Vikatan.com

www.vikatan.com would like to send you push notifications.

Notifications can be turned off anytime from browser settings.

ஃபைல்களின் ராஜ்ஜியம்! (கம்ப்யூட்ராலஜி – 9)

ன் உறவினர் வீட்டிற்குச் சென்றிருந்தோம். அப்போது அவர்கள் சமீபத்தில் நடந்து முடிந்திருந்த திருமண நிகழ்ச்சியின் புகைப்படங்களை கம்ப்யூட்டரில் பார்த்துக் கொண்டிருந்தார்கள். அதில் இருந்து தேவையான புகைப்படங்களை தேர்ந்தெடுத்து,  ஆல்பம் தயாரிக்கக் கொடுக்க வேண்டும். உறவினர் வீட்டில் தொழில்நுட்பம் தெரிந்தவர்கள் யாரும் இல்லை. எனவே, ஒரு பேப்பரில் தேவையான புகைப்படங்களின் ஃபைல்களில் பெயர்களை எழுதிக்கொண்டிருந்தனர்.

அப்போது அவர்களுக்கு நான் ஒரு யோசனை சொன்னேன். அதாவது புகைப்படங்களை வைத்துள்ள ஃபோல்டரை காப்பி செய்து மற்றொரு ஃபோல்டரில் வைத்துக்கொண்டு, அதில் தேவையில்லாத புகைப்படங்களை டெலிட் செய்துவிட்டால் அதில் ஆல்பத்துக்குத் தேவையான புகைப்படங்கள் மட்டும் இருக்கும். அந்த புகைப்படங்களின் பெயர்களை மட்டும் காப்பி செய்து, வேர்ட் ஃபைலில் பேஸ்ட் செய்து ஸ்டுடியோவில் கொடுத்துவிட்டால் அவர்கள்,  தங்களிடம் உள்ள புகைப்படத்தொகுப்பில் இருந்து அவற்றை தேர்ந்தெடுத்து ஆல்பமாக்கிக் கொடுப்பார்கள் என்பதுதான் அந்த யோசனை.

சில நிமிடங்களில் அந்த யோசனையை செயலாக்கம் செய்து கொடுத்தபோது, அன்றைய தினம் நான் ஹீரோவானேன் அவர்கள் பார்வையில்.

இதுபோல நம் கம்ப்யூட்டரில் உள்ள விண்டோஸ் ஆப்பரேட்டிங் சிஸ்டத்தில்,  நாம் தினமும் பயன்படுத்தும் ஃபைல்களைக் கையாள்வதில் சின்ன சின்னதாய் தெரிந்ததில், தெரியாத விஷயங்கள் உள்ளன.

ஃபைல்களின் பெயர்களை காப்பி பேஸ்ட் செய்யும் முறை

1. தேவையான ஃபோல்டருக்குள் செல்ல வேண்டும். எல்லா ஃபைல்களையும் மவுஸால் செலக்ட் செய்துகொள்ள வேண்டும்.

2. கீபோர்டில் Shift கீயை அழுத்திக்கொண்டு மவுஸின் வலப்புற பட்டனை கிளிக் செய்ய வேண்டும்.

3. இப்போது கிடைக்கும் பாப்-அப் விண்டோவில் Copy as Path என்ற விவரத்தை கிளிக் செய்ய வேண்டும். உடனடியாக நாம் செலெக்ட் செய்துள்ள ஃபைல்களின் பெயர்கள் காப்பி ஆகிவிடும்.

4. எம்.எஸ்.வேர்டை இயக்கி டாக்குமெண்ட் ஃபைலை திறந்து கொள்ள வேண்டும். அதில் CTRL + V என்ற ஷார்ட் கட் கீ மூலம், காப்பி செய்து வைத்துள்ள ஃபைல்களின் பெயர்களை பேஸ்ட் செய்து கொள்ள வேண்டும். உடனடியாக ஃபைல்களின் பெயர்கள் அவற்றை எந்த ஃபோல்டரில் இருந்து காப்பி செய்தோமோ அவற்றுடன் வெளிப்படும்.

ஃபோல்டர்களையும், ஃபைல்களையும் மறைத்து வைக்கும் முறை

நம் கம்ப்யூட்டரில் இருந்து நம் கிளையன்ட்டுகளுக்கு ஏதேனும் டெமோ செய்து காண்பிக்க வேண்டி இருக்கும். நம் கம்ப்யூட்டரை குழந்தைகளுக்கு கேம்ஸ் விளையாடக் கொடுக்க வேண்டிய சூழல் ஏற்படலாம். வயதான நம் பெற்றோருக்கு இ-மெயில், ஸ்கைப் என பயிற்சி கொடுக்க வேண்டிய நிர்ப்பந்தம் ஏற்படலாம். இதுபோன்ற சூழல்களில், நம் கம்ப்யூட்டரில் நாம் பதிவு செய்து வைத்துள்ள முக்கியமான ஃபைல்கள் டெலிட் ஆகிவிடாமல் பத்திரமாக இருப்பதற்கு ஒரு வழி உள்ளது. அதாவது அவற்றை திரையில் இருந்து மறையச் செய்துவிடுவது. நம் ஃபோல்டரையும் அதிலுள்ள ஃபைல்களையும் தற்காலிகமாக மறையச் செய்து தேவையானபோது வெளிப்படுத்திக்கொள்ளலாம்.

1. எந்த ஃபோல்டரையும், ஃபைல்களையும் மறையச் செய்ய வேண்டுமோ அந்த போல்டரை செலெக்ட் செய்து கொள்ள வேண்டும். உதாரணத்துக்கு, இங்கு E ஃபோல்டரில் Projects 2015 என்ற ஃபோல்டரில் Vikatan Computerology 2015 என்ற ஃபோல்டரை செலக்ட் செய்துள்ளோம். அதன்மீது மவுஸை வைத்து வலப்புற பட்டனால் கிளிக் செய்தால் கிடைக்கும் பாப்-அப் விண்டோவில் Properties என்ற விவரத்தை கிளிக் செய்ய வேண்டும்.

2. இப்போது Vikatan Computerology 2015 Properties என்ற தலைப்பில் விண்டோ ஒன்று கிடைக்கும். இதில் Hidden என்ற விவரத்தை டிக் செய்துகொண்ட பின்னர் Apply பட்டனைகளை கிளிக் செய்ய வேண்டும்.

3. உடனடியாக Confirm Attribute Changes என்ற தலைப்பில் விண்டோ ஒன்று கிடைக்கும். இதில் Apply Changes to this Folder, Subfolder and Files என்ற விவரத்தைத் தேர்ந்தெடுத்துக்கொண்டு OK பட்டனை கிளிக் செய்ய வேண்டும்.

4. இப்போது Vikatan Computerology 2015 Properties என்ற விண்டோவில் OK பட்டனை கிளிக் செய்ய வேண்டும்.

உடனடியாக Vikatan Computerology 2015 Properties என்ற ஃபோல்டரும் அதிலுள்ள மற்ற ஃபோல்டர்களும், ஃபைல்களும் மறைத்து (Hidden) வைக்கப்படும். திரையில் அவற்றின் கலர் மங்கலாகி வெளிப்படுவதை கவனிக்கவும்.

5. இப்போது விண்டோஸ் எக்ஸ்புளோரர் திரையின் Organize என்ற மெனுவில் உள்ள Folders and Search Options என்ற மெனுவிவரத்தை கிளிக் செய்ய வேண்டும். இப்போது Folder Options என்ற தலைப்பில் விண்டோ ஒன்று கிடைக்கும். இதில் View என்ற டேபை கிளிக் செய்தால் கிடைக்கும் திரையில் Don’t Show hidden Files, Folders and Files என்ற விவரத்தை தேர்ந்தெடுத்துக்கொண்டு OK பட்டனை கிளிக் செய்ய வேண்டும்.

6. உடனடியாக, Vikatan Computerology 2015 என்ற ஃபோல்டரும் அதில் உள்ள ஃபைல்களும் திரையில் இருந்து மறைந்துவிடும்.

7. தேவையானபோது மறைத்த ஃபைல்களை வெளிப்படுத்த, விண்டோஸ் எக்ஸ்புளோரர் திரையின் Organize என்ற மெனுவில் உள்ள Folders and Search Options என்ற மெனு விவரத்தை கிளிக் செய்தால் கிடைக்கும் Folder Options விண்டோவில் View என்ற டேபை கிளிக் செய்தால் கிடைக்கும் திரையில் Show hidden Files, Folders and Files என்ற விவரத்தை தேர்ந்தெடுத்துக்கொண்டு OK பட்டனை கிளிக் செய்ய வேண்டும். உடனடியாக மறைத்து வைக்கப்பட்ட அத்தனை ஃபோல்டர்களும், ஃபைல்களும் திரையில் நம் பார்வைக்கு வெளிப்படும்.

ஃபோல்டரில் உள்ள ஒன்றுக்கும் மேற்பட்ட ஃபைல்களை பெயர்மாற்றம் செய்யும் முறை

ஒரு ஃபோல்டரில் நாம் செய்துகொண்டிருக்கும் பிராஜெக்ட்டிற்குத்  தேவையான ஃபைல்களை சேகரித்து வைத்திருப்போம். அவற்றின் ஃபைல் நேம்கள் வெவ்வேறாக இருக்கும். அவற்றை நாம் செய்து கொண்டிருக்கும் பிராஜெக்ட்டிற்கு ஏற்றாற்போல மாற்றி அமைத்துக் கொண்டால் பயன்படுத்த வசதியாக இருக்கும். உதாரணத்துக்கு கம்ப்யூட்ராலஜி என்ற ஃபோல்டரில் கம்ப்யூட்ராலஜிக்குத் தேவையான ஃபைல்கள் இருந்தால் அவற்றை Computerology (1), Computerology (2), Computerlogy (3) என வெளிப்படுத்திக்கொள்ளலாம். ஒவ்வொரு ஃபைலாக தேர்ந்தெடுத்து மாற்றாமல் ஒரு ஃபைலின் பெயரை மாற்றினாலே எல்லா ஃபைல்களின் பெயர்களும் மாறி விடுமாறு செய்துகொள்ள முடியும்.

1. முதலில் தேவையான ஃபைல்களை மவுசால் செலெக்ட் செய்துகொள்ள வேண்டும்.

2. கீபோர்டில் F2 கீயை அழுத்தி அதில் பெயர் மாற்றம் செய்துகொள்ள வேண்டும். உதாரணத்துக்கு, இங்கு முதல் ஃபைலின் பெயரை computerology என டைப் செய்துகொண்டு கீபோர்டில் எண்டர் கீயை அழுத்தினால் முதல் ஃபைலில் இருந்துத் தொடங்கி அனைத்து ஃபைல்களும் பெயர் மாற்றம் அடைந்துவிடுவதைக் காணலாம். முதல் ஃபைல் Computerology (1) என்றிருக்கும். அடுத்தடுத்த ஃபைல்கள் Computerology (2), Computerology (3), Computerology (4)… எனத் தொடரும்.

ஃபைல்களை எளிதாகத் திறக்க…

புகைப்பட ஃபைல்களை பெயிண்ட், போட்டோஷாப் என எந்த சாஃப்ட்வேரில் வேண்டுமானாலும் திறந்து எடிட் செய்ய முடியும். ஆனால், புகைப்பட ஃபைல்களை ஓபன் செய்து, அதனை நேரடியாக போட்டோஷாப்பில் திறக்க வேண்டும் என்றால் அதுபோல நாம் பொருத்திக்கொள்ள முடியும்.

Albert.JPG என்ற புகைப்பட ஃபைல் மீது மவுஸை வைத்து வலப்புற பட்டனால் கிளிக் செய்தால் கிடைக்கும் பாப்-அப் விண்டோவில் Open With என்ற விவரத்தை கிளிக் செய்து, Choose Default Program என்ற விவரத்தை தேர்ந்தெடுக்க வேண்டும்.

இப்போது கிடைக்கும் Open With என்ற விண்டோவில், எந்த சாஃப்ட்வேர் வழியாக அந்த ஃபைல் திறக்கப்பட வேண்டுமோ அந்த சாஃப்ட்வேரை தேர்ந்தெடுத்துக்கொள்ள வேண்டும். இங்கு Adobe Photoshop என்ற சாஃப்ட்வேரை தேர்ந்தெடுத்துக்கொண்டுள்ளோம். மேலும் Always Use the Selected program to open this kind of file என்ற விவரத்தையும் டிக் செய்து தேர்ந்தெடுத்துள்ளோம். பிறகு OK பட்டனை கிளிக் செய்தால் நாம் தேர்ந்தெடுத்த .JPG என்ற இணைப்புப் பெயரைக் கொண்ட ஃபைல் போட்டோஷாப்பில் திறக்கப்படும். இதுபோல எந்த ஒரு JPG ஃபைலை கிளிக் செய்தாலும் அது போட்டோஷாப்பிலேயே திறக்கப்படும்.

குறிப்பு

நம் கம்ப்யூட்டரில் உள்ள விண்டோஸ் ஆப்பரேட்டிங் சிஸ்டத்தில், நாம் தினமும் பயன்படுத்தும் ஃபைல்களைக் கையாள்வதில்,  சின்ன சின்னதாய் தெரிந்ததில் தெரியாத விஷயங்கள் ஏராளமாக உள்ளன.  அவை உங்களில் பலருக்கு தெரிந்திருக்கலாம். தெரியாதவர்களும் பயன்படுத்த வேண்டும் என்ற நோக்கத்தில் அவற்றில் சிலவற்றை இன்று விளக்கி உள்ளேன்.

Disclaimer

இந்தக் கட்டுரையில் பயன்படுத்தியுள்ள சாஃப்ட்வேரின் தயாரிப்பாளர்களுடைய விதிமுறைகளுக்கு உட்பட்டு இந்த கட்டுரை தயார் செய்யப்பட்டுள்ளது. வெப்சைட்டிலும், சாஃப்ட்வேரிலும், கட்டணத்திலும் அவர்கள் எப்போது வேண்டுமானாலும் மாற்றங்கள் செய்யலாம் என்பதை நினைவில் கொள்ளவும்.

-காம்கேர் கே. புவனேஸ்வரி

முந்தைய தொடர்களைப் படிக்க...

 

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ