Vikatan.com

www.vikatan.com would like to send you push notifications.

Notifications can be turned off anytime from browser settings.

பெண் போலீஸ் விவகாரமும்... வாட்ஸ் அப் வதந்திகளும்!

வாட்ஸ் அப் வசதி வந்தபிறகு உடனுக்குடன் சமீபத்திய தகவல்களை பரிமாறிக் கொள்ள முடிகிறது. இது நல்ல விஷயம் தான். ஆனால், இந்த வாட்ஸ் அப்பில் சமீபகாலமாக தவறான தகவல்களும் அதிகளவில் இடம் பெறுவதை பார்க்க முடிகிறது. இதற்கு சமீபத்திய உதாரணம் இது!

சில தினங்களுக்கு முன்பு வடசென்னையில் உள்ள ஒரு உதவி கமிஷனர், சென்னை உயர்நீதிமன்ற பாதுகாப்பு பணிக்கு வந்த பெண் காவலரிடம் கிளுகிளுப்பாக பேசிய ஆடியோ, வாட்ஸ் அப்பில் வேகமாக பரவியது. இதையடுத்து சம்பந்தப்பட்ட உதவி கமிஷனர் சென்னை காவல்துறை கட்டுப்பாட்டு அறைக்கு மாற்றப்பட்டார். பெண் காவலரும் வேறுப்பணியிடத்துக்கு மாற்றப்பட்டுள்ளார். இந்த நிலையில் இந்த விவகாரத்தில் சிக்கிய உதவி கமிஷனர் யார் என்பது தெரிந்து விட்டது.

ஆனால், பெண் காவலர் குறித்த தகவல்கள் சரிவர தெரியவில்லை. அவருக்குப் பல பெயர்களை விட்டனர் வாட்ஸ் அப் பிரியர்கள். அவரது உண்மையான பெயருடன் கூடுதலாக பல பெயர்கள் இணைக்கப்பட்டுள்ளன. மேலும் அவரைப்பற்றி தினந்தோறும் புதுப்புதுதகவல்கள் வெளிவந்த வண்ணம் உள்ளன. இப்போது இதுதான் அந்த பெண் காவலர் என்று வாட்ஸ் அப்பில் சிலர் அழகான ஒரு பெண்ணின் புகைப்படத்தை பதிவு செய்துள்ளனர். அந்தப்படத்தை பார்த்துக் கொண்டு இருக்கும்போதே, போலீஸ் யூனிபார்மில் இன்னொரு பெண் காவலரின் படம் பதிவு செய்யப்படுகிறது. அடுத்து பச்சை நிற சேலையில், வசீகர முகத்தோற்றத்தில் மற்றொரு பெண்ணின் புகைப்படம் வாட்ஸ் அப்பில் வருகிறது.

இவ்வாறு வாட்ஸ்அப்பில் பெண் காவலர் என்று இதுவரை 5க்கும் மேற்பட்ட புகைப்படங்கள் பதிவு செய்யப் பட்டுள்ளன. உண்மையிலே இந்த புகைப்படத்தில் இருப்பவர்கள் சம்பந்தப்பட்ட பெண் காவலர் இல்லை என்று விவரம் தெரிந்த காவல்துறை வட்டாரங்கள் தெரிவிக்கின்றன.

வாட்ஸ் அப்பில் பெண் காவலர் என்று பதிவு செய்யப்பட்ட ஒருவர் பெண் பத்திரிகையாளராம். முதலில் தகவலை பரிமாற வேண்டும் என்ற ஆவலில் தவறானதை பதிவு செய்யக்கூடாது. மேலும் பாதிக்கப்பட்ட பெண்களின் புகைப்படங்களை வெளியிடுவதற்கு சட்டத்திலும் இடம் இல்லை. இதுகுறித்து சம்பந்தப்பட்ட பெண் காவலர் தரப்பில் புகார் கொடுத்தால் பதிவு செய்யப்பட்டவர்கள் மீது நடவடிக்கை எடுக்க முடியும்.

இதையடுத்து வாட்ஸ் அப்பில் இன்னொரு காமெடியும் அரங்கேறுகிறது. வாட்ஸ் அப் குரூபில் இதுதான் அந்த  பெண் காவலர் என்று ஒரு புகைப்படத்தை பதிவு செய்தவுடன் இது அவர் அல்ல என்று அதே குருப் பில் உள்ள இன்னொருவர் பதிலளிப்பதும் வாடிக்கையாக இருக்கிறது. ஏன் இந்த விளையாட்டு? பெண் காவலர் விவகாரத்தில் வன்மத்தை பிரதிபலிப்பதை தவிர்க்க வேண்டும் என்கின்றனர் சமூக ஆர்வலர்கள். அதே நேரத்தில் இந்த பெண் காவலரைப் போன்று உயரதிகாரிகளால் பாதிக்கப்பட்டவர்களுக்கு நீதி கிடைக்க வழிவகை செய்யப்பட வேண்டும்.

உண்மையான பெண் காவலரின் புகைப்படத்தை வெளியிட வேண்டாம் என்று பெண்ணின் தரப்பினரும், சில காவல்துறை உயரதிகாரிகளும் கேட்டுக் கொண்டுள்ளனர்.

-எஸ். மகேஷ்
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ