Vikatan.com

www.vikatan.com would like to send you push notifications.

Notifications can be turned off anytime from browser settings.

பள்ளிப்படிப்பை தாண்டாத மதுரை விஞ்ஞானி!

மதுரை மாவட்டத்தில் பல அரிய கண்டுபிடிப்புகளை கண்டுபிடித்து தேசியவிருது பெற்றவர் எம்.அப்துல் ரசாக். மதுரை பீ.பீ.குளம் நபிகள் நாயகம் தெருவில் உள்ள  சிறு வீட்டில் வசித்து வருகிறார். 45 வயதான இவர், ஒரு எலக்ட்ரீசியன். ஆனால் புதிய கண்டுபிடிப்புகளின் மீது ஆர்வமுடையவர். கஷ்டமான குடும்பத்தில் பிறந்த இவர், 7வது வரைதான் படித்துள்ளார். 

புதிய கண்டுபிடிப்புகள் குறித்து அவரிடம் பேசுகையில், 'நான் சிறுவயதில் படிக்கும் போது பல மன்னர்கள். அறிஞர்கள், தலைவர்கள் போன்றோரின் வரலாற்றினை படிக்கின்றோம். அதுபோல் இந்த மண்ணில் பிறந்தோர் ஏதாவது சாதிக்க வேண்டும். அதுமட்டுமில்லாமல் நமக்கு பின்னால் நம் வரலாற்றினை பலரும் படிக்க வேண்டும் என்ற நோக்கத்துடன் ஏதாவது கண்டுபிடிக்கலாம் என்று நினைத்தேன். அதே சமயம் வறுமையும் என்னை தொல்லை செய்தது. ஆனாலும் அதையும் மீறி பல கண்டுபிடிப்புகளையும் கண்டுபிடித்தேன். 

முதலில் சாதம் வடிக்கும் பாத்திரம், அதாவது சாதம் வெந்தவுடன் கீழே உள்ள பைப்பை திறந்தால் போதும் சாதத்தின் சூடான நீர்’ வெளியேறி விடும். இது தான் என்னுடைய முதல்  கண்டுபிடிப்பு. இதை எளிமையான முறையில் உபயோகிக்கலாம். இதனை கண்டுபிடிக்க காரணம் என் மனைவிதான். எளிமையாக சாப்பாடு தயாரிக்க கண்டுபிடித்தது.

அடுத்து ஆட்டோ, டூவிலர் டயர் திருடுபோவதை தடுக்க 200 ரூபாயில் சேப்டி லாக் ஒன்றை கண்டுபிடித்தேன். இது என்னவென்றால் டயரின் மேற்பரப்பில் உள்ள நட்டுகள் கழட்டுவதற்கு எளிதாக இருக்கும். அதனால்தான் எளிதாக திருடுகின்றனர். இந்த சேப்டி லாக் அதன் மேல் தட்டை அடைத்துவிடும். எந்த சாவி போட்டாலும் திறக்க முடியாது' என்கிறார்.

இதுபோல் மொபைல் போனுடன் கூடிய சார்ஜர் என எத்தனையோ கண்டுபிடிப்புகளுக்கு சொந்தக்காரர். முதல் கண்டுபிடிப்பிற்காக ஜனாதிபதி பிரதிபா பாட்டீலிடம் தேசியவிருது பெற்றார். அப்போது டெல்லியில் 5 நாட்கள் தங்கியிருந்த போது கடும் குளிர் அவரை வாட்டியது. இதுபோல் தான் எல்லையில் உள்ள ராணுவ வீரர்கள் மிகவும் கஷ்டப்படுவார்கள் என்று உணர்ந்து  ஊர் திரும்பியவுடன் “பனி கோட்” ஒன்றையும் கண்டுபிடித்து உள்ளார்.

அதுமட்டுமில்லாமல் டபுள்-டக்கர் மின்விசிறி,  மின்விசிறியில் லைட் எரிய வைத்தல் போன்ற அசத்தலுடன் பல கண்டுபிடிப்புகளை கண்டுபிடித்துள்ளார்.

இப்போது சமையல் எரிவாயு மிச்சபடுத்த மரத்தூள் கொண்டு விறகுக்கு பதிலாக ஒன்றை உருவாக்கியுள்ளார் ரசாக். இதனை கொண்டு சமையல் செய்தால் 1 மணி நேரம் வரை எரியுமாம். இதன் அளவு 3 செ.மீட்டராம். இதனை எளிதாக வெளியூர் கொண்டு சென்று உபயோகிக்கலாம். இதனுடைய விலை 5 ரூபாய்தான். இதனால் காற்று மாசுபடாது. அவ்வளவு புகையும் வராது என்று இவரின் கண்டுப்பிடிப்புகளின் லிஸ்ட் நீண்டு கொண்டே செல்கிறது

- ர.அரவிந்த் (மாணவ பத்திரிகையாளர்)

படங்கள்: காளிமுத்து

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ