Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இங்கிலாந்தின் 16 மாத குழந்தை எத்தனை நாடுகளை சுற்றியுள்ளது தெரியுமா?

ஞானப் பழத்தைப் பெற முருகன் உலகத்தைச் சுற்றினார்.பிள்ளையாரோ அவரோட அம்மா அப்பாவைச் சுற்றினார்.ஆனால் எஸ்மி என்கிற இந்தக் குட்டிப் பெண் அவள் அப்பா அம்மாவோடு பதினாறு மாதங்களில் பன்னிரண்டு நாடுகள் சுற்றிவிட்டாள்!

 

எஸ்மியின் அம்மா கேரென் எட்வர்ட்ஸ் இங்கிலாந்தைச் சேர்ந்தவர், அப்பா  ஷான் பெயின்ஸ் நியுசிலாந்தைச் சேர்ந்தவர் .இந்தத் தம்பதி  நவம்பர் 2014 முதல்  பேக்பாக்குடன் சேர்த்துத் தங்கள் 3 மாதக் குழந்தை எஸ்மியையும் தோளில் தூக்கிக் கொண்டு உலகம் சுற்றக் கிளம்பிவிட்டார்கள். நர்சாகப் பணிபுரியும் கேரெனின் மகப்பேறு விடுப்பையும் அப்போது கிடைத்த சலுகை ஊதியத்தையும் கொண்டு  இதுவரை ஆஸ்திரேலியா  முதல் தெற்காசியா வரை பன்னிரண்டு நாடுகளுக்கு இவர்கள் பயணம் செய்துள்ளனர்.நாம் 'கே'  ஃபார் 'கங்காரு' என்று கூடப் படித்திராத வயதில் எஸ்மி கங்காருவுடன் கைகுலுக்கிக் கொண்டிருக்கிறாள்! நீச்சல் குளத்தில் அண்டர்வாட்டர் செல்ஃபிக்கு போஸ் கொடுக்கிறாள்!

 

 

A photo posted by Travel Mad Mum (@travelmadmum) on

படகு சவாரி, பீச் , புத்தக் கோயில்கள் என எஸ்மியுடன் செல்ஃபி எடுத்துத் தள்ளி தனது இன்ஸ்டாக்ராம் பக்கத்தை நிறைத்துள்ளார் கேரென்.TRAVEL MAD MUM என்ற வலைதளத்தில் குழந்தையுடன் சுற்றுலா செல்ல விரும்பும் இளம் பெற்றோருக்கு அட்வைஸ்களும்  அள்ளி வீசுகிறார்.

 

A photo posted by Travel Mad Mum (@travelmadmum) on

பல்வேறு நாடுகளுக்கும் செல்வதால் எஸ்மிக்கு  நோய்த் தொற்றுத்தடுப்பூசிகள் வழங்கப் பட்டிருக்கின்றன.ஆனாலும் இவ்வளவு ஊர் சுற்றுவது குழந்தையின் ஆரோக்கியத்திற்குப் பாதிப்பா  என்பது சற்று யோசிக்க வேண்டிய விஷயம்தான்.பல விதமான இடங்களையும் பல விதமான மனிதர்களையும் சந்தித்துப் பழகிவிட்ட எஸ்மிக்கு  வீட்டுக்குத் திரும்பியவுடன் போராடிக்க ஆரம்பித்து விட்டதாம்.எனவே மறுபடியும் நியுசிலாந்து சென்று அங்கிருந்து , கம்போடியா, தாய்லாந்து என்று இரண்டாவது இன்னிங்ஸ் தொடங்க இருக்கிறார்கள்.எஸ்மி..,இந்தியாவிற்கும் ஒரு விசிட் அடிங்க !

யாழினி அன்புமணி
மாணவப் பத்திரிகையாளர்

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close