Vikatan.com

www.vikatan.com would like to send you push notifications.

Notifications can be turned off anytime from browser settings.

காதலர் தினம் கொண்டாட கடன்... விண்ணப்பித்த வங்கி அதிகாரி!

லகம் முழுவதும் காதலர் தினம், வரும் பிப்.14-ம் தேதி ஞாயிற்றுக்கிழமையன்று கொண்டாடப்பட உள்ளது. இந்த நிலையில் காதலர் தினம்  குறித்த பல்வேறு சுவையான தகவல்களும், செய்திகளும் வந்த வண்ணம் உள்ளது. அதில் குஜராஜ் மாநிலத்தில் உள்ள ஸ்டேட் வங்கி கிளை ஒன்றில், அதிகாரி ஒருவர்,  காதலர் தினம் கொண்டாட முன் கடன்தொகை வழங்க கோரி விண்ணப்பித்திருந்தது பரபரப்பை ஏற்படுத்தியுள்ளது.

குஜராத் மாநிலம் ஜுனாகத் மாவட்டத்தில் உள்ள ஸ்டேட் வங்கியின் சுடா கிளையில்,  திக்விஜய் சிங் என்பவர் புரபசனரி அதிகாரியாக பணிபுரிந்து வருகிறார். வங்கியில் பணிபுரியும் ஊழியர்கள்,  பண்டிகைக் காலங்களில் ஒரு மாத ஊதியத்தை கடனாக பெற சலுகைகள் உள்ளது. அந்த கடன் தொகையை 10 தவணையாக ஊழியர்கள் செலுத்தலாம்.


25 வயதுடைய திக்விஜய் சிங்,  காதலர் தினத்திற்காக ரூ.42,970 கடன் கேட்டு வங்கியில் விண்ணப்பித்து இருந்தார். இந்த விண்ணப்பத்தைக் கண்ட வங்கி நிர்வாகம் அதிர்ச்சியடைந்து, அந்த அதிகாரியின் விண்ணப்பத்தை  நிர்வாகம் நிராகித்துள்ளது. முன் கடன் தொகை கொடுக்கும் பண்டிகை பட்டியலில் காதலர் தினம், அன்னையர் தினம் இல்லை என்று வங்கி நிர்வாகம் தெரிவித்துள்ளது.

காதலர் தினம் கொண்டாடும் காதலர்களுக்கு செலவு ஏற்படுவது சகஜம்தான்.  அதற்காக வங்கியில் கடன் வாங்குவது எல்லாம் கொஞ்சம் ஓவர்தான் பாஸ்..!

-சோ.கார்த்திகேயன்

எடிட்டர் சாய்ஸ்

ஜெயலலிதா வாழ்வின் சில ‘கடைசி’கள்!

MUST READ