Vikatan.com

www.vikatan.com would like to send you push notifications.

Notifications can be turned off anytime from browser settings.

நாம் ஏன் வைரல் வதந்திகளைப் பரப்புகிறோம்?

சில தினங்களுக்கு முன் வாட்ஸ்-அப்பில் ஒரு செய்தி. 'பூமியை சக்தி வாய்ந்த விண்கல் தாக்க உள்ளதாகவும், அதன் அளவு கனடாவை விட சற்று பெரியது' என்றும் குறிப்பிடப்பட்டிருந்தது. சிலர் பதட்டத்துடன் தன்னிடம் இருந்த 10-15 குரூப்களுக்கு ஃபார்வர்டு தட்டினர். சற்று நேரத்தில் ஃபேஸ்புக் ஸ்டேட்டஸ்களாக வைரலாகியது. ஒரு கட்டத்தில் நாசாவே கூறியது என்றெல்லாம் கூறப்பட்டு செய்திகள் வரத்துவங்கின. கடைசியில் அதிலிருந்த விஷயம் நடக்கவே இல்லை. இதனை நண்பர் ஒருவரிடம் காட்டும்போது ஆறுமாதம் முன்பே இதே செய்தி, தேதி மற்றும் நாள் மாற்றப்பட்டு அவருக்கு வந்திருப்பதையும் காட்டினார். வைரல் வதந்திகள் இந்த ரகம்தான்!

இவற்றை வார் டயலிங் தொழில்நுட்பத்தோடு ஒப்பிடுகிறார்கள். அதாவது ஒரு செய்தி தொடர் செயலாக பன்மடங்கு பெருகி சில மணி நேரங்களில் அனைவரும் கூறும்போது, இது உண்மையாகத்தான் இருக்குமோ என்ற பயத்தை ஏற்படுத்தும் விஷயமாக மாறிவிடும். இப்படித்தான் இணைய வதந்திகள் பரவுகின்றன. சமீபத்தில் டெலினார் நிறுவனம் நடத்திய சர்வே ஒன்றில் இணையத்தில் பகிரப்படும் விஷயங்களில் 40 சதவிகிதம் வதந்திகள் என்றும், 34 சதவிகிதம் கேண்டி க்ரெஷ் போன்ற ஆன்லைன் விளையாட்டுகளுக்கான அழைப்பு என்றும், 30 சதவிகிதம் தேவையற்ற தகவல்கள் என்றும் தெரிவித்துள்ளது.

இந்த வதந்திகள் எந்த அளவுக்கு இந்தியர்களைப் பாதித்துள்ளது என்றால் இறக்காதவரை, இறந்துவிட்டார் என கூறும் அளவுக்கு வளர்ந்துள்ளது. சினிமா, அரசியல் பிரபலங்கள் வரை பலரை இறந்து விட்டனர் எனக்கூறி RIP பதிவுகளை பதியத்துவங்கி விடுகின்றனர். பின்பு உண்மை தெரிந்தது அதனை டெலிட் செய்து விடுகின்றனர்.  இன்னும் சிலர் சர்ச்சைகளிலும் சிக்கிக் கொள்கின்றனர். போட்டோஷாப் தொழில்நுட்பம் வதந்தியை பரப்புபவர்களின் கைதேர்ந்த ஆயுதம், நடிகர், நடிகைகளுடன் உருவங்களை மாற்றி புகைப்படம் மற்றும் வீடியோக்களை வெளியிடுவது வழக்கமாகி விட்டது. இது காட்டுத்தீ போல் பரவி அனுப்பியவருக்கே திரும்ப வரும் நேரத்தை பொறுத்து அதன் வைரல் தீர்மானிக்கப்படுகிறது.

இந்த வதந்திகளில் சில எக்ஸ்பயரி ஆனவை. யாரவது ஒருவருக்கு உண்மையிலேயே உதவி தேவைப்பட்டபோது ஒரு செய்தி உண்மையாக பரவி இருக்கலாம். அது பரவி பரவி 2 ஆண்டுகளுக்கு பிறகு ஒரு நபரை சென்றடைந்து, அதில் உள்ள நம்பருக்கு போன் செய்தால், அவருக்கே எந்த விஷயத்துக்காக உதவி கேட்டோம் என மறந்திருக்கிறது. இந்த அளவுக்கு இணைய வதந்திகள் வைரலாகி வருகின்றன. கேன்சர் நோய்க்கு உதவுங்கள் என்பது துவங்கி, திருப்பதி திருமலை கோவிலில் பூஜிக்கப்பட்ட தகடு வரை வதந்திகளுக்கு இந்தியாவில் பஞ்சமில்லை. சில வதந்திகளாக மட்டுமல்லாமல் மோசடிகளாகவும், தாக்குதல் சம்பவங்களாகவும் மாறியுள்ளது.


ஏன் வதந்தியை பரப்புகிறார்கள்!

எதேச்சையாக பகிரும் சில விஷயங்களை மற்றவர்களும் நம்பிக்கையின் பேரில் பகிர, அது வைரலாகி வைரஸாகிவிடுகிறது. வலுக்கட்டாயமாக திணிக்கப்படும் வதந்திகள் யாரோ ஒருவரின் தவறான பதிவால் வதந்தியாகி விடுகிறது.
 
சமூக வலைதலங்களில் அப்டேட்டாக இருக்கவேண்டும் என்ற கட்டாயத்தில் தவறான செய்தியாக இருந்தாலும், அதை நான்தான் முதலில் உலகத்துக்குச் சொன்னேன் என்ற பெருமை தேடுகிறோம் நாம். இதை உளவியல் ரீதியாகப் பார்த்தால், இன்று லைக்ஸ் வாங்க ஒரு விஷயமும் இல்லை என்றால், தாங்களே வதந்தியை கிளப்பிவிடுவதாக ஆய்வுகள் கூறுகின்றன.

வதந்தி பரப்புபவர்கள் ஸ்டைல்லயே இதற்கு தீர்வு சொல்லணும்னா இந்த இணைய வதந்திகளுக்கெல்லாம் 2030 வருஷத்துக்கு முன்னாடியே திருவள்ளுவர் பதில் சொல்லி இருக்காரு. அதைப் பின்பற்றினாலே போதும்!

எப்பொருள் யார்யார்வாய்க் கேட்பினும் அப்பொருள்
மெய்ப்பொருள் காண்ப தறிவு.


ச.ஸ்ரீராம்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ