Vikatan.com

www.vikatan.com would like to send you push notifications.

Notifications can be turned off anytime from browser settings.

விண்வெளிக்குப் போகாமலேயே, விண்வெளிக்குப் போவது எப்படி?

'50 வருடங்கள் ஆகலாம்... ஏன், 500 வருடங்கள் கூட ஆகலாம். ஆனால், நம் சந்ததியினர் விண்வெளியில் வாழ்வது சாத்தியமே!' தீர்க்கமான பார்வையுடன் தீர்க்கதரிசி போல் பேசுகிறார் ஏஞ்சலோ வெர்முலன்(Angelo Vermulen). நாஸா அமைத்திருக்கும் செவ்வாய் கிரக சூழலியலுக்கான சிமுலேஷன் டீம் கமாண்டர் இவர்தான். சரி, விண்வெளியில் வாழப்போகிறோம். சிமென்ட் வீடா? மரத்தினாலான வீடா? ஆக்ஸிஜன் சிலிண்டர் இருந்துவிட்டால் மட்டும் போதுமா? சுற்றிலும் வண்ணங்கள் கூட இல்லாமல் ஒரு மனிதனால் அங்கே தாக்குப்பிடிக்க முடியுமா?

 



ஏஞ்சலோ வெர்முலன் டீமுக்கு கொடுக்கப்பட்ட அசைன்மென்ட் இதுதான். ஒருநாள் விண்வெளியில், செவ்வாய் கிரகத்தில் மனிதர்கள் குடியேறும்போது அங்கிருக்கும் சுற்றுச் சூழ்நிலைகளுக்கு ஏற்றவாறு வசிப்பிடத்தை உருவாக்கவேண்டும். ஸ்கூல் படிக்கும்போது நமக்கு கொடுக்கப்பட்ட அசைன்மென்ட்டை அக்காவுக்கோ, பக்கத்து வீட்டு தம்பிக்கோ கொடுத்து எழுதி வாங்குவதுபோல ஏஞ்சலோ வெர்முலன்-ம் உலக மக்களுக்கு இந்த அசைன்மென்ட்டை ஒரு ஆர்ட் ப்ராஜெக்ட் சேலஞ்சாக கொடுத்துவிட்டார்.

இனி, ஏஞ்சலோ வெர்முலன்-ன் வார்த்தைகளில்....!

"ஒரு விஞ்ஞானியாக நாசா அமைப்பின் செவ்வாய் கிரக சிமுலேஷன் டீமின் கமாண்டராக இருந்தேன். ஒரு கலைஞராக பல சமுதாயங்களுடன் இணைந்து உலகம் முழுக்க கலைப் பொருட்களை உருவாக்கி வருகிறேன். முதலில் நாஸா எனக்கு கொடுத்த மிஷனைப் பற்றிப் பார்ப்போம்!
HI-SEAS (Hawaii Space Exploration Analog and Simulation) என்ற பெயரில் நாஸா ஒரு ப்ராஜெக்ட்டை ஆரம்பித்தது. ஹவாய் தீவில், செவ்வாய் கிரகம் போன்ற நிலப்பரப்பு கொண்ட இடங்கள் உள்ளன. அங்கே 6 பேர் கொண்ட ஒரு சிறிய குழுவை உருவாக்கி, ஒரு 'Dome'-ல் வைத்து மாதக்கணக்கில் அடைத்துவிடுவார்கள். வெளிஉலகோடு கொஞ்சம் கூட தொடர்பே இருக்காது. இங்கே 6 பேருடன், 4 மாதம் தங்கி இருந்தேன். செவ்வாய் கிரகத்தில் மாதக்கணக்கில் தங்கி இருந்தால் என்னனென்ன சவால்களை சந்திக்க நேரிடும் என்பதை பூமியிலேயே சிமுலேட் செய்து பார்த்தோம். முக்கியமாக உணவு குறித்த ஆராய்ச்சிகளை செய்தோம். மேலும், விண்வெளி உடைகளை அணிந்துகொண்டு வெளியே நடந்து பார்ப்போம். எல்லாம் நம் ஊர்தான். ஆனால், செவ்வாய் கிரகத்தில் இருப்பதுபோன்ற உணர்வு இருக்கும்.



இதில் சேலஞ்சே சிறிய இடத்துக்குள் குழுவாக பல நாட்களுக்கு இருப்பதுதான். இதனால் உளவியல் ரீதியாக பல பாதிப்புகள் இருக்கும். இதையெல்லாம் ஆராய்ந்து, மனிதர்கள் செவ்வாய் கிரகத்தில் இருந்தால் மனநல ரீதியாக எப்படி ரியாக்ட் செய்வார்கள் என்று கண்டுபிடிக்கவேண்டும். இந்த சூழ்நிலையில்தான் 'Seeker' எனும் போட்டியை உருவாக்கினேன். வேறு ஒரு கிரகத்தில் இருந்தால் நம் தினசரி வாழ்க்கை எப்படி இருக்கும் என்று கணித்து, அதற்கேற்ற வசிப்பிடத்தை உருவாக்கவேண்டும். இதுதான் டார்கெட்.

இந்தப் போட்டியின்படி நான் ஒரு ஐடியாவை ஒரு குழுவினரிடம் கொடுப்பேன். அவர்கள் குழுவாக ஒன்றிணைந்து அந்த ஐடியாவை ப்ரோட்டோடைப்பாக மாற்றுவார்கள். இந்த ப்ரோட்டோடைப்பே நாம் உள்ளே புழங்கும் அளவுக்கு பெரிதாக இருக்கும். பெல்ஜியம் மற்றும் ஹாலந்தில் முதல் ப்ரோட்டோடைப்கள் தயாராகின. ஸ்லோவேனியாவில் இருந்த ஒரு குழு, முதலில் தயாரான ப்ரோட்டோடைப்பின் மேலோட்டமான கட்டமைப்பை எடுத்துவிட்டு, biomorphic ஸ்டைல் கட்டமைப்பை உருவாக்கினார்கள். பயன்படுத்தப்பட்ட கேரவன்களை வாங்கி இந்த ப்ரோட்டோடைப்பை தயார் செய்தனர்.



இந்த ப்ரோட்டோடைப் வசிப்பிடத்தில் மூன்று முக்கிய அம்சங்கள் உள்ளன. சூழலியல், மனிதர்கள், தொழில்நுட்பம். அக்குவாகல்ச்சர் முறையில் மனிதர்கள் தங்களுடைய உணவுகளைச் சார்ந்த வசிப்பிடத்தில்தான் இருப்பார்கள். இங்கே எங்களை நாங்களே அடைத்துக் கொண்டு பல நாட்கள் தங்கியிருப்போம்.


இப்போது சிலியில் உள்ள அட்டகாமா பாலைவனத்தில் இந்தப் ப்ராஜெக்ட்டின் அடுத்தக் கட்டப் பணிகள் ஆரம்பமாகிவிட்டன. இந்த இடத்தில் நிலப்பரப்பு செவ்வாய் கிரகம் போலவே இருக்கும் என்பதால் நாஸாவின் ஃபேவரைட் இடம் இது. மேலும், உலகிலேயே மிகவும் வறட்சியான பகுதியும் இதுதான். இங்கே நாள்கணக்கில் தங்கி, செவ்வாய் கிரகத்தின் நாம் வாழப்போகும் சூழலை ஆராய்ச்சி செய்யப்போகிறோம்.



விண்வெளி, செவ்வாய் கிரகத்தில் மனிதன் என்றாலே ராக்கெட், ஏலியன், ஆக்ஸிஜன் சிலிண்டர்கள் என்றுதான் மக்கள் நினைக்கிறார்கள். இவையெல்லாம் ஒரு பிரச்னையே அல்ல. பலவிதமான சமூகங்களில் இருந்து ஒன்றாக இணையும் மனிதர்கள் ஒரே இடத்தில், ஒரேவிதமான உணவுப்பழக்கத்தில், வெளியே எந்தவித தொடர்பும் இல்லாமல், வேறு ஒரு கிரகத்தில் எப்படி வாழப்போகிறார்கள்?

இதைத் தெரிந்துகொள்ளத்தான் போராடிக்கொண்டிருக்கிறோம். விரைவில், விடைகூறுவோம்!"

நம்பிக்கையுடன் முடிக்கிறார் ஏஞ்சலோ வெர்முலன்.

- ராஜா ராமமூர்த்தி

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ