Vikatan.com

www.vikatan.com would like to send you push notifications.

Notifications can be turned off anytime from browser settings.

ஆப்பிள் நிறுவனம் ஒரு ஹிட்லர்: சர்ச்சையை கிளப்பும் சீன விளம்பரம்!

ஸ்மார்ட்போன் சந்தையில் மேலும் ஒரு சீன நிறுவனம் நுழைய உள்ளது. லே டிவி எனும் அந்த நிறுவனம், இந்த அறிவிப்பை சூசகமாக மட்டும் அல்ல ரகளையாகவும் வெளியிட்டு, சர்ச்சையை ஏற்படுத்தியிருக்கிறது. அந்நிறுவன சி.இ.ஓ, ஸ்மார்ட்போன் சந்தையில் முக்கிய நிறுவனமாக இருக்கும் ஆப்பிள் நிறுவனத்தை ஹிட்லருடன் ஒப்பிட்டு அதிர வைத்திருக்கிறார்.

லே டிவி நிறுவனம், சீனாவில் லெஷி டிவி எனும் இணைய வீடியோ தளத்தை நடத்தி வருகிறது. இந்நிறுவனத்தின் சி.இ.ஓ வான ஜியா யூடிங் (Jia Yueting ) சமீபத்தில், தனது வெய்போ ( சீன டிவிட்டர்) பக்கத்தில், புதிய போஸ்டருக்கான புகைப்படம் ஒன்றை பகிர்ந்து கொண்டுள்ளார்.

அந்த படத்தில் ஹிட்லரின் கார்ட்டூன் தோற்றம் இடம் பெற்றுள்ளது. அதில் அவரது கைப்பட்டையில் 'ஸ்வஸ் திக்' சின்னத்திற்கு பதில் ஆப்பிள் நிறுவனத்தின் சின்னம் பொறிக்கப்பட்டுள்ளது.

இதன் கீழே இடம்பெற்றுள்ள வாசகத்தில் கிரவுட்சோர்ஸ், சுதந்திரம்/ அடக்கு முறை மற்றும் சர்வாதிகாரம் என குறிப்பிடப்பட்டு, இரண்டு பாதைகள் சுட்டிக் காட்டப்பட்டுள்ளன. ஒரு பாதையில் சிறுவர்கள் உற்சாகமாக திறந்திருக்கும் கதவில் நுழைய காத்திருக்கின்றனர்.

அந்த கதவு, நிறுவனத்தின் புதிய ஸ்மார்ட்போனான  X900 ஐ குறிப்பதாக கருதப்படுகிறது. அதற்கு வலது பக்கத்தில் ஹிட்லர் உருவம் மற்றும் எச்சரிக்கை வாசகங்கள் இடம்பெற்றுள்ளன.

இந்த புகைப்படத்துடன் பகிர்ந்துள்ள குறும்பதிவில் , ஆப்பிள் நிறுவனத்தின் ஆதிக்கத்தை விமர்சித்துள்ளதுடன், ஆப்பிளை தேயும் பேரரசு என்றும் வர்ணித்துள்ளார். கூடவே மாற்றத்திற்காக காத்திருங்கள் என்றும் அவர் குறிப்பிட்டுள்ளார்.

போட்டி நிறுவனங்கள் தங்கள் விளம்பரங்களில், ஆப்பிள் நிறுவனத்தை வம்புக்கு இழுப்பது உண்டுதான்.

ஆனால் ஆப்பிள் நிறுவனத்தை ஹிட்லருடன் ஒப்பிட்டு வெளியாகி இருக்கும் இந்த விளம்பரம், விமர்சனத்தையும், சர்ச்சையையும் கிளப்பியுள்ளது.

- சைபர்சிம்மன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ