Vikatan.com

www.vikatan.com would like to send you push notifications.

Notifications can be turned off anytime from browser settings.

மாணவ ஆசிரியர்கள்!

காலையில் அரக்கப்பரக்க கல்லூரிக்குச் சென்று, மாலை வரை தனக்கான கல்வியை கற்றுக்கொண்டுவிட்டு, மாலை ஐந்து மணிக்கு மேல் பள்ளி மாணவர்களுக்கு பாடம் கற்பிக்கும் சேவையை தொடர்கின்றனர் ,கோவை தமிழ்நாடு வேளாண் பல்கலைக் கழக மாணவ, மாணவியர்கள்.

கல்லூரி இளங்கலை முதலாமாண்டில் இருந்து, முதுகலை மற்றும் முனைவர் பட்டம் பெறப் பயிலும் மாணவர்கள் வரை இந்த சேவையில் பங்கேற்றுள்ளனர்.


 
 அன்னசத்திரம் ஆயிரம் வைத்தல்
ஆலயம் பதினாயிரம் நாட்டல்
அன்னவையாவினும் புண்ணியம் கோடி
ஆங்கோர் ஏழைக்கு எழுத்தறிவித்தல் தானே என்ற மகாகவி பாரதி பாடியதற்கு ஏற்ப இந்த இளைஞர்களின் சமுதாய நற்பணி மன்றம் செயல்பட்டு வருகிறது.
 
இந்த மன்றம், முதன் முதலில் வேளாண் கல்லூரியில் பணியாற்றும் கடைநிலை ஊழியர்களும்  எழுத, படிக்கத் தெரிந்து கொள்ள வேண்டும் என்ற நோக்கத்துடன் ஆரம்பிக்கப்பட்டு, இன்று சமுதாயத்தில் பெருமளவு வளர்ந்து போற்றத்தக்க அளவில் பொன்விழா காணுகின்றது.

1954 ஆம் ஆண்டு பல்கலைக்கழக  ஊழியர்கள் கல்விக்குத் தொடங்கி, ஊழியர்களுடன் சேர்த்து அவர்கள் குழந்தைக்கும் கல்வி கற்பிக்கப்பட்டது. நாளடைவில் கல்லூரியை சுற்றியுள்ள பகுதிகளில் இருக்கும் பள்ளி மாணவர்களுக்கும் மாலை நேர வகுப்புகள் ஆரம்பிக்கப்பட்டது. இக்கல்லூரியைச் சுற்றியுள்ள பூசாரிபாளையம்,புதூர், சீரநாயக்கன்பாளையம்,லாலிரோடு,பால்கம்பெனி,பனைமாத்தூர் ஆகிய இடங்களை சேர்ந்த மாணவச் செல்வங்களும் கல்வியின் பயனை உணர்ந்து, இந்த  அமைப்பை நோக்கி வரத்தொடங்கினர்.

கல்லூரி மாணவ, மாணவிகள் இம்மன்றத்தில் சேர்ந்து பாடம் கற்பிப்பதற்கு சில நெறிமுறைகளை பின்பற்ற வேண்டியுள்ளது. நேரம் தவறாமை,முறையான உடை அணிதல், சீரான சிகை அலங்காரம் என பல உள்ளது. மாலை ஐந்து மணி முதல் இரவு எட்டு மணி வரை இம்மன்றத்தில் பாடம் கற்பிக்கப்படும். தெலுங்குபாளையம் கல்லூரி வாளகத்திற்கு வெளியில் இருப்பதால் கல்லூரி மாணவர்கள் அங்கேயே சென்று பள்ளிக் குழந்தைகளுக்கு பாடம் கற்பிப்பர். கல்லூரி வளாகத்தினுள் இருக்கும் கிளைக்கு கல்லூரி மாணவிகள் சென்று பாடம் கற்பிப்பர்.

இங்கு பயின்ற பல மாணவர்கள்,  அரசுப் பொதுத் தேர்வில் 90 சதவிகிதத்திற்கு மேல் மதிப்பெண் பெற்றவர்கள். வருடம் தோறும் மாவட்ட அளவில் வினாடி - வினா போட்டி, அறிவியல் கண்காட்சி போன்ற பல போட்டிகள் பள்ளி மாணவர்களுக்காக இம்மன்றத்தில் நடத்தப்பட்டு பரிசுகள் வழங்கப்படுகிறது.மேலும் வருடம் ஒரு  முறை கல்விச் சுற்றுலாவும்  இம்மன்றம் சார்பாக இலவசமாக மாணவர்களை அழைத்துச் செல்வது என இதன் சிறப்பு இன்னும் நீண்டு கொண்டே போகிறது.

இன்றைய ஆசிரியர்  தினத்திற்கு பெருமை சேர்க்கும் இந்த மாணவ ஆசிரியர்களை நாமும் பாராட்டுவோம்.
 
- சா.கவியரசன்
படங்கள்: கோ.க.தினேஷ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ