Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'டுபாக்கோ மானிட்டர்' செயலி...!

புகையிலை தடை சட்டங்கள் சர்வ சாதாரணமாக மீறப்படுவதை, எல்லா இடங்களிலும் காணவே முடிகிறது என குமுறுவோருக்கு ஒரு நற்செய்தி. ஆமாம் அவர்கள், தங்களின் பெயரை குறிப்பிட்டோ, குறிப்பிடாமலோ புகாராக, அரசின் புகையிலை தடுப்பு அமைப்புக்கு தெரிவிக்க, 'தேசிய புகையிலை ஒழிப்பு அமைப்பு' என்னும் மக்கள் அமைப்பு, ஒரு பாலமாக செயல்படுகிறது.

அந்த அமைப்பின் தலைமையகம், சென்னை கோடம்பாக்கத்தில் செயல்பட்டு வருகிறது. அந்த அமைப்பு, புகையிலை கண்காணிப்பான் (டுபாக்கோ மானிட்டர்) எனும் செயலியை உருவாக்கி உள்ளது. இதற்கு, ஆறு வார உழைப்பை, ஆறு தன்னார்வலர்கள் அளித்துள்ளனர். இந்த செயலியை ஆண்ட்ராய்டு செல்போன்களில், 'கூகுள் பிளே ஸ்டோரில்' இருந்து இலவசமாக தரவிறக்கம் செய்து கொள்ளலாம்.

அதில், தற்போதைய புகையிலை பொருட்கள் அழிப்பு தொடர்பான செய்திகள், புகையிலையின் தீமைகளை பற்றி தெரிந்து கொள்ளலாம். மேலும், புகையிலை விற்பனை உள்ளிட்ட சட்ட மீறல்கள் குறித்த புகார் அளிப்பதற்கான வசதியும் அதில் உள்ளது. செயலியின், புகார் அளிக்கும் பகுதியில் சம்பந்தப்பட்ட புகைப்படம், புகாரின் வகை, இடம் உள்ளிட்ட விவரங்களை இணைத்து அனுப்ப வேண்டும். அந்த புகார், அரசின் புகையிலை தடுப்பு அமைப்புக்கு அனுப்பப்பட்டு கண்காணிக்கப்படும். புகாரளிப்பவருக்கு, புகார் பெற்றுக் கொண்டதற்கான சான்றும், நடவடிக்கைகளும் தொடர்ந்து அனுப்பபடும்.

இந்த செயலியை உருவாக்கிய டாக்டர் குப்தா, மாரிமுத்து, முத்துசாமி, சிரில் அலெக்சாண்டர், ரெஜினா ஆகியோர் கூறும்போது, ''தமிழகத்தில் மதுரை, திண்டுக்கல், ஒட்டன் சத்திரம் பகுதிகளில் புகையிலை பயிரிடுவோருக்கு, சுவாச கோளாறு உள்ளிட்ட பல்வேறு பாதிப்புகள் உள்ளன. திருச்சி உள்ளிட்ட பகுதிகளில், பீடி தயாரிக்கும் குடும்பத்தில் உள்ள குழந்தைகள், பெண்களுக்கு கூட நுரையீரல் நோய்கள் உள்ளதோடு, குறைந்த வயது மரணமும் நிகழ்கிறது.

இதை தடுக்க, புகையிலை பொருட்களின் விற்பனையை தடைசெய்வது தான் ஒரே வழி. அதற்கு, மக்கள் ஒருங்கிணைப்போடு, அரசுக்கு புகார் அளிக்க வேண்டும். அதற்கான முதல் முயற்சியே, 'டுபாக்கோ மானிட்டர்' செயலி. தற்போது, ஆங்கில மொழியில் இருக்கும் இந்த செயலியை, பிற மாநில மொழிகளில் வெளியிடும் திட்டமும், அனைத்து வித அலைபேசிகளிலும் தரவிறக்கம் செய்யும் வகையில் மேம்படுத்தும் திட்டமும் உள்ளது.

தற்போது, தமிழகம், பஞ்சாப், சண்டிகர், மகாராஷ்டிரா, கேரளா உள்ளிட்ட மாநிலங்களில் இந்த செயலி அறிமுகத்திற்கு, ஆதரவு கிடைத்திருக்கிறது. இதனால், மக்கள் மத்தியில் நல்ல விழிப்புணர்வு ஏற்படும் என நம்புகிறோம்" என்றனர்.

ர.நந்தகுமார், க.தனலட்சுமி

(மாணவ பத்திரிகையாளர்கள்)

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close