Vikatan.com

www.vikatan.com would like to send you push notifications.

Notifications can be turned off anytime from browser settings.

விகடனில் துவங்கிய ஐஏஎஸ் பயணம்!

மீபத்தில் வெளியான ஐ.ஏ.எஸ். தேர்வு முடிவுகளில் மதுரையைச் சேர்ந்த உமேஷ்,  இந்திய அளவில் 77வது இடத்தைப் பெற்று சாதனை படைத்துள்ளார்.

ஐ.ஏ.எஸ். படிக்க வேண்டும் என்ற ஆசையே விகடனிலிருந்துதான் ஆரம்பமானது என்று சொல்லும் உமேஷை, தொடர்ந்து பேச அழைத்தோம்.

"சிறு வயது முதலே நான் 'விகடன்' ரசிகன். தொடர்ந்து 'ஆனந்த விகடன்' படிப்பேன். அப்போது நான் எட்டாம் வகுப்பு படித்துக் கொண்டிருந்தேன். ஆனந்த விகடனில் சுஜாதா எழுதிய 'கற்றதும், பெற்றதும்' என்ற தொடர் வெளியானது. மிகவும் இன்ட்ரஸ்ட்டாக இருக்கும். அதனை தொடர்ந்து, ஆர்வமாக படிக்க ஆரம்பித்தேன்.

அந்த தொடரின்மூலம், என்னுடைய ஜன்னல்களை திறந்துவிட்டார் என்று தான் சொல்ல வேண்டும். அதில், ஒரு முறை நவீன இந்தியாவின் எதிர்காலம் இளம் ஐ.ஏ.எஸ். அதிகாரிகள் கையில்தான் இருக்கிறது என்று சுஜாதா சொல்லியிருந்தார்.

இந்த வரிகள்தான் என் மனதில் ஒரு தாக்கத்தை ஏற்படுத்தியது. நானும் ஐ.ஏ.எஸ். படிக்கலாமே என்று முதன்முதலில் அன்றுதான் தோன்றியது. ஐ.ஏ.எஸ். படிக்க வேண்டும் என்று ஆசையிருந்தாலும், தீர்க்கமாக என்னால் முடிவெடுக்க தெரியவில்லை அந்த வயதில். அதனால் என் பெற்றோர்களின் விருப்பபடி என்ஜினியரிங் படித்தேன். அங்கே என் நண்பர்கள் பலரும் ஐ.ஏ.எஸ்.க்கு படித்துக் கொண்டிருந்தனர். அவர்களைப் பார்த்து எனக்கு நம்பிக்கை வந்துவிட்டது. அதன் பின் ஒரே முடிவாக ஐ.ஏ.எஸ்.தான் ஆக வேண்டும் என்று முடிவெடுத்துவிட்டேன்.

எந்த பிரசரும் இல்லை எனக்கு. அதனால் நிம்மதியாக ஐ.ஏ.எஸ். மட்டுமே என்னுடைய கனவாக நினைத்து செயல்பட ஆரம்பித்தேன். நிறைய புத்தகங்கள் வாசிக்க கிடைத்தது. 2012ஆம் ஆண்டு தேர்வு எழுதினேன். அப்போது Prelims   தேர்வு கிளியர் செய்துவிட்டேன். Main தேர்வு கிளியர் செய்ய முடியவில்லை. பின்னர் 2013ஆம் ஆண்டு தேர்வு எழுதிய போது Prelims கூட என்னால் கிளியர் செய்ய முடியவில்லை. பின்னர் 2014 ஆம் ஆண்டும் தேர்வெழுதினேன். அதில்தான் வெற்றி பெற்றேன்.

ஐ.ஏ.எஸ்.-ஐ பொறுத்தவரையில் மிகவும் விசாலமான பார்வை இருக்க வேண்டும். அதற்கு நிறையவே படிக்க வேண்டும். எவ்ளோ படித்தாலும் போதாது. இதற்கு அன்றாட நிகழ்வுகளை தெரிந்து கொண்டேயிருக்க வேண்டும்.

ஐ.ஏ.எஸ். தேர்வு என்பது த்ரீ ஸ்டெப் அப்ரோச் என்றுதான் சொல்ல வேண்டும். Prelims க்கு நன்றாக படித்திருக்க வேண்டும், மெயின் தேர்வுக்கு நன்றாக எழுத தெரிந்திருக்க வேண்டும், நேர்காணலுக்கு நன்றாக பேச தெரிந்திருக்க வேண்டும்.

Prelims ல் 100 கேள்விகள் கேட்கிறார்கள் என்றால், அதில் 25 கேள்விகள் மிகவும் கடுமையாக கேட்டிருப்பார்கள். மீதமிருக்கும் 75 கேள்விகளைதான் நாம் டார்கெட் வைத்து படிக்கலாம். இதற்கெல்லாம் நெகட்டிவ் மார்க் இருப்பதால் நமக்கு ஊர்ஜிதமாய் தெரியாமல் இருக்கும் கேள்விகளுக்கு பதிலளிக்க கூடாது. 2013 ஆம் ஆண்டு நான் Prelims கிளியர் செய்யாததற்கு இதுவே காரணம்.

நாம் படித்ததை தெளிவாக, கோர்வையாக ஒரு பாஸிட்டிவ் திங்கிங் உடன் எழுத தெரிந்திருக்க வேண்டும். தேர்வு எழுதும் மாணவனைப் போல அல்லாமல் பிரச்னைகளை தீர்க்கும் மனோபவத்துடன் எழுத வேண்டும். அன்றாடம் செய்தித்தாள்களை தொடர்ந்து படிக்க வேண்டும். பொலிட்டிக்கல் சயின்ஸ் தேர்வின்போது அன்றைய தினம் காலையில் படித்த செய்திக்கு தொடர்புடைய கேள்வியை கேட்டிருந்தனர். இதனால் ஒவ்வொருநாளும் தேர்வுக்கு தயாராவது போல் விழிப்புடன் இருக்க வேண்டும்.

இப்போது தினமும் செய்தித்தாள்களை படிக்க வேண்டும் என்று சொல்லி சொல்லியே பலரும் படிக்க ஆரம்பித்துவிட்டனர் அவர்களிலிருந்து நீங்கள் சொல்லப்போகும் விடை வித்யாசமாக இருக்க வேண்டும். உங்களது பதில் புதுமையாக இருக்க வேண்டுமாயின் உங்களது பார்வையை விசாலப்படுத்த வேண்டும். அதற்கு நிறைய படிக்க வேண்டும். பல்வேறு செய்தி தளங்கள் இப்போது இருக்கிறது. அவற்றிலிருந்து எல்லாம் படிக்க வேண்டும்.

நேர்காணலை பொறுத்தவரையில் நமக்கு என்ன தெரிந்திருக்கிறது என்று அவர்கள் தெரிந்து கொள்ள விரும்பவில்லை. நமக்கு விடை தெரியாதபோது நாம் எப்படி ரியாக்ட் செய்கிறோம் என்பதை பார்ப்பதற்கான இடமாகத்தான் அதனை பார்க்கிறேன்.

- ந.ஆஷிகா

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ