Vikatan.com

www.vikatan.com would like to send you push notifications.

Notifications can be turned off anytime from browser settings.

மீனவர் பிரச்னைக்கு விரைவில் நிரந்தர தீர்வு!

மீனவர் பிரச்னை தொடர்பாக அடுத்த கட்ட பேச்சுவார்த்தை ஜனவரி 2ம் தேதி டெல்லியில் நடைபெற உள்ளதாக மத்திய அமைச்சர் பொன்.ராதாகிருஷ்ணன் தெரிவித்துள்ளார்.

ராமேஸ்வரத்தில் செய்தியாளர்களை சந்தித்த மத்திய இணை அமைச்சர் பொன்.ராதாகிருஷ்ணன், மீனவர் பிரச்னைக்கு நிரந்தர தீர்வு காண மத்திய அரசு தீவிரமாக முயற்சித்து வருவதாகக் குறிப்பிட்டார். தமிழக மீனவர் பிரச்னை தொடர்பாக இலங்கை அரசுடன் நடைபெற்ற பேச்சுவார்த்தை தற்போது முடிவடைந்துள்ள நிலையில், அடுத்தகட்ட பேச்சுவார்த்தை, அடுத்த வருடம் ஜனவரி 2ம் தேதி நடைபெற உள்ளதாகவும், அதில் இலங்கை அரசிடம் உள்ள தமிழக மீனவர்களின் படகுகளை மீட்பது தொடர்பாக பேச்சுவார்த்தை நடத்தப்படும் என்றும் அவர் நம்பிக்கை தெரிவித்தார்.

மேலும், தனிஷ்கொடியில் போடப்பட்ட புதிய சாலைக்கு ஏற்கனவே 50 கோடி ரூபாய் ஒதுக்கப்பட்ட நிலையில், சமீபத்தில் பெய்த மழையால் சாலை முற்றிலுமாக சேதமடைந்துள்ளதாகவும், அதனால், ஏற்கனவே ஒதுக்கப்பட்ட 50 கோடி ரூபாயையும் சேர்த்து, மொத்தமாக 63 கோடி ரூபாய் தற்போது ஒதுக்கப்பட்டுள்ளதாகவும் அவர் கூறினார்.

முன்னதாக முன்னாள் குடியரசு தலைவர் அப்துல் கலாம் நினைவிடத்தில் அஞ்சலி செலுத்தினார். அதனைத்தொடர்ந்து, ராமேஸ்வரத்தில் உள்ள கலாமின் வீட்டிற்குச் சென்ற அவர், சமீபத்தில் நூறாவது பிறந்த நாள் கொண்டாடிய கலாமின் சகோதரர் முஹம்மது முத்துமீரா மரைக்காயருக்கு பொன்னாடை போர்த்தி வாழ்த்து தெரிவித்தார்.

- இரா.மோகன் 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ