Vikatan.com

www.vikatan.com would like to send you push notifications.

Notifications can be turned off anytime from browser settings.

4 தொகுதிகளிலும் வாக்குப்பதிவு நிறைவு! 

தஞ்சாவூர், அரவக்குறிச்சி, திருப்பரங்குன்றம் மற்றும் நெல்லித்தோப்பு ஆகிய 4 சட்டசபை தொகுதிகளிலும் காலை 7 மணிக்குத் துவங்கிய வாக்குப்பதிவு மாலை 5 மணியுடன் நிறைவடைந்துள்ளது.

தஞ்சாவூரில் 69.02 சதவீத ஓட்டுகளும், அரவக்குறிச்சியில் 81.92 சதவீத ஓட்டுகளும், திருப்பரங்குன்றத்தில் 70.19 சதவீத ஓட்டுகளும், நெல்லித்தோப்பில் அதிக பட்சமாக 85.76 சதவீத வாக்குகள் பதிவாகி உள்ளன. தமிழகத்தில் 3 தொகுதிகளிலும் 89 வேட்பாளர்கள் போட்டியிட்டனர். இதனால், தமிழகத்தில் உள்ள 812 வாக்குச்சாவடிகளிலும் பலத்த போலீஸ் பாதுகாப்பு போடப்பட்டதுடன், துணை ராணுவத்தினரும் குவிக்கப்பட்டிருந்தனர். முக்கியமாக, மூன்று தொகுதிகளில் உள்ள 812 வாக்குச்சாவடி மையங்களும் வீடியோ மூலம் நேரடியாகக் கண்காணிக்கப்பட்டது. அதேபோல், புதுச்சேரி நெல்லித்தோப்பு தொகுதியில் 26 வாக்குச்சாவடியில் 31,336 வாக்காளர்கள் வாக்குப்பதிவு செய்தனர்.

இன்று வாக்குப் பதிவு நடைபெற்றதைத் தொடர்ந்து, வரும் 22-ம் தேதி காலை 8 மணிக்கு ஓட்டு எண்ணிக்கை தொடங்குகிறது. தஞ்சை தொகுதி ஓட்டுகள் குந்தவை நாச்சியார் அரசு கல்லூரியிலும், அரவக்குறிச்சி தொகுதி ஓட்டுகள் கரூர் குமாரசாமி பொறியியல் கல்லூரியிலும் எண்ணப்படுகின்றன. திருப்பரங்குன்றம் தொகுதி வாக்குகள் மதுரை மருத்துவக் கல்லூரியிலும், நெல்லித்தோப்பு தொகுதி வாக்கு எண்ணிக்கை புதுச்சேரி பாரதிதாசன் கல்லூரியிலும் எண்ணப்படுகின்றன. இதனிடையே பதிவான வாக்குகள் எண்ணும் இடங்களும் தயார் நிலையில் வைக்கப்பட்டு உள்ளதாகத் தமிழக தேர்தல் அதிகாரி ராஜேஷ் லக்கானி தெரிவித்துள்ளார்.

தமிழக சட்டமன்ற தேர்தல் கடந்த மே மாதம் நடைபெற்றபோது, தஞ்சாவூர், அரவக்குறிச்சி தொகுதிகளில் பணப்பட்டுவாடா நடந்ததாக எழுந்த புகாரை அடுத்து, 2 தொகுதிகளிலும் தேர்தல் அதிரடியாக ரத்து செய்யப்பட்டது. மேலும், மதுரை மாவட்டம் திருப்பரங்குன்றத்தில் வெற்றி பெற்ற அதிமுக எம்.எல்.ஏ. சீனிவேல் உயிரிழந்தார். இதனால், அந்த தொகுதி காலியானதாக அறிவிக்கப்பட்டது.

புதுவையில் தேர்தலில் போட்டியிடாத நாராயணசாமி முதலமைச்சர் ஆனதால், அவர் எம்.எல்.ஏ. ஆகும் வகையில் நெல்லித்தோப்பு காங்கிரஸ் எம்.எல்.ஏ. பதவியை ராஜினாமா செய்தார். அந்த தொகுதியையும் சேர்த்து மொத்தம் 4 தொகுதிகளிலும் வெற்றிகரமாக இன்று இடைத்தேர்தல் நடைபெற்றது குறிப்பிடத்தக்கது.

- ரா.அருள் வளன் அரசு 
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ