Vikatan.com

www.vikatan.com would like to send you push notifications.

Notifications can be turned off anytime from browser settings.

'திருமணங்கள் போட்டோஷாப்பில் நிச்சயிக்கப்படுகின்றன!'

'காம்கேர்' கே.புவனேஸ்வரி எழுதி, விகடன் பிரசுரம் வெளியிட்ட, போட்டோ ஷாப் என்ற புத்தகத்துக்கு 'பவித்ரம்' அமைப்பினரின் 2015 ஆம் ஆண்டுக்கான மிகச்சிறந்த தொழில்நுட்பப் புத்தகம் என்ற விருது கிடைத்துள்ளது.

விருதை வழங்கிப் பேசிய தமிழக அரசு வேளாண் துறை இயக்குனர் ராஜேந்திரன் ஐ.ஏ.எஸ்,  “ இந்தப் புத்தகம் இல்லை என்றால் இன்று ஒருவருக்கும் திருமணமே ஆகாது" என்றார். ஏன் இப்படிச் சொல்கிறார் என்று  ஒரு நிமிடம் சபையில் கனத்த மவுனம். பின்னர் மவுனத்தை அவரே உடைத்தார்.

“ஆமாம். கருப்பா இருப்பவர்களை சிவப்பாகவும், பருக்கள் நிரம்பிய முகத்தை பளபளவென்றும் மாற்றும் மேஜிக் வேலைகளை எல்லாம் இந்த சாஃப்ட்வேரில்தான் செய்யமுடியும். என் நண்பர் ஒருவருக்கு பெண் பார்ப்பதற்காக அவரது புகைப்படம் தேவைப்பட்டது. ஸ்டுடியோவுக்குச்  சென்றோம். சார், முகத்தில் இருக்கும் பருவை எல்லாம் எடுத்துடலாமா? என்றார். சரி எடுங்க என்றோம். கலரை கொஞ்சம் கூட்டிடலாமா என்றார். சரி செய்யுங்கள் என்றோம்.

இறுதியில் கிடைத்த புகைப்படத்தையும், நண்பரையும் மாறி மாறி பார்த்தேன். புகைப்படத்தில் ஆளே அசத்தலாய் இருந்தார். இதுபோல புகைப்படத்தில் மேஜிக் செய்துதான் இன்று பலருக்கு கல்யாணம் நடக்கிறது என்று தெரிந்து கொண்டேன். உண்மைதான். திருமணம் போட்டோஷாப்பால் நிச்சயிக்கப்படுகிறது. எனவே இந்தப் புத்தகத்தை அனைவரும் படியுங்கள்…" என்று பேசியபோது சபை சிரிப்பொலியால் அதிர்ந்தது.

கேமிரா மூலம் எடுக்கப்படும் புகைப்படங்களை, தூரிகையால் வரைந்த ஓவியங்களைப்போல மாற்ற, கறுப்பு-வெள்ளைப் புகைப்படங்களை, கலர் புகைப்படங்களாக மாற்ற, தழும்பு உள்ள முகத்தை பளபள முகமாக உருமாற்ற, கரையான் அரித்த புகைப்படங்களை சரிசெய்ய என அசத்தலான பல ஆச்சர்யங்களை இந்த சாப்ட்வேர் மூலம் அரங்கேற்றமுடியும்.

குரூப் புகைப்படத்தில் இருந்து ஒரு நபரின் இமேஜை மட்டும் தனியாக கட்செய்து எடுக்க, வெப்சைட்டுகளை வடிவமைக்க, அனிமேஷன்களை தயாரிக்க, 2-D  மற்றும் 3-D தொழில்நுட்பத்தில் ஆப்ஜெக்ட்டுகளை வெளிப்படுத்த, அழைப்பிதழ்களைத் தயாரிக்க, புத்தக அட்டைகள் மற்றும் சி.டி கவர்களை வடிவமைக்க, விளம்பரங்களை வடிவமைக்க திருமண ரிசப்ஷனில் எடுத்த மணமக்களின் புகைப்படப் பின்னணியை மாற்றி, அவர்கள் திருப்பதி கோயில் வாசலில் நின்று புகைப்படம் எடுத்ததைப் போல மாற்றி அமைக்கலாம்.

அதாவது, ஒரு பேக்கிரவுண்டில் எடுத்தப் புகைப்படங்களை வேறொரு பேக்கிரவுண்டில் வெளிப்படுத்த என்று ஏராளமான சுவாரஸ்யமான தொழில்நுட்பங்களை Step by Step ஆக பயன்படுத்தும் முறைகளை விளக்கப்படங்களுடன் இப்புத்தகம் தயாரிக்கப்பட்டுள்ளது.

ஒரு மல்டிமீடியா படைப்பை விஷுவலாகப் பார்க்கும்போது கிடைக்கும் தெளிவு, இந்தப் புத்தகத்தைப் படிக்கும்போது கிடைக்கும்.

காம்கேர் சாஃப்ட்வேர் பிரைவேட் லிமிடட் என்ற ஐ.டி நிறுவனத்தின் முதன்மை செயல் அதிகாரியாக உள்ள இந்நூல் ஆசிரியர், கடந்த 23 வருடங்களுக்கும் மேலாக ஏராளமான சாஃப்ட்வேர் தயாரிப்புகள், புத்தகங்கள், அனிமேஷன் சிடிக்களை தயாரித்து வெளியிட்டுள்ளார். தொழில்நுட்பங்கள் தொடர்பான புத்தகங்களை எழுதிவரும் இவர் விகடன் வாயிலாக 11 புத்தகங்களை எழுதியுள்ளார்.
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ