Vikatan.com

www.vikatan.com would like to send you push notifications.

Notifications can be turned off anytime from browser settings.

அலுவலக அலுப்புகளை நுண்கலையாக்கும் புகைப்பட கலைஞர்

லுவலக பணிச்சுமையும், அதனால் ஏற்படும் அலுப்பும் யாருக்குதான் இல்லை. அப்படி ஏற்படும் களைப்பை     யும், வெறுப்பையும் நண்பர்களிடம் பகிர்ந்துகொள்ளலாம். பேஸ்புக்கில் பகிர்ந்து கொண்டு லைக்குகள் பெற லாம். ஆனால் இந்த அனுபவங்களை கலையாக்கி ரசிக்க வைக்க முடியுமா?

விளம்பர நிறுவனம் ஒன்றில் பணியாற்றும் பிராண்ட் நிர்வாகியான டெரிக் லின் இதை செய்திருக்கிறார்.

மன அழுத்தமும் நெருக்கடியும் மிக்க வேலையில் இருக் கும் டெரிக் இந்த வேலையால் ஏற்படும் அலுப்பையும், அலுவலக சூழலில் எதிர்கொள்ளும் டென்ஷன் நிமிடங் களையும் புகைப்படங்களாக பதிவு செய்து வருகிறார்.

சாதாரண புகைப்படங்கள் அல்ல; பார்த்தவுடனே வியக்க வைத்து,அட போட வைக்கும் அபாரமான புகைப்படங்கள்.

அதே நேரத்தில் அவர் எதிர்கொள்ளும் சிக்கல்களையும் அழகாக வெளிப்படுத்தும் புகைப்படங்கள்! இந்த புகைப்படங்களை அவர் எடுக்க அவர் கையாளும் வழி தான் மிகவும் வித்தியாச மானது. அவரது படைப்பாக் கத்தையும் பளிச்சிட வைக்கிறது.

டெரிக் தான் பகிர்ந்து கொள்ள தேர்வு செய்யும் அலுவலக சூழல் அல்லது பிரச்சனையை தீர்மானித்ததும், சிறு உருவங்களை கொண்டு அதை அப்படியே காட்சியாக உருவாக்கி விடுகிறார். அதன் பிறகு அந்த காட்சியை ஐபோனில் கிளிக் செய்து பொருத்தமான விளக்க குறிப்பை எழுதி தனது வலைப்பதிவில் பகிர்ந்து கொள்கிறார். இன்ஸ்டாகிராமிலும் புகைப்படங்களாக வெளியிடுகிறார்.

படங்களுக்கான விளக்க குறிப்பு ஒரு வரிக்கு மேல் நீள்வதில்லை. ஆனால் அந்த காட்சியோடு படிக்கும் போதும், டெரிக் அலுவலகத்தில் சந்திக்கும் சிக்கல்கள் பளிச் என புரியும் அதே நேரத்தில், அடடா மனிதர் எத்தனை அழகாக இதை வெளிப்படுத்தியிருக்கிறார் என பாராட்டத்தோன்றுகிறது.

உதாரணத்திற்கு, ஒய்வு இல்லாமல் பணியாற்றி களைப்படையும் நிலையை உணர்த்த, குளோசப்பில் இருக்கும் சிவப்பு நிற காபி கோப்பை மீது சேரில் அமர்ந்தபடி கோப்பை விளிம்பில் சாய்ந்து தூங்கும் சின்னஞ்சிறிய பொம்மை மனிதரை வைத்து இந்த காட்சியை கிளிக் செய்திருக்கிறார். இந்த படத்திற்கான குறிப்பு, வார இறுதி நாட்களில் பணியாற்றிய பிறகு திங்கள் கிழமை சீக்கிரம் வந்து விடுகிறது என்பதாக இருக்கிறது.

இன்னொரு படத்தில் ஒருவரின் கழுத்து பட்டையில் சிறிய மனிதர்கள் நின்றபடி அவரது இயர் போன் ஒயரை இழக்க முயன்று கொண்டிருக்கின்றனர். இதற்கான குறிப்பு, பாட்டு கேட்கும் சக ஊழியரின் கவனத்தை ஈர்க்க படாதபாடு பட வேண்டும் என்பதாக இருக்கிறது.

இன்னொரு படத்தில், காலி காபி கோப்பை விளிம்பின் மீது அமர்ந்திருக்கும் பெண் உருவம் காகிதங்களை வீசிக்கொண்டிருக்கிறது. சில நேரங்களில் எல்லாவற்றையும் தூக்கி வீசிவிடலாம் போல தோன்றுவதாக இதற்கான குறிப்பு அமைந்துள்ளது.

இப்படி ஒவ்வொரு புகைப்படமும், சின்னஞ்சிறிய உருவங்கள் மூலம் அலுவலக சூழலையும் அதன் பிரெஷர் குக்கர் நிமிடங்களையும் படம் பிடித்து லேசான புன்முறுவல் வரவழைக்கிறது. வேலை சில நேரங்களில் எரிச்சலாக அமைந்து கொதிப்படைய வைத்தாலும் நாம் எல்லாவற்றையும் சகித்துக்கொள்ள தான் வேண்டியிருக்கிறது என குறிப்பிடும் டெரிக் இந்த புகைப்பட ஆக்கங்களுக்கான எண்ணம் வந்த விதத்தை இப்படி விவரிக்கிறார்.

“ பணியில் பணியாற்றும் நெருக்கடிகள் தனது செயல்பாட்டை பாதிக்க அனுமதிக்காமல் இருக்க முயலும் அதே நேரத்தில் அலுலவக அலுப்புகளையும், எரிச்சல்களையும் அற்புதமான ஒன்றை உருவாக்குவதற்கான ஊக்கமாக எடுத்துக்கொண்டேன் என்கிறார் அவர்.

டெரிக் லின் கலைப்புகைப்படங்களை கண்டு ரசிக்க: http://marsder.tumblr.com/

- சைபர் சிம்மன்



 

 
 

எடிட்டர் சாய்ஸ்

MUST READ