Vikatan.com

www.vikatan.com would like to send you push notifications.

Notifications can be turned off anytime from browser settings.

3 முக்கிய தலைவர்கள் சுட்டுக்கொலை... முடிவுக்கு வருகிறதா மாவோயிஸ்ட் ஆபரேஷன்?

டவுளின் தேசம் என அழைக்கப்படும் கேரளாவில், ஆதிவாசி, பழங்குடியின மக்களின் நலன் புறக்கணிக்கப்படுவதாகச் சொல்லி கடந்த சில ஆண்டுகளாகவே அடுத்தடுத்த தாக்குதலை நடத்தி வருகிறார்கள் மாவோயிஸ்ட்கள். வனத்துறை அலுவலகங்களுக்கு தீ வைப்பு, வனத்துறை வாகனங்கள் எரிப்பு, கே.எப்.சி. உள்ளிட்ட பன்னாட்டு வர்த்தக நிறுவனங்கள் மீது தாக்குதல் என தொடர்ச்சியான தாக்குதலால் நிலை குலைந்தது கேரளா.

"பழங்குடியினர் நலனைக் காக்க, ஆயுதமேந்திய போராட்டம் தான் ஒரே வழி என்ற அடிப்படையில், மாவோயிஸ்ட் உள்ளிட்ட சில அமைப்புகள் ஒன்றிணைந்து, தமிழக, கர்நாடக, கேரளா மாநிலங்கள் இணையும் முச்சந்திப்பான நீலகிரி மாவட்டம் கூடலூரில் புதிய இயக்கம் ஒன்றை உருவாக்கியுள்ளது. ஆயுதமேந்திய விவசாய புரட்சி தான் பழங்குடியினர் நலனை காக்கும் என்பது தான் அந்த இயக்கத்தின் முழக்கம்," என இரு ஆண்டுகளுக்கு முன்னர் வெளிப்படையாகவே எச்சரித்திருந்தது உளவுத்துறை. அதன் பின்னர் தான் துப்பாக்கிச்சூடு, தாக்குதல்கள் அதிகரித்தன.

"ஆதிவாசிமக்கள் இங்கு பல நூறு ஆண்டுகளாக வாழ்ந்து வருகின்றனர். இங்குள்ள தேயிலை தோட்டங்கள், ரப்பர் தோட்டங்கள் போன்ற விவசாய பூமிகளை உருவாக்கியவர்கள் ஆதிவாசிகள் தான். ஆனால் அவர்களுக்கான இடத்துக்கு பட்டா கொடுக்காமல் அரசு ஏமாற்றி வருகிறது. வனத்துறையினர் கஷ்டப்படும் ஆதிவாசி மக்களிடம் இருந்து பணம் பறிக்கும் செயல்களில் ஈடுபடுகின்றனர். போலீஸ் அதிகாரிகளும் இதற்கு துணையாக இருக்கின்றனர். ஆதிவாசிகளுக்கு சொந்தமான இடத்தில் எல்லாம் சொகுசு விடுதிகள் அமைக்க அரசு அனுமதிக்கிறது. ஆதிவாசிகளை அழித்து, பணம் படைத்தவர்கள் உல்லாசமாய் இருக்க அரசு பலவிதமான ஏற்பாடுகளை செய்து வருகிறது. ஆனால் ஆதிவாசி மக்களுக்கு இங்கு கழிப்பிடம் போன்ற அடிப்படை வசதிகளை கூட செய்து தரவில்லை. ஆதிவாசிகளின் குழந்தைகள் ஏராளமானோர் சத்து குறைபாடு காரணமாய் இறந்து போனார்கள். அதெல்லாம் இந்த அரசு கண்டுகொள்ளவே இல்லை.

இந்த பகுதிக்கு சொந்தக்காரர்கள் ஆதிவாசிகள். ஆனால் அவர்களை வெளியேற்றி மலை, காடுகளை வெளியாட்களுக்கும், சுற்றுலா பயணிகளுக்கும் திறந்து விட்டு சம்பாதிக்கிறது அரசு. இதில் கிடைக்கும் பணம் கூட ஆதிவாசிகளுக்காக செலவழிக்கப்படுவதில்லை. இதனால் தான் இந்த அலுவலகங்கள் மீது தாக்குதல் நடத்தியுள்ளோம். கடும் நெருக்கடியில் உள்ள ஆதிவாசிகள் நலனைக் காக்க இந்த போராட்டத்தை துவங்கியுள்ளோம்.  அரசு பயங்கரவாதம் இந்த பகுதியில் கட்டவிழ்த்து விடப்பட்டுள்ள நிலையில், அதற்குப் பதிலடியாக இத்தகைய போராட்டங்கள் மேலும் மூர்க்கமாகத் தொடரவே செய்யும். எங்கள் தரப்பு நியாயத்தை உணர்ந்து, பொதுமக்களாகிய நீங்களும் எங்களோடு சேர்ந்து போராட வேண்டும்," என போராட்டங்களுக்கு கடிதம் மூலமாக அழைப்பு விடுத்திருந்தனர் மாவோயிஸ்ட்கள்.

"நாங்கள் இங்கு மட்டுமில்லை. தமிழகம், கர்நாடகத்திலும் நாங்கள் இருக்கிறோம். அங்கும் எங்கள் போராட்டத்தை தீவிரப்படுத்துவோம். தண்ணீர், மண், காடு இவற்றுக்கான அதிகாரம் அங்குள்ள மனிதனுக்கு தான்.  அதனை நோக்கி போராடுவோம்" என்றும் மாவோயிஸ்ட்கள் தெரிவித்திருந்தனர்.

இதையடுத்து கேரளா மாநிலத்தில் அம்மாநில அதிரடிப்படையான தண்டர் போல்ட் போலீஸார் மூலம் தொடர் தேடுதல் பணியை மேற்கொண்டு வந்தது. மூன்று மாநில பிரச்னை என்பதால் மத்திய உளவு அமைப்பான, ஐ.பி. இதில் கவனம் செலுத்தி வந்தது. இந்த நடவடிக்கையின் பலனாக கடந்த இரு ஆண்டுகளுக்கு முன்னர் மாவோயிஸ்ட் இயக்கத்தின் முக்கிய நிர்வாகிகள் ரூபேஷ், சைனா, அனூப் உள்ளிட்ட 3 மாநிலங்களைச் சேர்ந்த 5 பேரை கோவை அருகே க்யூ பிரிவு போலீஸார் கைது செய்தனர்.

ஆனாலும் மாவோயிஸ்ட் இயக்கத்தின் மத்தியக்குழு உறுப்பினர் குப்பு தேவராஜ், மாநிலக்குழு உறுப்பினர் அஜீதா, கர்நாடகா மாநில நிர்வாகி சோமன் உள்ளிட்ட சில முக்கிய நிர்வாகிகள் தலைமறைவாக இருந்தனர். அவர்களை போலீஸார் தேடி வந்தனர். இந்நிலையில் நீலகிரி மாவட்ட எல்லையையொட்டிய வனப்பகுதியில் மாவோயிஸ்ட்கள் பதுங்கி இருப்பதாகவும், குப்பு தேவராஜ், அஜிதா உள்ளிட்டோரும் அங்கு இருப்பதாகவும் ரகசிய தகவல் கிடைத்தது.

இதையடுத்து தமிழக கேரளா எல்லையில் உள்ள கருளாயி வனப்பகுதி, படுக்கா என்ற இடத்துக்குச் சென்ற கேரள மாநில 'தண்டர்போல்ட்' அதிரடிப்படையினர், அங்கு தங்கியிருந்த மாவோயிஸ்ட்கள் சுற்றி வளைத்தனர். முதலில் மாவோயிஸ்ட் இயக்கத்தின் முக்கிய தலைவரான குப்பு தேவராஜை, டார்கெட் செய்த போலீஸார், முதல் சூட்டில் குப்பு தேவராஜையும், பின்னர் அஜிதாவையும் அடுத்தடுத்து சுட்டு வீழ்த்தினர். இந்த தாக்குதலில் மேலும் ஒருவரும் கொல்லப்பட்டார். அவர் சோமன் என சந்தேகிக்கப்படுகிறது. ஆனால் இன்னும் உறுதிப்படுத்தப்படவில்லை.

இறந்தவர்கள் மூவரும் மாவோயிஸ்ட் இயக்கத்தின் மிக முக்கிய நிர்வாகிகள் என கேரளா போலீஸார் தெரிவித்துள்ளனர். பல ஆண்டுகளாக தலைமறைவாக இருந்த இவர்களை பற்றி தகவல் அளித்தால் 10 லட்சம் பரிசு அளிப்பதாக ஜார்கண்ட், சத்தீஸ்கர் மாநில அரசுகள் தெரிவித்திருந்தது குறிப்பிடத்தக்கது.

- கே.சின்னதுரை

படங்கள் : தி.விஜய்

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ