Vikatan.com

www.vikatan.com would like to send you push notifications.

Notifications can be turned off anytime from browser settings.

ஐன்ஸ்டீனைவிட அறிவாளி இந்தியா வம்சாவளி சிறுமி லைடியா!

E=mc2. இது இன்றைய உலகின் இன்றியமையாத சூத்திரங்களில் ஒன்று. இதை கண்டறிந்தவர் ஐன்ஸ்டீன். அவரது IQ (Intelligent Quotient) 160 என கண்டறியப்பட்டது.

ALS என்ற கொடிய நோய் தாக்கினாலும் மனம் தளராமல் ''ஈர்ப்பு சக்தி கொண்ட கருந்துளைகள்" (Black Holes) பிரிவில் பல அரிய கண்டுப்பிடிப்புகள் நிகழ்த்துபவர் ஸ்டீபன் ஹாக்கிங். இவரது IQ 160.

இவர்களை எல்லாம் தனது IQ மூலம் வீழ்த்திருக்கிறார் 12 வயதே ஆன லங்கமை சேர்ந்த லைடியா.

IQ அளவு ’’மென்சா’’ என்ற தேர்வு மூலம் கண்டறியப்படும். கட்ரால் lll B எனும் கேள்வி தாளில் 162 மார்க் பெற்றுள்ளார் இந்திய வம்சாவளியான லைடியா.

லைடியாவின் பெற்றோரான கேரளாவை சேர்ந்த அருண் மற்றும் எரிக்கா கூறுகையில், பிறந்த 6 மாதத்திலேயே பேசும் திறனை லைடியா பெற்றதாகவும், 4 வயதில் வையலின் இசையைக் கற்றதாகவும் நினைவு கூர்ந்தனர்.

இங்கிலாந்திலுள்ள எஸ்எக்ஸ் (ESSEX) மாகாணத்தைச் சேர்ந்த லைடியா, சிறு வயது முதலே புத்தகங்கள் வாசிக்கும் பழக்கம் உடையவள். ஹாரி பார்ட்டரே தனக்கு பிடித்த கதைப் புத்தகம் எனக் கூறும் இச்சிறுமி, அக்கதையை மூன்று  முறை வாசித்திருப்பதாகவும் கூறுகிறார்.

கால்செஸ்ட்டர் பொது மருத்துவமனையில் கதிரியக்கராக பணிப்புரியும் அருண், ''ஒரு வருடம் கழித்து தேர்வு எழுதிக்கலாம் என கூறியும் தன் பிடிவாதத்தால் இந்த வருடமே தேர்வை எதிர் கொண்டாள் என் செல்ல மகள். 162 மார்க்  வாங்கி எங்களுக்கு நம்ப முடியாத இன்ப அதிர்ச்சி அளித்துள்ளார் லைடியா" என்றார்.

சிறு வயதிலே கணித பாடங்களில் பல பரிசுகள் பெற்றுள்ள லைடியா, அத்துறையில் சாதிப்பதையே தன் இலட்சியமாக கொண்டுள்ளார்.

இந்தியாவின் அடுத்த ராமானுஜராக உயர பறந்திட லைடியாவை வாழ்த்துவோம்!

ச.ஸ்ரீராம் இரங்கநாத்

எடிட்டர் சாய்ஸ்

ஜெயலலிதா வாழ்வின் சில ‘கடைசி’கள்!

MUST READ