Vikatan.com

www.vikatan.com would like to send you push notifications.

Notifications can be turned off anytime from browser settings.

வெட்டிங் எக்ஸ்போ: கல்யாண ஷாப்பிங் இங்கே ஈஸி...!

'வீட்ட கட்டிப்பாரு; கல்யாணத்த பண்ணிப்பாரு!' என்ற பழமொழியின்  வீரியத்தை உணராதவர்கள்  இருக்க முடியாது.

ஒரு கல்யாணம் பண்றதுனா சும்மாவா...? சடங்கு, சம்பிரதாயம், ஷாப்பிங் என எத்தனையோ வேலைகள். தனக்கு ஏற்ற துணையை தேர்தெடுத்ததும் பூவைத்தல், நிச்சயம், சங்கீத், மெகந்தி, முகூர்த்தம், ரிசெப்ஷன், மறுவீடு என இன்னும் பற்பல நிகழ்வுகள் அணிவகுக்கும். இவை வாழ்வில் ஒரு முறையே நிகழப்போகும் ரீவைண்ட் செய்ய முடியாத தருணங்கள். 

எனவே இதை மிகச்சிறப்பாக அமைத்திட நாம் பிரயத்தனப்படுவதில் தவறில்லை. காஞ்சிபுரத்தில் பட்டு வாங்கி, காரைக்குடியில் சமைக்க ஆள் சொல்லி, மேடை அலங்காரத்திற்கு தனி ஆள் பிடித்து, மண்டபம் புக்செய்து என அலைச்சலுக்கும் பஞ்சமில்லை. ஆனால் மேற்சொன்ன அனைத்தும் ஒரே இடத்தில் அமையப்பெற்றால்? 'ஒரே இடத்திலா... சூப்பர்!' என நீங்கள் ஆனந்த அதிர்ச்சி அடைவது புரிகிறது.

ஆம்!  அனைத்தும் ஒரே இடத்தில்தான்.. கோவை கொடிசியாவில் நடைபெறுகிறது மூன்று நாள் வெட்டிங் எக்ஸ்போ(wedding expo).

தங்கம் மற்றும் வைர நகைகளின் அணிவகுப்புடன் தொடங்கியது கண்காட்சி. மிக நேர்த்தியான வேலைப்பாடுகளுடன் நம் கண்களை பறிக்கும் பிரைடல் கலெக்‌ஷன் நகைகள். புதிய தொழில்நுட்பங்களில் உருவாக்கப்பட்ட எலக்ட்ரோ போமிங் நகைகள், எனாமல் பெயின்ட் நகைகள் மற்றும் முழுக்கவே வெள்ளியால் செய்யப்பட்ட மாலைகள் போன்ற புது வரவுகளும் கண்காட்சியில் இடம்பிடித்தன.

திருமண சடங்குகளுக்கான பட்டுப்புடவைகள், பற்பல வண்ணங்களில் படபடத்தன. 3000 முதல் 1.5 லட்சம் வரையிலான சர்வலட்சணங்கள் கொண்ட இந்த  பட்டுப்புடவைகளுக்கான டிசைனர் ப்ளவுஸ்,  அழகிய வேலைப்பாட்டுடன் மின்னிக்கொண்டிருந்தன.  இவை 2,500 முதல் 18,000 வரை விலையிடப்பட்டிருந்தன. இத்துடன் ரிசப்ஷன் மற்றும் சங்கீத்திற்கான அனார்க்கலி மற்றும் லெஹங்கா போன்ற டிசைனர் ஆடைகளும் அணிவகுத்து நின்றன.

மேலும் படங்களுக்கு க்ளிக் செய்க...

'என்னது.. இத்தனை வெரைட்டியா?!' என நம்மை திகைக்க வைத்தன நூற்றுக்கணக்கில் அடுக்கப்பட்டிருந்த திருமண அழைப்பிதழ்கள். 30லிருந்து ஆரம்பிக்கும் இவற்றின் விலை 7,000 வரை செல்கிறது.

திருமணத்தில் அடுத்த முக்கிய பங்குவகிப்பது புகைப்படங்கள். அன்று நடந்த கொண்டாட்டத்தை வாழ்நாள் முழுவதும் எண்ணிப்பார்த்து, பார்த்து மகிழ்ச்சி அடைந்திட,  வித்தியாசமான தொழில்நுட்பங்களை பயன்படுத்தி எடுக்கப்படும் இவற்றிற்கு 90,000 முதல் ஆரம்பமாகும் விலை, அவரவர் தேவைகளுக்கேற்ப மாறுகிறது.

தங்கள் திருமணத்தை பற்றிய கற்பனைகள் அனைவருக்குமே உண்டு. அதிலும் தங்கள் புதிய உறவின் தொடக்கமான திருமண மேடை அலங்கரிப்பில், அவர்கள் அதீத அக்கறையுடனே செயல்படுகின்றனர். இப்போது புதிய டிரெண்ட் எகோ ஃபிரெண்ட்லி(eco-friendly) மற்றும் கோ கிரீன்(go green) அலங்காரங்கள்தான்.

சீர் கொடுக்கப்படும் வெள்ளிப் பொருட்கள், சீர் தட்டு அலங்கரிப்பு, ஆண்களுக்கான ஆடைகள், பெண்களுக்கான சிகை அலங்காரம் மற்றும் திருமணத்திற்கு வரும் விருந்தினருக்கு கொடுக்கப்படும் அன்பளிப்புகள் போன்றவைகளுக்கான ஸ்டால்களும் அமைக்கப்பட்டிருந்தன.

மணமக்கள்,  தங்களுக்கு மட்டுமின்றி தம் அடுத்த தலைமுறையை வரவேற்று அன்பளிப்பளிக்கும் விதமாக, மூன்றே கிராம் எடை கொண்ட குட்டி தங்க சைக்கிள் ஒன்றும் கண்காட்சியில் இடம் பெற்றது.

கு.அனுஷ்யா
படம்:சு.ரகுராம்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ