Vikatan.com

www.vikatan.com would like to send you push notifications.

Notifications can be turned off anytime from browser settings.

ஏப்ரலில் விற்பனைக்கு வருகிறது ஆப்பிள் ஸ்மார்ட் வாட்ச்!

மிகவும் ஆர்வத்துடன் எதிர்பார்க்கப்படும் ஆப்பிளின் ஸ்மார்ட் வாட்ச் அடுத்த மாதம் விற்பனைக்கு வரும் என்று அறிவிக்கப்பட்டுள்ளது.

கடந்த சில மாதங்களாகவே ஆப்பிளின் ஸ்மார்ட் வாட்ச் பற்றி பெரும் எதிர்பார்ப்பு நிலவி வருகிறது. இந்த ஸ்மார்ட் வாட்சின் விலை மற்றும் பல்வேறு அம்சங்கள் குறித்த கணிப்புகளும், யூகங்களும் தொடர்ந்து வெளியாகி கொண்டிருந்தன.

இந்நிலையில், அமெரிக்காவின் சான்பிரான்சிஸ்கோ நகரில் நடைபெற்ற நிகழ்ச்சியில் ஆப்பீல் நிறுவன சி.இ.ஓ.டிம் குக் ஆப்பிள் ஸ்மார்ட் வாட்ச் தொடர்பான விவரங்களை அதிகாரபூர்வமாக வெளியிட்டார்.

ஆப்பிள் ஸ்மார்ட் வாட்ச் மூன்று வித பிரிவுகளில் அறிமுகமாகிறது. மொத்தம் 38 மாதிரிகள் உருவாக்கப்பட்டுள்ளன. ஆப்பிள் ஸ்போர்ட் எனும் மாதிரி 349 டாலருக்கு விற்பனையாக உள்ளது. இது தவிர விலை உயர்ந்த சொகுசு மாதிரிகளும் உண்டு. இவை 10,000 டாலர் முதல் 17,000 டாலர் வரை விலை கொண்டுள்ளன. சொகுசு வாட்ச் தங்கத்தாலானது.

ஏப்ரல் 24ஆம் தேதி முதல் விற்பனைக்கு வர உள்ளன. ஏப்ரல், 10ஆம் தேதி முதல் முன்பதிவு செய்யலாம். அமெரிக்கா உள்ளிட்ட 9 நாடுகளில் முதல் கட்டமாக விற்பனைக்கு வருகிறது.

18 மணி நேரம் நீடிக்க கூடிய பேட்டரி, மேக்னடிக்கு முறையிலான சார்ஜிங் வசதி ஆகியவை முக்கிய அம்சங்களாக கருதப்படுகின்றன. புளுடூத் மூலம் ஐபோனுடன் இணைக்கப்படுவதால் இதிலே அழைப்புகளை பெறலாம், பேசலாம். பேஸ்புக், டிவிட்டர், இன்ஸ்டாகிராம் போன்ற செயலிகளும் செயல்படும். இமெயிலுக்கான நோட்டிபிகேஷன் வசதியும் இருக்கிறது.

ஒரே இடத்தில் அதிக நேரம் அமர்ந்திருந்தால் எழுந்து நடக்க இந்த வாட்ச் நினைவூட்டும். ஸ்மார்ட்கீ மூலம் ஹோட்டல் அறைகளை திறக்கும் வசதியும் இருக்கிறது. ஜிபிஎஸ் நேவிகேஷன் வசதி இருக்கிறது. டச் ஸ்கிரீன் மூலம் செயலிகளை இயக்கலாம். ஃபிட்னஸ் பிரியர்களுக்கு ஏற்ற பல அம்சங்களும் இருக்கின்றன.

ஆப்பிளின் ஸ்மார்ட் வாட்ச் இந்த பிரிவில் மிகவும் எதிர்பார்க்கப்படுகிறது. ஸ்மார்ட் வாட்ச் சந்தைக்கு தேவையான வளர்ச்சியை இது கொண்டு வருமா என்ற ஏக்கமும் இருக்கிறது. ஆப்பிள் நிறுவனர் ஸ்டீவ் ஜாப்ஸ் மறைவிற்கு பிறகு புதிய பிரிவில் ஆப்பிள் அறிமுகம் செய்யும் முதல் தயாரிப்பாக இது அமைந்துள்ளது.

ஸ்மார்ட் வாட்ச் தவிர மெல்லிய லேப்டாப்பான மேக்புக்கையும் ஆப்பிள் அறிமுகம் செய்துள்ளது.

-சைபர்சிம்மன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ