Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பாலியல் பலாத்காரம் செய்த சாமியாருக்கு நேர்ந்த கதி.. இளம் பெண்ணின் துணிச்சல்!

கேரள மாநிலம் கொல்லத்தில் இளம்பெண்னை பாலியல் பலாத்காரம் செய்த சாமியாரின் ஆண் உறுப்பை அந்தப் பெண் அறுத்துள்ளார். இந்தச் சம்பவம் கேரளாவில் பரபரப்பை ஏற்படுத்தியுள்ளது. 

கேரள மாநிலம் திருவனந்தபுரம் கண்ணமுலாவில் உள்ள பெண் வீட்டுக்குப் பூஜை செய்வதற்காக ஶ்ரீஹரி என்ற கணேஸானந்தா தீர்த்தபதா ஸ்வாமி சென்றுள்ளார். அப்போது அந்த வீட்டில் இருந்த 23 வயது பெண்ணை சாமியார் பாலியல் பலாத்காரம் செய்ய முயற்சி செய்துள்ளார். பாதிக்கப்பட்ட அந்தப் பெண் தன்னை தற்காத்துக் கொள்ள கத்தியைக் கொண்டு சாமியாரின் ஆண் உறுப்பை கத்தியால் அறுத்துவிட்டார். பலத்த காயமடைந்த அந்த சாமியார் திருவனந்தபுரத்தில் உள்ள அரசு மருத்துவமனையில் அனுமதிக்கப்பட்டுள்ளார்.

தற்போது அந்த சாமியாரின் மீது பாலியல் பலாத்காரத்துக்கு முயற்சி செய்த பிரிவின் கீழ் வழக்குப்பதிவு செய்யப்பட்டுள்ளது. இந்த சம்பவம் குறித்து தெரிவித்த காவல்துறையினர், 'பாதிக்கப்பட்ட பெண்ணின் குடும்பத்தினர் இந்த சாமியாரைப் பின்பற்றுபவர்கள். அந்தப் பெண் அப்பா நோய்வாய்ப்பட்டிருக்கும் சூழலில் அந்த சாமியார் அடிக்கடி வீட்டுக்கு வந்து பூஜை செய்வார். அந்தப் பெண் 12-ம் வகுப்பு படிக்கும் காலத்தில் இருந்தே அவரைப் பாலியல் பலாத்காரம் செய்துள்ளார். மேலும் இந்தச் சம்பவம் அவரது தாய்க்கு தெரிந்தே நடைபெற்றுள்ளது. அவரது தாயும் இந்தச் செயலுக்கு உடந்தை' என்று சிறுமி தெரிவித்ததாக அவர்கள்  தெரிவித்துள்ளனர். தற்போது அந்தச் சாமியார் ஆபத்தான கட்டத்தை தாண்டிவிட்டதாக மருத்துவர்கள் தெரிவித்துள்ளனர். 

இந்த சம்பவம் குறித்து கருத்து தெரிவித்த கேரள முதல்வர் பினராயி விஜயன், 'அந்த பெண்ணின் செயல் தைரியமானது. அதில் எந்த சந்தேகமும் இல்லை' என்று தெரிவித்துள்ளார். 
 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close