Vikatan.com

www.vikatan.com would like to send you push notifications.

Notifications can be turned off anytime from browser settings.

பாசக்கிளிகள் பறந்துவரும்...இலவச சத்தம் இருதயம் வரை இடிக்கும்! ( கவிதை)

னிதேர்தல் காலம்
பாசக்கிளிகள்
பறந்துவரும்
அன்புச்சகோதரியும்
அருமை சகோதரனும்
தாயையும் தகப்பனையும்
பரஸ்பரம்
அறிமுகம் செய்து
சிலாகிப்பர்

றந்த பால் மடிபுகும்
காகிதப்பூ மணம்வீசும்
குவாட்டர் தீர்த்தமாகும்

கோழிகள்
பிரியாணியாகும்
துரோகி தோழனாவான்
தோழன் துரோகியாவன்
தோள்கள் மட்டும் நிரந்தரமாக
துண்டுகள் நிறம் மாறும்

தொண்டன் குண்டனாவான்
குண்டன் தொண்டனாவான்
இலவச சத்தம்
இருதயம் வரை இடிக்கும்
கையில் காகிதம்
கரன்சியாகும்
கடந்த கால செய்வினை
எதிர்கால செய்யப்போகும்
வினைபொருத்து
ஆரம்ப நிலை கட்சிகளின்
அக(த்திற்கு)நானூறு பார்முலா
ஆளும்கட்சியால்
ஆளுக்கு நானூறாகி
அரசியல்இலக்கியமாய்
இலக்கணமாய்
இடையூறு செய்யும்
இரட்டினக்கால் தோரணையில்
மக்களும்
சிலநாள் சுகம் அனுபவிப்பர்

ருநாள்
மயான அமைதிக்குப்பின்
காலை எழுந்து
கடன்கழித்து
நெய்பூசி நேர் வகிடு எடுத்து
கிழவி தேடி
கொத்தாய் அள்ளி
சஞ்சிகைக்கு முகம் காட்டி
சாவடி சென்று
பின் மை காயுமுன்
பாதியில் கிழவி உதிர்த்து
பாசத்தொண்டன்
தன் இருமுடிகளைவான்

வாக்குப்பெட்டியில்
வேட்பாளர் அடைத்து
வாசலில் காவலர்
துப்பாக்கி தொட்டு
முத்திரை சிதையாமல்
சிலநாள்
நித்திரை தொலைப்பர்

முடிவான நாளில்
மூடித்திறக்கும் பெட்டி
முகம்காட்டும்
புலிஎலியாகும்
எலி புலியாகும்
வானொலி தொல்லைக்காட்சியின்
வாய் கிழியும்
முன்னாள் இன்னாள் ஆவர்
இன்னாள் முன்னாள் ஆவர்
மன்ற உறுப்பினர்
மாண்புமிகு ஆவர்
தன் முதலீட்டிற்கு
முன்னுரை எழுதுவர்
நாளிதழ்கள் வழியும்
நாட்காட்டி கிழியும்

லவு காத்த கிளியென
வாக்காளன்
இடைத்தேர்தலுக்கும்
ஆண்டு ஐந்து மாண்டு
இன்னுமொரு
கவிதை எழுத
நானும்
காத்திருப்போம் !!!

- பூங்குன்றன் (துபாய்)

எடிட்டர் சாய்ஸ்

MUST READ