Vikatan.com

www.vikatan.com would like to send you push notifications.

Notifications can be turned off anytime from browser settings.

மேஜர் ஆனது கூகுள்! (கூகுள் டூடுல்ஸ் ஸ்பெஷல் தொகுப்பு) #Google

நம்ம கூகுளுக்கு இன்று முதல் வயசு 18 பாஸ்.. நமது தேடல் நாயகனான கூகுள் நிறுவனத்தின் 18-வது பிறந்தநாள் இன்று. தினசரி எல்லா சிறப்பு தினங்களுக்கும் தனது கூகுள் ஹோம் பேஜில் டூடுல் (Doodle)வெளியிட்டு, சிறப்பிப்பது கூகுளின் வழக்கம். இன்று தனது 18-வது பிறந்தநாளுக்கும் ஸ்பெஷல் டூடுல் வெளியிட்டுள்ளது கூகுள். வழக்கம்போல கூகுளுக்கு ஆல் ஏரியாவில் இருந்து, வாழ்த்துக்கள் குவிந்தாலும், 'எல்லாம் தெரிஞ்ச கூகுளுக்கு, அதோட பிறந்தநாள் எதுன்னே சரியாத் தெரியலையே?" என 'கலாய்' ட்வீட்களும் வந்துவிழுகின்றன. 

கூகுளின் குழப்ப வரலாறு இதுதான்!

முதன்முதலாக கூகுள் தனது நான்காவது பிறந்தநாளை 2002-ம் ஆண்டு செப்டம்பர் 27-ம் தேதி சிறப்பு டூடுல் ஒன்றை வெளியிட்டுக் கொண்டாடியது. பின், 2003-ம் ஆண்டில் தனது செப்டம்பர் 8-ம் தேதி 5-வது பிறந்தநாளைக் கொண்டாடியது. அதன் பின்னர் 2004-ம் ஆண்டில் செப்டம்பர் 7-ம் தேதி தனது 6-வது பிறந்தநாளைக் கொண்டாடியது. 2005-ம் ஆண்டில், செப்டம்பர் 26-ம் தேதி தனது 7-வது பிறந்தநாளை கொண்டாடியது. 2006-ம் ஆண்டு செப்டம்பர் 27-ம் தேதி 8-வது பிறந்தநாளை கொண்டாடியது. அதன்பிறகு இன்று வரை செப்டம்பர் 27-ம் தேதியை தனது பிறந்தநாளாக கொண்டாடுகிறது கூகுள். இதைப் படிக்கும்போதே உங்களுக்கு கண்ணைக் கட்டுதா? இந்த அளவிற்கு தனது பிறந்தநாள் கொண்டாட்டத்தின் தேதியில் குழம்பிப் போயிருந்தது கூகுள்.

 இதில் எதுதான் சரி?

 கூகுள் நிறுவனத்தின் வரலாற்றினை பார்க்கும்போது, முதன்முதலாக கூகுள் டொமைனை 1997-ம் ஆண்டு செப்டம்பர் 15-ம் தேதியை அதனுடைய நிறுவனர்கள் லாரி பேஜூம், செர்ஜி பிரினும் பதிவு செய்தனர். ஆனால், 1998-ம் ஆண்டு, செப்டம்பர் 4-ம் தேதி, கூகுள் அதிகாரப்பூர்வமான கம்பெனியாக உருவெடுத்தது. கூகுள் தனக்கென தனி ஓர் இடத்தை பிடித்த நாளைத்தான் செப்டம்பர் 27-ம் தேதியை (இன்று) அதனுடைய பிறந்தநாளாக கொண்டாடி வருகிறது. 

இன்றுடன் 18 வயதை நிறைவடைந்த கூகுள், தற்போது இணையத்தின் முடிசூடா மன்னனாகத் திகழ்கிறது. நிகழ்காலத்தை மட்டுமே, கருத்தில் கொள்ளாமல் எதிர்காலத்திற்கும் சேர்த்து சிந்திப்பது கூகுளின் ஸ்டைல். மெயில், மேப்ஸ், வீடியோ, இசை, கேம்ஸ் என நாம் இன்று பயன்படுத்தும் பெரும்பாலான சேவைகள் கூகுள் நிறுவனத்துக்கு சொந்தமானதே! இது போல வருங்காலங்களில் இணையத்தில், இன்னும் நிறைய சர்ப்ரைஸ்களை கூகுள் தரலாம். #HBDGoogle

- துரை.நாகராஜன்.

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ