு உறுதிமுறைகள் எளிதில் போலியான தாள்களை அச்சிடமுடியாத வண்ணம் உருவாக்கப்படுகிறது.  

ஸ்வீடன், நார்வே, மற்றும் ஃபின்லாந்து ஆகிய நாடுகளில் இருந்து ஸ்டார்ச் பேப்பர் என்கிற கஞ்சித்தாள் இறக்குமதி செய்யப்படுகிறது அதனுடன் வாழைநார் மற்றும் இந்திய பருத்தி இழைகள் சேர்த்து ரூபாய்தாள் உருவாகிறது.  அதில் ஸ்விட்சர்லாந்து நாட்டிலிருந்து இறக்குமதி செய்யப்பட்ட சிறப்பு அச்சு மைகள் கொண்டு தாள்கள் அச்சிடப்பட்டு வந்தன. மேலும் ரூபாய்களின் உறுதித்தன்மையை பாதுகாக்க ஜெலட்டின் என்கிற மிருக கொழுப்புக்கள் பயன்படுத்தப்பட்டதாகவும் உறுதிபடுத்தப்படாத தகவல்கள் தெரிவிக்கப்பட்டன. 

இந்நிலையில் மைசூரு ரூபாய் அச்சகத்தில் இந்த பணிகள் முழுமையாக கடந்த ஆண்டு நவம்பரிலே முழுமையாக தொடங்கப்பட்டுவிட்டன. கடந்த ஏப்ரல் மாதம் முதல் நாடு முழுவதும் ரகசியமாக புதிய 2000 ரூபாய்களும் 500 ரூபாய்களும் பல்வேறு ரிசர்வ் வங்கி மாநில தலைமையிடங்களில் சேமிக்கப்பட்டன. இப்படி மைசூரிலிருந்து பல்வேறு பகுதிகளில் சேமிக்க கொண்டு செல்லப்பட்ட பணம்தான் பல்வேறு பகுதிகளில் கண்டெயினர்களில் கொண்டு செல்லப்படும்போது சோதனைகளில் சிக்கி பரபரப்பை ஏற்படுத்தியது. ஜூலை மாதம் கரூரில் பழுதாகி நின்ற 1600 கோடி பணம் கூட மைசூரு ரூபாய் அச்சகத்தில் இருந்து திருவனந்தபுரம் ரிசர்வ் வங்கி கிளைக்கு கொண்டு செல்லப்பட்ட பணம்தான்.   

இந்திய ரூபாய்கள்

தற்போது ரூபாய்களை திரும்பப்பெறும் திட்டத்தின் கீழ் தாள்கள் திரும்பப்பெற்ற பின் வரப்போகும் புதிய தாள்கள் முழுக்க முழுக்க இந்தியாவில் தயாரிக்கப்பட்ட 'இந்திய ரூபாய்கள்'. இதில் பயன்படுத்தப்படும் சிறப்பு வாய்ந்த மைகள் கூட இந்தியாவில் தயாரிக்கப்பட்டது என்பது கூடுதல் சிறப்பு.  

- வரவனை செந்தில்
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ