Vikatan.com

www.vikatan.com would like to send you push notifications.

Notifications can be turned off anytime from browser settings.

மைனர் மகனுக்கு எம்.எல்.ஏவின் பென்ஸ் கார் பரிசு!

பென்ஸ்

கையில் 500 ரூபாய் வைத்துக் கொண்டு மாற்ற முடியாத சூழலில் மக்கள் அலைந்து திரிந்து கொண்டிருக்கையில், இந்த அரசியல்வாதிகள் வெந்த புண்ணில் வேல் பாய்ச்சுவது போல காரியங்களில் ஈடுபடுகின்றனர். முன்னாள் அமைச்சர் ஒருவர் மகளுக்கு ரூ. 500 கோடியில் திருமணம் செய்து வைக்க, அவரைத் தொடர்ந்து தனது மகனின் பிறந்த நாளை பிரமாண்டமாக கொண்டாடியுள்ளார் மற்றொரு எம்.எல்.ஏ. பாரதிய ஜனதா கட்சியைச் சேர்ந்த அந்த எம்.எல்.ஏ தனது மகனுக்கு பிறந்த நாள் பரிசாக விலை உயர்ந்த பென்ஸ் காரை வாங்கி சர்ஃப்ரைஸ் கிஃப்டாக அளித்துள்ளார். 

மும்பை காட்கோபர் மேற்குத் தொகுதி எம்எல்ஏ ஆக இருப்பவர் ராம் ஆர். கடம். இவரது மகன் அம் ஆர். கடம். பன்னிரண்டு வயது சிறுவன் பள்ளியில் படித்து வருகிறான். எம்.எல்.ஏவுக்கு மகன் மீது அலாதி பாசம். இந்த நிலையில், கடந்த 19-ம் தேதி மகனுக்கு பிறந்த நாள் வந்தது. மகனின் பிறந்த நாளில் அவனுக்கு மறக்க முடியாத கிஃப்ட் ஒன்றை வாங்கி பரிசளிக்க நினைத்தார் எம்.எல்.ஏ. என்ன பரிசு என்பதை சஸ்பென்சாகவும் வைத்திருந்தார். நவம்பர் 19-ம் தேதி அதிகாலையில் எழுந்த அம் ஆர். கடம் குளித்து முடித்து புத்தாடை அணிந்து  சுவாமி கும்பிட்டு விட்டு, பெற்றோரிடம் ஆசி வாங்கினார். இந்த சமயத்தில் மகனை வீட்டுக்கு வெளியே அழைத்து வந்த எம்எல்ஏ உனது பிறந்த நாளுக்கு தந்தையின் பரிசு எனக் கூறி விலை உயர்ந்த பென்ஸ் காரின் சாவியை வழங்கினார். அம் ஆர் கடம் தந்தையின் பரிசால் மகிழ்ச்சியில் திளைத்தார். அந்த காரின் மதிப்பு 30 லட்சத்துக்கு மேல் இருக்கும்.

மகன் பென்ஸ் காருடன் இருப்பது போன்ற புகைப்படத்தையும் ட்விட்டரில் பதிவு செய்து, 'எனது மகனுக்கு பிறந்த நாள் வாழ்த்துகள். அன்பு மகனுக்கு நான் வழங்கிய பிறந்த நாள் பரிசு இது'' என கூறியிருந்தார். பாரதிய ஜனதா கட்சி எம்.எல்.ஏ அதுவும் மைனர் மகனுக்கு  நாட்டில் நெருக்கடியான சூழல் நிலவுகையில், விலை உயர்ந்த பென்ஸ் காரினை பரிசாக வழங்கியது ட்விட்டர் வாசிகளை உலுக்கி எடுத்து விட்டது. இதையடுத்து ராம் கடம் மீது பாயத் தொடங்கினர்.

புகைப்படத்தில் இருக்கும் சிறுவனைப் பார்த்தால் மைனர் போலத் தெரிகிறது. சாலையோரத்தில் படுப்பவர்கள் கவனமாக இருக்கவும். இன்னொரு மோசமான விபத்தைக் காண மும்பை தயாராக இல்லை' என ஒரு ட்விட் தெரிவிக்கிறது. 'உங்கள் மகன் போலீஸ் லாக்அப்பிற்கு செல்ல நீங்களே காரணமாக இருக்காதீர்கள். பணம் இருக்கிறது என்பதற்காக ஆட்டம் போட வேண்டாம்' என்கிறது மற்றொரு ட்விட். பொறுப்பான தந்தையாக இருக்க வேண்டும். சிறுவர்களுக்கு கார் பரிசளிப்பது தவறான முன்னுதாரணம். கார் ஒன்றும் பொம்மை அல்ல. சாலையில் போவோர் வருவோர் கவனம் என்கிறது மற்றொரு ட்விட். 'பாரதிய ஜனதா கட்சியைச் சேர்ந்த எம்.எல்.ஏ ஒருவரே மகனுக்கு பிறந்த நாள் பரிசாக விலை உயர்ந்த பென்ஸ் கார் வாங்கிக் கொடுத்து, அதனை ட்விட்டும் செய்கிறார். உங்கள் கட்சித் தலைமை பார்த்துக் கொண்டிருக்கும்' என்கிறது இன்னொரு ட்விட். 

பிறந்த நாள் என்றால் நமக்கு ஒரு சாக்லேட், புதிய உடை கேக்குடன்  நமக்கு முடிந்து விடும். ஆனால் அரசியல்வாதிகளுக்கு விலை உயர்ந்த கார்களை பிறந்த நாள் பரிசாக வழங்குவது வழக்கமாகி விட்டது. இதற்கு முன் மும்பை  மீரா பயந்தரைச் சேர்ந்த நரேந்திர மேத்தா என்ற பாரதிய ஜனதா கட்சி எம்.எல்.ஏ தனது மனைவிக்கு விலை உயர்ந்த லம்போகினி காரை வாங்கி பிறந்த நாள் பரிசாக அளித்தார். இந்த காரின் மதிப்பு ஐந்தரை கோடி ரூபாய். அந்த காரை ஓட்டிய மனைவி விபத்தில் சிக்கினார். லம்போகினியில் அவரது மனைவி மேற்கொண்ட முதற் பயணமே விபத்தில் முடிந்தது.

- எம்.குமரேசன்


 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ