Vikatan.com

www.vikatan.com would like to send you push notifications.

Notifications can be turned off anytime from browser settings.

கணவனுக்கு 111.... மனைவிக்கு 101....செஞ்சுரியை தொட்ட ஜோடிகள்!

ன்றைய காலகட்டத்தில் உணவுமுறைகள், பழக்கவழக்கங்கள் மனிதனின் ஆயுட்காலத்தை சரிபாதியாக குறைத்துவிட்டது. 40 வயதை நெருங்கும்போதே கலர் கலர் மாத்திரைகள் நமது பாக்கட்டுகளில் நிரந்தரமாகிவிடுகின்றன.

பிபி, சுகர், இடுப்புவலி, கால் வலி என வியாதிகள் நமது நெருங்கிய நண்பனாகிவிடுகிற இந்த சூழலில், அந்தக் கால ஆரோக்கிய வாழ்க்கைககு உதாரணமாக வாழ்கின்றனர் வெங்கடேசன் -ஆனந்தாயி தம்பதியர். காதில் புகைவராமல் பார்த்துக்கொள்ளுங்கள், இருவருமே சென்சுரியை தாண்டிய வயதினர்.

தனது 110வது பிறந்தநாளை தனது மனைவி 101வயது ஆனந்தாயி  மற்றும் குடும்பத்துடன் கொண்டாடினார் இந்த ஸ்ட்ராங் தாத்தா வெங்கடேசன். பேரன், பேத்திகளுடன் தனது 111வது பிறந்தநாளை ஏழைகளுக்கு அன்னதானம் வழங்கியும், கேக் வெட்டியும் கொண்டாடினர். உறவினர்கள், வெங்கடேசன் தம்பதியினரி டம் ஆசிகள் பெற்று அமர்க்களமாக நடந்தேறியது அவரது பிறந்தநாள்.

இது குறித்து பேசிய அவரது மகன் பாண்டியன், “எங்க அப்பாவோட 110வது பிறந்தநாளை நாங்க சிறப்பாக கொண்டாடி வருகிறோம். எங்க அம்மா அப்பா இவ்வளவு வயசு வரைக்கும் இருக்கறது எங்களுக்கு ரொம்ப சந்தோஷமாவும், ரொம்ப பெருமையாவும் இருக்கு. 6 மகன்கள், 2 மகள்கள்னு நாங்க மொத்தம் 8 பேர்.

நாங்க எல்லோரும் சேர்ந்து எங்க அப்பாவுடைய பிறந்த நாளை கொண்டாடுகிறோம். இது எல்லாருக்கும் கிடைத்திடாத வாய்ப்பு.  அப்பா - அம்மாவின் இந்த சாதனைக்கு காரணம் விவசாயம். இவர் ஒரு விவசாயி, அப்பாவுக்கு மது, சிகரெட் னு எந்த கெட்டபழக்கமும் கிடையாது.

இயற்கை உணவுகள், கூழ், கஞ்சி, பழங்கள், போன்ற ஆரோக்கியமான உணவுகள் சாப்பிட்டதும்தான் இவ் வளவு வயது வரை வாழ முடிந்தது. எங்க அப்பா - அம்மா சார்பாக கடவுளுக்கு நாங்க நன்றி சொல்லணும்” என்று உணர்ச்சிவயப்பட்டார்.

நுாறாண்டு வயத வரை வாழ்வது என்பது பொதுவாக மனிதர்களின் ஆசை. ஆனால் அது எல்லாருக்கும் வாய்த்துவிடுவதில்லை. அசராத உழைப்பும், அளவான உணவுக்கட்டுப்பாடும் வெங்கடேசன் தம்பதியரை இன்னும் ஆரோக்கியமாக வைத்திருக்கிறது.

இவ்விருவரையும் கண்டு ஆசீர்வாதம் வாங்க கூட்டம் அலை மோதியது. இவர்கள் மேலும் பல்லாண்டு காலம் வாழ, வாழ்த்த வயதில்லை என்றாலும் வாழ்த்துவோம்

-சு. கற்பகம்
( மாணவப் பத்திரிக்கையாளர்)
படங்கள்: குருஸ்தனம்


 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ