Vikatan.com

www.vikatan.com would like to send you push notifications.

Notifications can be turned off anytime from browser settings.

'நோ ஷேவ் நவம்பர்!' - ஒரு நெகிழ்ச்சி பின்னணி!

க்களோட கவனத்தை ஈர்க்கணும்னா வித்தியாசமா ஏதாவது செய்யணும்னு நல்லா தெரிஞ்ச ஒரு குடும்பம் ஆரம்பித்த  லாப நோக்கற்ற நிறுவனம்தான் ’நோ ஷேவ் நவம்பர்‘. தனித்துவமான முறையில் புற்றுநோய் பற்றிய விழிப்புணர்வை ஏற்படுத்துவதே இந்நிறுவனத்தினுடைய நோக்கம். விழிப்புணர்வு ஏற்படுத்துவது மட்டுமல்லாமல் புற்றுநோயை தடுப்பது, அதைப்பற்றிய ஆராய்ச்சி, புற்றுநோயால் பாதிக்கப்பட்டவர்களுக்கு உதவுவது போன்றவற்றிற்காக நிதி திரட்டவும் செய்கிறார்கள்.

இதன் தனித்தன்மை என்ன?

இதில் கலந்துகொள்பவர்கள் இந்த ஒரு மாதத்திற்கு அவர்களுடைய முடி, தாடி, மீசை ஆகியவற்றை திருத்தாமல் அதற்கு ஆகும் செலவை நன்கொடையாக அளிக்க வேண்டும். புற்றுநோயால் பாதிக்கப்பட்டவர்கள் இழக்கும் முடியை அவர்களுக்காக நாம் வளர்ப்பது என்பதே இதன் கரு. இதில் ரிஜிஸ்டர் செய்து பங்கேற்பவர்கள் தனியாக நிதி திரட்டும் பக்கம்  ஒன்றை ஆரம்பித்து, பிறரிடமிருந்தும் நிதி திரட்ட முடியும். இதனால் அவர்களுடைய நண்பர்கள், உறவினர்கள், உடன் வேலை பார்ப்பவர்கள் ஆகியோருக்கும் தெரியப்படுத்துவதால் இதனுடைய ’ரீச் ‘ அதிகமாக இருக்கும்.

 


இதன் பின்னணி?

மேத்யூ ஹில் என்பவர்  ’காலன் கேன்சரால்’ (colon cancer)  பாதிக்கப்பட்டு 2007-ம் ஆண்டு இறந்துவிட,  அவர் நினைவாக ஏதேனும் செய்ய வேண்டும் என நினைத்த அவருடைய எட்டு பிள்ளைகளும் இணைந்து உருவாக்கியதே இந்நிறுவனம். 2009-ம் ஆண்டு ரெபெக்கா ஹில் எனும் அவருடைய மூத்த மகள் இந்நிறுவனத்தை துவங்கி,  அந்த ஆண்டு 2000 டாலர்கள் நிதி திரட்டினார். போன வருடம் இந்நிறுவனம் திரட்டிய தொகை ஒரு மில்லியன் டாலர்.

இவர்கள் ப்ரேஸ்லெட்டுகளும் டி-ஷர்ட்டுகளும் விற்றும் நிதி திரட்டுகிறார்கள். இதைப் பற்றி மேத்யூ ஹில்லின் மனைவியான ஷேரன் கூறும் போது, “மேத்யூ இதற்காக நிச்சயம் பெருமைப்படுவார். அவர் வாழ்க்கை முழுக்க பிறருக்கு வழங்கியே பழக்கப்பட்டவர். அவருக்கு நிச்சயம் நாங்கள் செய்வது பேருவகையைத் தரும்” என்றார்.

இந்த வருடம் க்ரீன் பே போலீஸ் டிபார்ட்மெண்ட் கூட இதில் பங்கேற்க போவதாக அறிவித்திருப்பது இந்நிறுவனத்தின் வெற்றிக்கு சாட்சி.


எப்படி கலந்து கொள்ளலாம்?

கீழிருக்கும் உரலியைச் சொடுக்கி இதில் கலந்துகொள்ளலாம்.
https://www.no-shave.org/participate

முடி வளர்ப்பதிலெல்லாம் உடன்பாடில்லை. ஆனால் நன்கொடையளிக்க விரும்புகிறேன் என்பவர்கள் இந்த உரலியை சொடுக்கவும் : https://www.no-shave.org/donate/general

- நிவேதா அ.

எடிட்டர் சாய்ஸ்

MUST READ