Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

எதிர்காலத்தில் வட்ட வடிவ, முடிவற்ற ரன்வே... ஏன் தெரியுமா?

முடிவில்லா ரன்வே

சமீபத்தில் விமான நிலையம் ஒன்றில் நடைபெற்ற சம்பவம் இது. ஒரு விமானம் அவசரமாக தரையிறங்க வேண்டிய சூழல். அதே சமயம் இன்னொரு விமானமும் தரையிறங்கி கொண்டிருந்தது. விபத்து ஏற்படும் நிலையில் பைலட்டின் சாதுர்யத்தால் விபத்திலிருந்து விமானங்கள் தப்பித்தன. அப்படி ஒரு சம்பவம் இனிமேல் நடக்காமல் இருக்க இந்த விமான ஓடுதளங்கள் உதவும் என்று நெதர்லாந்தை சேர்ந்த ஹென்க் ஹெஸ்லின்க் எனும் அறிவியலாளர் கூறியுள்ளார். முடிவில்லா ரன்வே என்ற புதிய ஐடியா மூலம் வட்ட வடிவிலான ஓடுதளங்களை அமைக்க திட்டமிட்டுள்ளதாக கூறியுள்ளார்.

திட்ட அளவிலிருந்து சோதனைக்காக சிறு அளவில் சோதிக்கப்படும் இந்த முடிவில்லா ரன்வே திட்டம் 3.5 கிமீ விட்டம் என்ற அளவில் வட்ட வடிவமாக வடிவமைக்கப்பட்டிருக்கும். இந்த ரன்வேயில் விமானங்கள் தரையிறக்கப்பட்டு சோதிக்கப்படுகின்றன. இந்த சோதனையில் மாறும் காற்றின் வேகம் மற்றும் திசை, விமானம் காற்றுடன் சேர்ந்து நகரும் விதம், தரையிறங்கும் போது உண்டாகும் அதிர்வுகள் போன்றவற்றை சோதித்து வருவதாகவும் கூறப்பட்டுள்ளது.

endless runway

பறக்கும் பயணிகளின் அனுபவம் உள்ளிட்ட விஷயங்களும் கவனத்தில் கொள்ளப்பட்டுள்ளதாக ஹெஸ்லின்க் கூறியுள்ளார். இந்த வட்ட வடிவிலான ஓடுபாதை மூலம் சுற்றுச்சூழலுக்கு பாதிப்பு ஏற்படாது என்றும், காற்றின் திசையில் பயணிப்பதால் குறைவான எரிபொருள் பயன்பாட்டில் ஓடுபாதையில் பறக்கும் என்பதும் குறிப்பிடத்தக்கது.

இந்த ஓடுபாதையில் பைலட்களிடம் அதிகமான கட்டுப்பாடு இருக்கும். எங்கு பறக்க வேண்டும், எங்கு பறக்கக்கூடாது என்ற விஷயங்களில் கட்டுப்பாடு முழுவது பைலட்களிடம் இருக்கும். எந்த திசையில் வேண்டுமானாலும் பறக்கலாம் என்ற சுதந்திரமும் இந்த அமைப்பில் இருக்கும். இது விமான போக்குவரத்தில் ஒரு முக்கியமான மைல்கல்லாக இருக்கும். இன்னும் சில விஷயங்களை தொடர்ந்து சோதிக்க வேண்டியுள்ளதாக திட்டக்குழு தெரிவிக்கிறது. எதிர்காற்றை சமாளிக்கும் விதம், ஏர்போர்ட்டின் செயல் திறனை நிர்வகிப்பது போன்ற விஷயங்களில் கவனம் செலுத்த வேண்டும் என்பதையும் ஆராய்ந்து வருவதாகவும், காலநிலைகளுக்கு ஏற்ப செயல்படுவதை உறுதி செய்யவும் சோதனைகள் நடைபெற்று வருவதாக ஹெஸ்லின்க் தெரிவித்துள்ளார். இதற்காக நெதர்லாந்தில் சில சோதனைகள் ஃபைட்டர் ஃபைலட்களை வைத்து சோதித்து வருகிறது இந்த ஆய்வுக்குழு.

இந்த முடிவில்லா ஓடுதளத்தின் அளவு மூன்று நேர் ஓடுதளங்களின் அளவுக்கு சமமானதாக இருக்கும். போதிய இடவசதி அளிக்கும் ஏர்போர்ட்டாகவும் இருக்கும். இந்த திட்டத்தின் சோதனைக்கு நெதர்லாந்து ஏரோஸ்பேஸ் மையம் மற்றும், DLR, ONERA ஆகியவை இணைந்து உதவிவருகின்றன.

endless runway

முக்கிய நகரங்களின் ஏர்போர்ட்டின் முடிவில்லா ரன்வே திட்ட அமைப்பு

ஐரோப்பாவின் முக்கியமான விமான நிலையங்களில் இந்த திட்டம் நிறைவேற்றப்பட்டால் எப்படி இருக்கும் என்ற வரைவையும் ஹெஸ்லின்க் குழு வடிவமைத்துள்ளது. இப்படி ஒரு ரன்வே அமைந்தால் ஒரே நேரத்தில் ஒரு விமானம் டேக் ஆஃப் ஆவதையும், லேண்ட் ஆவதையும் பார்க்க முடியும். தரையிறங்க முடியாது என்ற சூழ்நிலை இருக்காது. சாதாரணமாக ஒரே நேரத்தில் 3 விமானங்கள் தரையிறங்கும் என்பாதால் வான் வழி போக்குவரத்தில் இந்த திட்டம் பல சாதனைகளை படைக்கும் என்கிறார் ஹெஸ்லின்க். அப்புறம் என்ன  இனி காற்று வெளியிடை பைலட்டுகள் இனி சுற்றி சுற்றி ஃப்லைட் ஓட்டலாம்.

 

முடிவில்லா ரன்வேயின் மாதிரி வீடியோ

-ச.ஸ்ரீராம்

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close