Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இந்த 20 வயசுப் பொண்ணுகிட்ட இருக்கிற 'தில்' உங்ககிட்ட இருக்கா?

இந்தியாவிலேயே வண்டி ஓட்டக் கூடிய மிகவும் உயரமான, கஷ்டமான சாலை - இமயமலையில் இருக்கும் கார்துங் லா (கடல் மட்டத்திலிருந்து 18,380 அடி உயரம்); இந்தியாவிலேயே மிகவும் சின்ன ஸ்கூட்டர் - ஸ்கூட்டி ஜெஸ்ட் (110 சிசி)- இவை இரண்டையும் சம்பந்தப்படுத்தி இருக்கிறார், இந்தியாவின் ஒல்லி கில்லி பொண்ணு அன்னம் ஹஷீம்.


இந்தியாவின் ‘ஒண்ணே ஒண்ணு; கண்ணே கண்ணு’ பைக் ஸ்டன்ட் பெண், 20 வயது அன்னம் ஹஷீம். ‘பைக் ஓட்டணும்னு ஆசை; ஆனா, இந்த ஆம்பளைங்க பார்க்கிற கேலிப் பார்வை ரொம்பக் கஷ்டமா இருக்குங்க’ என்று கண்ட கண்ட காம்ப்ளக்ஸ்களில் கன்னம் சுருக்கும் பெண்கள், அன்னம் ஹஷீமின் அப்பாச்சி பைக் ஸ்டன்ட்களைப் பார்த்தால்,  பைக் ஆக்ஸிலரேட்டரைத் தேடித் தேடி முறுக்க ஆரம்பித்து விடுவார்கள்.

இப்போ விஷயம் அதுவல்ல! கான்பூரைச் சேர்ந்த அன்னம் ஹஷீம் - ஸ்கூட்டி ஜெஸ்ட் ஸ்கூட்டரில், இமயமலையின் கார்துங் லா சாலையில் தனி ஒருத்தியாகப் பனிப் பயணம் செய்து, தனது நியூ இயரைக் கொண்டாடியிருக்கிறார். எப்படி வந்தது அன்னத்துக்கு இந்த ஐடியா?

‘‘இந்தியாவில் பல மாநிலங்கள்ல ஸ்டன்ட் பண்ணியிருக்கேன். ரொம்ப நாளா பைக் ரைடு பண்ணணும்னு ஆசை. பைக்கில் இமயமலைப் பயணம் நிறைய பேரு அச்சீவ் பண்ணிட்டாங்க! ஆனா, இதுவரை ஸ்கூட்டரில் யாருமே அப்படிப் பண்ணியதில்லை. அதான் கிளம்பிட்டேன்!’’ என்று சொல்லும் அன்னம் ஹஷீமுக்கு, டிவிஎஸ் கம்பெனியில் இருந்தே இந்தப் பயணத்துக்காக ஒரு ஜெஸ்ட் ஸ்கூட்டரைப் பரிசளித்திருக்கிறார்கள்.


‘பல்ஸர் வெச்சிருக்கேன்; கொடைக்கானல் ஹில்ஸ் ஏறுமா’ என்பதெல்லாம் இந்தியாவின் பல பைக் ரைடர்களின் சந்தேகமாக இருக்கிறது. ‘பல்ஸர் என்ன... ஸ்கூட்டியிலேயே இமயமலைகூடப் போகலாம்’ என்று நிரூபித்திருக்கிறார் அன்னம். ஆட்டு மந்தை டிராஃபிக்கில் மாட்டியது, ஆளரவமற்ற இருட்டில் ரைடிங் செய்தது, ஆக்ஸிஜன் பற்றாக்குறையால் மூச்சுத் திணறியது, மைனஸ் டிகிரி குளிரில் விறைத்தது, ராணுவத்தினரிடம் சிக்கி விழி பிதுங்கியது என்று எக்கச்சக்க 'த்ரில்' அனுபவங்களை தனது நான்கு நாள் பயணத்தில் கொண்டு வந்திருக்கிறார் அன்னம் ஹஷீம்.

‘‘பொதுவாக மலை ஏற்றங்களில் வாகனங்களின் இன்ஜின் திறன் (சிசி) குறைய ஆரம்பிக்கும். ஏற்கெனவே குறைவான பவர் கொண்டது ஸ்கூட்டி ஜெஸ்ட். ஆனால் ஆச்சரியம்... பனிப் பாதைகளில் அதன் வேரியோமேட்டிக் டிரான்ஸ்மிஷன் ரொம்பவும் திணறவில்லை. புது ஸ்கூட்டர் என்பதால், பஞ்சர் பிரச்னை, ஸ்டார்ட்டிங் டிரபுள் என்று எந்த மெக்கானிக்கல் பிரச்னைகளையும் கொடுக்கவில்லை ஜெஸ்ட். நான் சந்தித்த பிரச்னைகளில் ரொம்பவும் பயந்து போனது ராணுவத்தினிரடம் சிக்கியதுதான்.

ஒன்வே போன்ற சாலையில் சென்ற ட்ரக்குகளை முந்திச் செல்ல முயன்றபோது, திடீரென துப்பாக்கிக் குண்டுச் சத்தம்... என்ன என்று விசாரித்தால், அது இந்திய ராணுவத்தினரின் ட்ரக்குகள். துப்பாக்கி முனையில்,  அவர்களிடம் நான் வந்த உண்மையைச் சொன்னபிறகு, எனக்கு வாழ்த்துச் சொல்லி அனுப்பினார்கள்.

ஒரு நாள் பயணத்துக்கே நமக்கு நாக்கு வெலவெலக்கிறது. ஆனால் ராணுவத்தினர் நமக்காகச் செய்யும் தியாகங்கள்... ஹேட்ஸ் ஆஃப் இந்தியன் மிலிட்டரி!’’ என்று உடல் சிலிர்க்கிறார் அன்னம் ஹஷீம்.

ஹேட்ஸ் ஆஃப் அன்னம் ஹஷீம்!


- தமிழ்

 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close