Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஐயம் யுவர் சன்...!

டாட்டியானா குயேரா, பிரேசிலைச் சேர்ந்த 30 வயது கர்ப்பிணிப் பெண். கருவில் 5 மாதக் குழந்தையுடன் மருத்துவரிடம் பரிசோதனைக்கு செல்கிறார். அல்ட்ரா சவுண்ட் முறையில் கருவில் இருக்கும் குழந்தையை ஸ்கேன் செய்கிறார் டாக்டர். குழந்தை ஆரோக்கியமாக இருக்கிறது, நன்றாக சுவாசிக்கிறது, கைகால்களை லேசாக அசைக்கிறது.

டாக்டர், நர்சுகள், டாட்டியானாவின் கணவர் என சுற்றியிருந்த அனைவரும் அந்த காட்சியை கம்ப்யூட்டர் மானிட்டரில் காண்கின்றனர். ஆனால், டாட்டியானாவின் முகத்தில் ஏனோ ஒரு சோகம். கருவில் இருக்கும் தன் வாரிசை காண முடியாத ஏக்கம். ஆம், டாட்டியானா பார்வையற்றவர்.

டாட்டியானாவின் ஏக்கத்தை போக்க நினைத்த மருத்துவர்களுக்கு கைகொடுத்தது 3டி பிரிண்டிங் தொழில்நுட்பம். முப்பரிமாண முறையில் ஒரு கைக் கடிகாரத்தை வடிவமைத்து 3டி பிரண்டருக்கு சாதாரண பேப்பர் முறை பிரிண்டருக்கு கொடுப்பது போல், இன்புட் கொடுத்தால் போதும். கையில் அணியும் வகையில் ஒரு கைக் கடிகாரம் தயாரகி விடும். இது தான் 3டி பிரிண்டிங் தொழில்நுட்பத்தின் செயல்பாடு.

இதே தொழில் நுட்பத்தை தான் மருத்துவர்களும் பயன்படுத்தினார்கள். ஸ்கானிங்கில் தெரிந்த குழந்தையின் அந்த படத்தை 3டி ஃபார்மட்டுக்கு மாற்றி அதை 3டி பிரிண்டரில் பிரிண்ட் செய்தனர். கையையும், காலையும் மடக்கியபடி கருவறையில் இருப்பதுபோல் தத்ரூபமாக இருக்கும் அந்த குழந்தையை தொட்டு உணரும் அவர், பிரேயில் முறையில் 'Iam your son' என்று எழுதப்பட்டிருந்ததை படித்து ஆனந்த கண்ணீர் வடிக்கிறார்.

மனித உணர்வுகளை கிரகிக்கும் தன்மை இயந்திரங்களுக்கு இல்லாமல் போகலாம். ஆனால் நல்ல முறையில் டெக்னாலஜியை பயன்படுத்தினால் அது மனித உணர்வுகளோடு இணைப்பை ஏற்படுத்தும் என்பதற்கு டாட்டியானாவின் கண்ணீர் சாட்சி.

டெக்னாலஜியின் உதவியால் ஒரு தாயின் ஏக்கம் துடைக்கப்பட்ட நெகிழ்வான நிகழ்ச்சி Meeting Murilo என்ற தலைப்பில் குறும்படமாக வெளியாகிருக்கிறது.

-ரெ.சு.வெங்கடேஷ்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close