Vikatan.com

www.vikatan.com would like to send you push notifications.

Notifications can be turned off anytime from browser settings.

இஸ்ரேல் நடிகரை கவர்ந்த நாகேஷ், கவுண்டமணி!

மதுரை: மதுரையில் நடைபெற்ற சினிமா கருத்தரங்கு ஒன்றில் பேசிய இஸ்ரேல் நடிகர் கில் ஆலன்,  நாகேஷை தன் குரு என்றும், கவுண்டமணியின் தீவிர ரசிகர் என்றும் கூறி கலகலப்பூட்டினார்.

மதுரையில் சினிமா பற்றிய கருந்தரங்கு ஒன்று நடைபெற்றது. இதில் பங்கேற்பதற்காக இந்தியாவுக்கான இஸ்ரேல் நாட்டு துணைத் தூதர் டவ்செகவ் ஸ்டீபன்பெர்க் மற்றும் அந்நாட்டின் பிரபல திரைப்பட நடிகர் கில் ஆலன் ஆகியோர் வந்தனர். மதுரை ஆட்சியர் சுப்பிரமணியன் அவர்களை வரவேற்றார்.

பின்னர் துணைத் தூதர் டவ்செகவ் ஸ்டீபன்பெர்க் பேசுகையில், “பெங்களூருவில் உள்ள இஸ்ரேல் தூதரகத்தில் எனது கட்டுப்பாட்டில் கர்நாடகா, தமிழ்நாடு கேரள மாநிலங்களில் உள்ளன.

இஸ்ரேல் - இந்தியா இடையேயான உறவை மேலும் மேம்படுத்தும் வகையில் அனைத்து வழிகளிலும் முயற்சி மேற்கொண்டு வருகிறோம் அரசியல் பிரமுகர்கள், வர்த்தகர்கள், பொதுமக்களை சந்தித்து பல்வேறு விஷயங்களை குறித்து விவாதிக்கிறோம்.

வேளாண்மை நீரியியல் உட்பட பல்வேறு துறைகளில் தமிழக அரசின் செயல்பாடு திருப்தியாகவுள்ளது. அடித்தட்டு மக்கள் முதல் பெரும் வசதி வாய்ப்பு மிக்க மக்களையும் சந்தித்தோம். மிகவும் அருமையான புதுவித அனுபவங்கள் கிடைத்தன. தமிழக கலாச்சாரம் மிகவும் வித்தியாசமாக உள்ளது" என்றார்.

மாலையில் நடந்த கருத்தரங்கத்தில் பேசிய நடிகர் கில் ஆலன், “ இஸ்ரேலில் பிரபல நடிகராக இருந்தாலும் தமிழில் 'மொட்டை பாஸ்' என்று என் நண்பர்கள் தமிழில் பட்டப்பெயர் வைத்து அழைப்பார்கள். அது எனக்கு மிகவும் பிடிக்கும். இருபது ஆண்டுகளுக்கு மேல் சென்னையில் கலாச்சாரம் தொடர்பான பயிற்சிகளை நடத்தி வருகிறோம்.

நடிப்பு, இசை, கலாச்சாரம் என சினிமா சம்பத்தப்பட்ட பல்வேறு துறைகளில் ஆர்வம் கொண்டவர்களுக்கு பயிற்சி அளித்து வருகிறோம். தமிழில் விஜய் சேதுபதி, விமல் போன்ற பல நடிகர்கள் எனது மாணவர்கள் என்று சொல்லிக்கொள்வதில் பெருமைப்படுகிறேன்” என்றார்.

மதுரை கலாச்சாரம் மிகவும் பிடித்துள்ளது. மதுரையில் இருந்து வந்த இளைய சமுதாயம் பல வெற்றி கண்டுள்ளது. வட்டார வழக்கு மற்றும் நடை உடை பாவனைகள் மதுரை முழுவதும் பரவிக்கிடக்கின்றன. இதை மிகவும் பெரிய வரமாக நினைக்கிறேன். எனக்கு தமிழ் சினிமாவில் நாகேஷை மிகவும் பிடிக்கும். அவரையே என் குருவாக நினைக்கிறேன். மேலும் எனக்கு கவுண்டமணியின் காமெடியும் பிடிக்கும்" என்றார்.

விழாவில் பேசிய இஸ்ரேல் துணைத்தூதர்,  தமிழ் சினிமாவை பார்த்து தமிழ்க் கற்று கொண்டுவருதாக கூறியது குறிப்பிடத்தக்கது.

- சே.சின்னத்துரை
படங்கள் ; ஈ.ஜெ.நந்தகுமார்

எடிட்டர் சாய்ஸ்

MUST READ