Vikatan.com

www.vikatan.com would like to send you push notifications.

Notifications can be turned off anytime from browser settings.

அலுவலகத்தில் அதிக நேரம் பணிபுரிபவரா நீங்கள்? உங்களுக்கு இருப்பது இந்த பிரச்னையாக இருக்கலாம்!

ரு நபர் அதிக நேரம் ஷாப்பிங் செய்தால் அவரை ''ஷாப்போஹாலிக்'' என்கின்றனர். அதேபோல் ஒருவர் அதிக நேரத்தை பணி செய்யும் இடத்தில் செலவழித்தால் அவர்களை ''வொர்க்கஹாலிக்'' என்று கூறுகின்றனர். இப்படிப்பட்டவர்களின் செயல்பாடுகள் எப்படி இருக்கும்? இவர்கள் ஏன் இப்படி இருக்கிறார்கள்? இவர்களுக்கு உள்ள பிரச்னைகள் குறித்து பார்ப்போம்...

 


யார் 'வொர்க்கஹாலிக்'?
 
அதிக நேரம் பணிபுரிபவர் என்ற அடிப்படையில் இவர்களை கருதும்போது, தன் வேலையை முடிக்க இயலாமல், அதிக நேரம் வேலைபார்ப்பவர்களை வொர்க்கஹாலிக் என்று கூற முடியாது. வேலை முடிந்த பிறகும், அதிக நேரம் வேறு வேலைகளையோ அல்லது மற்றவர் வேலைகளையோ தானாக முன்வந்து வாங்கி செய்பவர்கள்தான் வொர்க்கஹாலிக் மனிதர்கள்.
 
வொர்க்கஹாலிக் நபரை அடையாளம் காண உதவும் 10 பண்புகள்:
 
1. காலையில் முதல் ஆளாக வேலைக்கு வந்துவிட்டு கடைசி ஆளாக வேலையை விட்டு செல்லும் பழக்கம்கொண்டவர்களாக இருப்பார்கள். எந்த நேரத்திலும் அலுவலகத்தில் இவர்களை பார்க்க முடியும்.
 
2. இவர்கள்  வேலை இல்லாத நாட்களில் மன அழுத்தத்துடன் காணப்படுவார்கள். வேலையின் காரணமாக ஏற்பட்ட அழுத்தம் அவர்களிடம் தொடர்ந்து காணப்படும்.
 
3. விடுமுறை நாட்களில் அலுவலகத்துக்கு வந்து பணிகளை முடிப்பதிலோ அல்லது அவசரமாக முடிக்க வேண்டிய அலுவலக பணிகளிலோ இவர்களை பார்க்க முடியும்.

 


 4. இவர்களை குறுகிய இலக்குகளை அடைய செய்து திருப்தி படுத்த முடியாது. எப்போதும் இலக்குகளை மட்டுமே யோசிப்பவராக இருப்பார். இது சில சமயங்களில் சொதப்பலாகவும் முடியும், நான்கு வேலைகளை ஒரே நேரத்தில் எடுத்து, அதனை முழுமையாக முடிக்க முடியாமல் திணறுவார்.
 
5. பர்சனல் வேலைகளுக்கு நேரம் ஒதுக்க முடியாமல் தவிக்கும் இவர்களில் பெரும்பாலானோர் குடும்ப நிகழ்ச்சிகளை பெரிதும் மிஸ் செய்பவர்களாகவே  காணப்படுவார்கள்.
 
6. முடியாது என்ற பதிலை இவர்களிடம் எதிர்பார்ப்பது முடியாத காரியம். இதனால் சில முடியாத விஷயங்களை செய்ய இவர்கள் பரிந்துரைக்கப்படுவது வழக்கம்.


7.உடல்நலக்குறைவாக இருந்தாலும் வேலைக்கு வருவதில் இருந்து தவறமாட்டார்கள். இவர்களிடமிருந்து வாங்க கூடிய வேலைகள் என்பது சராசரி விகிதத்தை விட அதிகமாக இருக்கும்.
 
8. குறுகிய காலத்தில் முடிக்கப்பட வேண்டிய வேலைகள் இவர்கள் பெயரில் இடம்பெறுவது வழக்கமான விஷயமாக இருக்கும்.
 
9. இவர்கள் எளிமையாக பழகக் கூடியவர்களாக இருப்பார்கள். ஆனால் உங்களிடமிருந்து ஏதாவது ஒரு விஷயத்தை கற்றுக் கொள்ளும் நபராக இருப்பதுதான் அந்த தன்மைக்கு காரணம்.

10. இவர்கள் இன்ஸோம்னியா போன்ற பிரச்னைகளை சந்திப்பவராக காணப்படுவர்.
 
ஏன் இப்படி செய்கிறார்கள்?

இவர்கள் பார்க்கும் வேலையை இவர்கள் வேலையாக பார்க்காததே முதல் காரணம். இவர்களை பொறுத்த வரையில் வேலை என்பது இவர்களுக்கு விரும்பி செய்யும் பழக்கவழக்கமாக இருப்பதுதான் காரணம். பிடித்த துறையில் வேலை கிடைத்திருப்பவர்கள் மட்டுமே வொர்க்கஹாலிக்காக இருக்க முடியும். அப்படி வேலை கிடைத்தால் வொர்க்கஹாலிக் நபர்களின் வேலை சராசரியை காட்டிலும் அதிகமாக இருக்கும்.

 


ஸ்டார்ட்-அப் கலாச்சாரத்துக்கு உதவும் வொர்க்கஹாலிக் முறை:


ஸ்டார்ட் - அப் கலாச்சாரம் வளர்ந்து வரும் வேளையில், இந்த கலாச்சாரத்தில் சிறப்பாக செயல்பட முடியும் என ஆய்வுகள் தெரிவிக்கின்றன. ஆனால் குடும்ப சூழலில் உள்ளவர்களுக்கு இது சரியானதாக இருக்காது. ஸ்டார்ட்-அப், யூத்களுக்கு  பொருத்தமானது என்ற தகவலையும் ஆய்வு அளிக்கிறது.

இது சரியா?
 
சில சமயங்களில் ஒரு மனிதனின் சுய முன்னேற்றத்திற்கு வொர்க்கஹாலிக் தேவையான விஷயமாக இருக்கிறது. ஒருவர் தன் தகுதிகளை வளர்த்துக் கொள்ளவும், போட்டி உலகில் தன்னை போட்டிகளில் இருந்து விலக்கி தனி இடத்தை அமைத்துக் கொள்ளவும் உதவும் விதமாக இருக்கும். அதேசமயம் இது அதிகமாகும் போது குடும்ப சூழலில் சிக்கல் வர வாய்ப்புள்ளது. திருமணமாகாத இளைஞர்கள் வொர்க்கஹாலிக் பழக்கத்தை மேற்கொண்டால்,  அவர்களது அனாவசிய நேரங்களை வீணடிக்காமல் இருக்க பயன்படும் கருவியாக இது இருக்கும். அதேசமயம் குடும்ப சூழலில் இருப்பவர்கள் இதனை ஓரளவுக்கு பேலன்ஸ்டாக கவனித்து வந்தால் நல்லது.

 
இப்போது ஒரு ஸ்மால் டெஸ்ட்:  உங்கள் அலுவலகத்தில் நீங்கள் எத்தனை மணி நேரம் பணி புரிகிறீர்கள் என்று பாருங்கள். 6 நாட்களை கொண்ட வாரத்தில் 60 மணி நேரத்துக்கு மேல் அலுவலகத்தில் நீங்கள் செலவழித்தால் கட்டாயம் நீங்களும் வொர்க்கஹாலிக் நபரே!
 
-ச.ஸ்ரீராம்

எடிட்டர் சாய்ஸ்

MUST READ