Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பள்ளத்தில் சிக்கிய குட்டி யானையை மீட்ட தாய் யானை!

கோவை : கோவையில் குழியில் பள்ளத்தில் சிக்கிக்கொண்ட குட்டி யானையை இடைவிடாத முயற்சியால் நீண்ட நேர போராட்டத்துக்கு பின் மீட்டு தன்னோடு தாய் யானை அழைத்துச் சென்றது காண்போரை உருகச் செய்தது.

கோவை துடியலூரை அடுத்த வரப்பாளையம் பகுதியில் உள்ள வாழைத்தோட்டத்துக்கு நேற்று இரவு வந்த காட்டு யானை ஒன்று, அங்கேயே குட்டியை ஈன்றது.சிறிது நேரத்துக்குப் பின் எழுந்து நடக்கத் தொடங்கிய குட்டி யானையை பாதுகாப்பாக தனது கால்களுக்கிடையே வைத்துக்கொண்டு காட்டுக்குள் அழைத்துச் சென்றது தாய் யானை.

அப்போது எதிர்பாராத விதமாக அங்கிருந்த சிறிய பள்ளமொன்றில் குட்டி யானை சிக்கியது. பள்ளத்தில் இறங்கி ஏற முயன்றபோது குட்டி யானையால் ஏற முடியவில்லை.

குட்டி யானையை மேலே கொண்டுவர தாய் யானை முயற்சித்தும் முடியவில்லை. உடனே அருகில் இருந்த மரங்களை முறித்துபோட்டும், அங்கிருந்த மணலை சரித்துவிட்டும் பள்ளத்தை சற்று மேடாக்கியது. அப்போதும்  குட்டி யானையால் வெளியே வர முடியவில்லை. பின்னர் மீண்டும் மண்ணை சரித்துவிட்டு பள்ளத்தை சாய்தளம் போல் ஆக்கியது. இதையடுத்து குட்டி யானையை தன் நிழலில் வைத்து பத்திரமாக மேலே கொண்டுவந்தது.

சில மணி நேரங்கள் நடந்த இந்த முயற்சியின்போது யானை மிகச் சத்தமாக பிளிறியதால் அப்பகுதியினர் அங்கு கூடினர். கூட்டத்தைப் பார்த்து பயந்து யானை அங்கிருந்து நகராமல் விடாமுயற்சியோடு குட்டி யானையைப் பத்திரமாக மீட்டது அங்கிருப்பவர்களை நெகிழச்செய்தது.

குட்டி யானையை மீட்ட மகிழ்ச்சியில், அங்கு கூடியிருந்த மக்களை நோக்கி தும்பிக்கையை உயர்த்தி மகிழ்ச்சியோடு சத்தமிட்டு அங்கிருந்து புறப்பட்டது.  தாய் யானையின் காலுக்கு அடியில் பாதுகாப்பாக  காட்டை நோக்கி நடை போட்டது குட்டி யானை.
 
- ச.ஜெ.ரவி

 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

சமூக வலைதளத்தில் எதிரிகளை தாங்களே உருவாக்குகிறார்களா ட்ரம்ப்பும், மோடியும்?
Advertisement

MUST READ

Advertisement
[X] Close