Vikatan.com

www.vikatan.com would like to send you push notifications.

Notifications can be turned off anytime from browser settings.

ஜியோ சிம்மை இப்படித்தான் வாங்க வேண்டும் !

ஆகஸ்டில் ஆட்டிப் படைக்கத் தொடங்கிய ஜியோ காய்ச்சல் தற்போது உச்சத்தை தொட்டுக் கொண்டிருக்கிறது. டிசம்பர் 31, 2016 வரை ஜியோ சிம்மை பயன்படுத்துபவர்களுக்கு இணைய டேட்டா மற்றும் வாய்ஸ் கால்கள் அனைத்தும் ஃப்ரீ...ஃப்ரீ... ஃப்ரீ  என்று ஏலம் விட்டு மொத்த இந்திய மக்களின் கவனத்தை ஈர்த்த ரிலையன்ஸ் நிறுவனம், அந்த சேவைகளை வழங்கும் வேலைகளை செயல்படுத்தத் தொடங்கிவிட்டது.

ரிலையன்ஸ் சிம்மை எப்படி வாங்குவது ... படத்த நல்லா பாருங்க

 

 

 My Jio ஆப்பை டவுன்லோடு செய்யுங்கள்.

 

முதல் படத்தில் காட்டப்பட்டிருப்பது போல இருந்தால் தான் ஜியோ உங்களை வரவேற்கிறது என்று அர்த்தம், இல்லையென்றால், " தாங்கள் அழைக்கும் ஜியோ நிறுவனம் தற்போது தொடர்பு எல்லைக்கு வெளியே இருக்கிறது.  போ போய் வேலைய பாரு, ஃப்ரீன்னா உடனே வந்துருவியே" ன்னு ஜியோ நம்மள திட்டுதுன்னு அர்த்தம்.

 

 

 கேட்கப்பட்டிருக்கும் கேள்விகளை படித்துப் பார்க்காமலேயே Allow செய்வோம் இல்லையா, அதைத் தான் இங்கேயும் செய்யணும்.

 

 எல்லாவற்றையும் Allow செய்த பிறகு, ஜியோ ஜாயின் என்கிற இந்த அப்ளிகேஷன் தானாகவே டவுன் லோடு ஆகும். அதற்குப் பிறகு உங்க First Name, Last name, மொபைல் எண் போன்றவைகள் கேட்கப்பட்டு, கொடுத்திருக்கும் மொபைல் எண்ணுக்கு ஒரு OTP வரும். அதை தானாகவே ஆட்டொ ரெகக்னைஸ் செய்து கொள்ளும்.

பின் குறிப்பு : தற்போதைய நிலையில் ஏர்டெல் மற்றும் வோடாஃபோன் நிறுவன வாடிக்கையாளர்களின் நம்பர்க்கு கட்டம் கட்டி ஜியோ சேவை வழங்கப்படுவதில்லை.

கடைசியா ஒரு டோக்கன் ஜெனரேட் ஆகும். அந்த டோக்கனை ஸ்க்ரீன் ஷாட் எடுத்துக்குங்க.

அவ்வளவு தான் இந்த ஸ்க்ரீன் ஷாட்டை இந்தியாவில் இருக்குற எந்த ரிலையன்ஸ் டிஜிட்டல் அலுவகத்திலும் கொடுத்து சிம்மை வாங்கிக் கொள்ளலாம். தயவு செய்து பேக் ஆப்ஷன்களை பயன்படுத்தி பின்னாடி போகலாம், இப்ப ராகு காலம், எமகண்டம் அப்பறமா பாத்து டோக்கன வாங்கலாம்ன்னு எல்லாம் நினைக்காதீங்க... வந்தோமா, சிம்முக்கு கூப்பனை வாங்குனோமான்னு இருக்கனும்.

கொஞ்சம் அங்கிட்டு, இங்கிட்டு போனா அம்புட்டு தான் "உனக்கு கூப்பனும் கிடையாது, ஒரு மண்ணும் கிடையாது கிளம்பு" ன்னு புலிகேசி கணக்கா ஜியோ வெரட்டி விட்டுடுது. அதனால நல்ல நெட் கிடக்கிற எடத்துல உக்காந்து சட்டு புட்டுன்னு கூப்பன வாங்குங்க. என்ன கூப்பன் கிடச்சுடுச்சா....வாங்க சிம் வாங்க போலாம்.

 

 

கொட்டிவாக்கம் ரிலையன்ஸ் டிஜிட்டல் சென்டரில் கபாலி பட தியேட்டர் போல கூட்டம் அள்ளுகிறது. சிம்ம வாங்குறதுக்கே இப்புடி க்யூகட்ட வேண்டி இருக்கே, ஆக்டிவேஷனுக்கு இன்னும் எவ்வளவு நாள் ஆகுமோ...! 

 

-மு.சா.கெளதமன்.
படங்கள் : உ.கிரண் குமார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ