Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விஜய் மல்லையா கைது! - நெட்டிஸன்கள் ஏன் பதறினார்கள் தெரியுமா?

ந்திய வங்கிகளில் 9,000 கோடி ரூபாய் கடன் பெற்றுத் திருப்பிச் செலுத்தாமல் நாட்டைவிட்டுத் தலைமறைவான விஜய் மல்லையா, லண்டனில் தங்கி இருப்பதாகப் பல நாட்களுக்கு முன்னரே செய்தி வெளியானது. இன்று அவர் ஸ்காட்லாந்து யார்டு காவல்துறையினரால் கைது செய்யப்பட்டுள்ளார். அவர் கைது செய்யப்பட்ட தகவல் காட்டுத்தீயாகப் பரவிய சில நிமிடங்களில் இந்தியா முழுவதும் இருக்கும் நெட்டிஸன்கள் ஒரு விஷயத்திற்காகக் கவலைப்பட்டனர். அது என்ன விஷயமாக இருக்கும் என உங்களால் யூகிக்க முடிகிறதா..?

விஜய் மல்லையா

* 'கிங்ஃபிஷர் பீர் இனி கிடைக்குமா கிடைக்காதா...' என்பதைப் பற்றித்தான் ஒட்டுமொத்த சமூக ஊடக இளைஞர்களும் பட்டிமன்றம் நடத்திக்கொண்டிருக்கிறார்கள். இந்தச் செய்தியை நீங்கள் வாசிக்கும் இந்த நொடியிலும்கூட உங்கள் ஃபேஸ்புக் டைம்லைன் அல்லது ட்விட்டர் பக்கத்தில் இதே போன்ற பதிவுகள் கண்ணில் பட்டுக்கொண்டிருக்கும். அவரவர்க்கு அவரவர் கவலை. 

* இன்று தமிழகத்தில் வழக்கத்தை விட அதிகமாக அனல் காற்று வீசும் என நேற்றே எச்சரிக்கை விடுக்கப்பட்டிருந்தது. ஆனால், நேற்று இரவு அ.தி.மு.க-வின் இரு அணிகளும் இணையப் போவதாகத் தகவல்கள் பரவின. எல்லோரும் அந்தச் செய்தியை எதிர்பார்த்துக் காத்திருக்க, இப்போது மல்லையா கைது செய்யப்பட்ட தகவல் வந்ததிலிருந்து சமூக வலைதளம் முழுக்க விஜய் மல்லையா ட்ரெண்ட் அடிக்கத் தொடங்கி இருக்கிறது. இந்த ட்ரெண்ட் காற்று கோடை அனலை விட உக்கிரமாகவே இருக்கிறது. 

* மல்லையா வாங்கிய கடன்களை வாராக்கடன் பட்டியலில் சேர்த்து வங்கிகள் தள்ளுபடி செய்தது, சில நாட்களுக்கு முன்னர் எழுத்தாளர் ஜெயமோகன், மல்லையாவை 'தோற்றுப்போன தொழில் முனைவர்' எனக்  கூறியது, மல்லையா உரிமையாளராக இருக்கும் பெங்களூரு ராயல் சேலஞ்சர்ஸ் அணி  ஐ.பி.எல் டி-20 போட்டிகளின் இந்தத் தொடரில் சொதப்புவது என எல்லாவற்றையும் கலந்து பொளந்தெடுக்கத் தொடங்கிவிட்டார்கள். விஜய் மல்லையாவைக் கலாய்க்கும் மீம்களும் வாட்ஸ்-அப் வழியே ஃபார்வர்டாகத் தொடங்கிவிட்டன.

விஜய் மல்லையா கைது - மீம்

* விஜய் மல்லையா தலைமறைவாக இருந்த நேரங்களிலும் ட்விட்டரில் படு ஆக்டிவாக இருந்துவந்தார். சமூக வலைதளங்களில் ஹாயாக சுற்றிவந்த அவரையே உங்களால் பிடிக்க முடியவில்லையே என ஸ்காட்லாந்து யார்டு போலீஸாரை வம்பிழுத்தனர் நெட்டிஸன்கள். இப்போது ஒருவழியாக அவரைக் கைது செய்து இந்தியாவுக்கு அனுப்ப முடிவெடுத்திருக்கிறார்களாம். அவரைக் கைது செய்ததை ஒருபக்கம் எல்லோரும் கொண்டாடினாலும் இளைஞர்களின் விருப்பத் தேர்வாக இருக்கும் 'கே.எஃப்' பீர் இனி கிடைக்குமா என்பதுதான் பலருக்குக் கவலையாக இருக்கிறது.

- விக்கி 

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close