Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மார்க் சக்கர்பெர்க்கின் 2016 நியூ இயர் ரெசலூஷன் என்ன தெரியுமா?

புதுவருடம் என்றாலே ஏதாவது உறுதிமொழி எடுத்து, அதனை ஆண்டு முழுவதும் செயல்படுத்த நினைப்போம். அதில் பிரபலங்களும் விதிவிலக்கல்ல.
 
அந்த லிஸ்டில் ஃபேஸ்புக் நிறுவனர் மார்க் சக்கர்பெர்க்கின் புதுவருட உறுதிமொழிகள் இரண்டும் வித்தியாசமானவை மற்றும் சுவாரஸ்யமானவை. சென்ற வருடம் முழுவதும், மாதம் இரண்டு புத்தகங்களை படிக்க உள்ளேன் எனக் கூறி, அதனை வெற்றிகரமாக நிறைவேற்றிய மார்க்,  இந்த வருடம் வித்தியாசமான உறுதி மொழியை எடுத்துள்ளார்.
 
 
முதல் உறுதிமொழி,  இந்த வருடம் தனது குரல் கட்டளைகளை கேட்டு ஆர்ட்டிஃபிஷியல் இன்டெலிஜென்ஸ் தொழில்நுட்பத்தில்  இயங்கும் தானியங்கி ரோபோவை வடிவமைக்க உள்ளதாகவும், அது தனது வேலை மற்றும் வீட்டில் தனது பணிகளுக்கு உதவியாக இருக்கும் என்று கூறியுள்ள மார்க், இதனை செய்து முடிப்பதே இந்த வருடத்தின் முதல் கோல் என நிர்ணயித்துள்ளார். இந்த ரோபோவை,  'அயர்ன் மேன்' படத்தில் வரும் ஜார்விஸ் கதாப்பாத்திரத்தை போல வடிவமைக்க உள்ளதாகவும்,  தனது குழந்தை மேக்ஸோடு வீட்டில் இல்லாத நேரங்களில்,  மேக்ஸை கவனிக்க இது உதவும் என்றும் கூறியுள்ள மார்க் வெப்பநிலை, மியூஸிக்,  வெளிச்சம் முதலியவற்றையும் கட்டுப்பாட்டில் வைத்திருக்க முடியும் என்று தெரிவித்துள்ளார். இந்த வருடம் முழுவதும் அவரது அனுபவங்களை பதிவுகளாக பகிர இருப்பதாகவும் அவர் தெரிவித்துள்ளார்.
 
 
இரண்டாவது உறுதிமொழி,  சென்ற வருடம் முழுவதும் புத்தகம் படித்ததை போல இந்த வருடம் முழுவதும் ஒடப் போகிறேன். இது உடல்நலம் தொடர்பான உறுதிமொழி. தினமும் 10 நிமிடம் சீரான வேகத்தில் ஓட இருப்பதாகவும், இந்த வருடத்தில் 365 மைல் தூரம் ஓட இருப்பதாகவும் சபதமெடுத்துள்ளார். இதில் இணைய விரும்புபவர்களுக்கு A Year of Running என்ற  குரூப்பையும் துவங்கியுள்ளார். 
 
இந்த வருடத்தின் இரண்டாவது  உறுதி மொழியை  இந்தியாவில்  எடுத்த புகைப்படத்தை வைத்து பதிவிட்டுள்ளார். உறுதி மொழிகளை தவறாமல் கடைபிடிக்கும் மார்க்,  இந்த வருடம் எந்தெந்த ஊர்களில் எல்லாம் ஓட போகிறாரோ? அவர் உருவாக்கியுள்ள ஃ பேஸ்புக் குரூப்பில்  இணைந்து ஊடுபவர்களில் சிலரை, மார்க் லைக் செய்தும் பாராட்டுகிறார்.
 
இவர் ரெசலூஷனுக்கு ஒரு லைக் போடலாமே ஃப்ரெண்ட்ஸ்!

- ச.ஸ்ரீராம்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

சமூக வலைதளத்தில் எதிரிகளை தாங்களே உருவாக்குகிறார்களா ட்ரம்ப்பும், மோடியும்?
Advertisement

MUST READ

Advertisement
[X] Close