Vikatan.com

www.vikatan.com would like to send you push notifications.

Notifications can be turned off anytime from browser settings.

உலக கவனத்தை ஈர்க்கும் இரண்டு அப்பாக்கள்!

லக பெண்கள் தினம் வரவிருக்கும் இந்த மார்ச் முதல் வாரத்தில், இரண்டு அப்பாக்கள் கவனத்தை  ஈர்த்துள்ளனர். ஒருவர் அமெரிக்காவிலும், இன்னொருவர் இங்கிலாந்திலும். முதலில் அமெரிக்கா அப்பாவினை பார்ப்போம்.

அமெரிக்க கண்ட நாடுகள் அனைத்திலும் புகழ்பெற்ற கார் பந்தயம் நாஸ்கார். அந்தப் பந்தயத்தில் முண்ணனி வீரராகத் திகழ்பவர் ப்ரெய்ன் ஸ்காட். இவருக்கு கடந்த வாரம் வைட்னி கே என்கிற பெண்ணுடன் திருமணம் நடைபெற்றது. கிறிஸ்துவ முறைப்படி நடைபெற்ற இந்தத் திருமணத்தில், மணமகளிடம் விருந்தினர் அனைவரின் முன்பாக திருமணத்துக்கு ஒப்புதல் கேட்கப்பட்டது. இது வழக்கமான ஒன்றாகிலும்  ப்ரெய்ன் ஸ்காட், வைடினியின் முன்னாள் கணவருக்குப் பிறந்த ப்ரெய்லே என்கிற மூன்று வயதுப் பெண் குழந்தையிடமும் ஒப்புதல் கேட்டார்.

அதன் பின்னர் "நான் உனக்கு தினமும் இரவு உணவின்போது பிரார்த்திக்க சொல்லி கொடுப்பேன். தூங்கப்போகும் முன் கதைகள் சொல்லுவேன். ஒரு சிறந்த கணவனாக உன் அம்மாவுக்கும், மிகச்சிறந்த தந்தையாக உனக்கும் வாழ்ந்து காட்டுவேன்" என்று அந்த மூன்று வயது பெண்ணிடம் உறுதிமொழி கொடுத்தாராம்.

கடந்த 2014 நவம்பரில் வைட்னியுடன் அறிமுகமான ப்ரேய்ன் ஸ்காட், சந்தித்த சில வாரங்களிலேயே அவருடன் இணைந்து வாழ்வது என்று முடிவெடுத்தாராம்." அப்போது இருந்தே ஒரு தந்தையின் கடமைகளை கொஞ்சம் கொஞ்சமாக ப்ரெய்லே எனக்கு புரிய வைத்தாள். ஒரு பெண்ணின் கணவன் என்பதைத் தாண்டி ஒரு பெண்ணின் தந்தை என்கிற பொறுப்பு அற்புதமானது" என்று சிலிர்க்கிறார்.

அடுத்தவர் இங்கிலாந்தின் ஆடம் ஃபிலிப்ஸ். தெற்கு இங்கிலாந்தில் வசிக்கும் பிலிப்ஸுக்கு, டான்யா என்கிற மனைவியும், ஹனி ரெ என்கிற ஒன்றரை வயது மகளும் உண்டு. ஆடம் டான்யாவின் முதல் மகளான ஹனி ரேவுக்கு, பிறக்கும்போதே வலது கால் முழுக்க சிவப்பு நிற மச்சம் பெரிய அளவில் இருந்திருக்கிறது. ஹனி ரேவுடன் ஒருநாள் பார்க்கிற்கு சென்றபோது அங்கு விளையாடிக்கொண்டிருந்த  குழந்தைகள் இந்த மச்சம் பற்றி தங்களுக்குள் பேசிக்கொண்டனராம்.

அதை கவனித்த ஆடம், தன் மகள் பெரியவளாகும்போது இந்த மச்சம் அவளுடைய மனதில் எந்தவித தாழ்வு மனப்பான்மையை ஏற்படுத்தி விடக் கூடாது என்று முடிவெடுத்தார். உடனே தன் மனைவி டான்யாவையும் சம்மதிக்க வைத்து, தனது காலிலும், மனைவி காலிலும் மகள் ஹனி ரேவின் காலில் இருப்பது போலவே அச்சு அசலாக டாட்டூ குத்திக்கொண்டனர்.

"இந்த மச்சத்தை வைத்து என் மகளை யாரும் பரிதாபத்துக்குரியவளாக பார்த்துவிடக் கூடாது என்பதால் இது எங்கள் குடும்ப மச்சம் என்கிற மாயத்தோற்றத்தை வளரும் நாட்களில் என் மகளின் மனதில் வளர்க்க இந்த முடிவெடுத்தேன்" என்கிறார் ஆடம்.

மகள்களை பெற்ற அப்பாக்கள் இருக்கும் வரை மகள்களுக்கு கறை ஒரு குறையல்ல !

- செந்தில்குமார்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ