Vikatan.com

www.vikatan.com would like to send you push notifications.

Notifications can be turned off anytime from browser settings.

ஃபோட்டோ ஷாப் மூலமாக கனவை நிஜமாக்கிய கென்ய பெண்!

னவு காணுங்கள், அப்போதுதான் கனவினை வாழ்ந்திட முடியும் என்பதற்கு எடுத்துக்காட்டாக கென்யாவை சேர்ந்த சீவ்லின் கேட்ஸ் எனும் பெண் தனது கனவை வாழ்ந்திட வித்தியாசமக யோசித்ததால் அவரது கனவு நிஜமாகிவிட்டது.

ஆம், கென்யாவின் நைரோபியில் வாழ்ந்து வரும் விவசாயின் மகளான சீவ்லினுக்கு ஒரு கனவு இருந்தது அது, சீனாவுக்கு சுற்றுலா செல்ல வேண்டும் என்பதுதான். பொருளாதாரம் காரணமாக தனது இந்தக் கனவை நிறைவேற்ற முடியாத சீவ்லின், அவரது நண்பரின் உதவியோடு தனது படத்தை, சீனாவில் இருப்பதுபோல ஃபோடோ ஷாப் செய்து அவற்றை தனது ஃபேஸ்புக் பக்கத்தில் வெளியிட்டார்.

"நான் சீனாவுக்கு கிளம்பிவிட்டேன்" என்று, கென்ய விமானம் முன் நின்றபடி ஃபோட்டோ ஷாப் செய்த படத்தை ஃபேஸ்புக்கில் முதலில் வெளியிட்டார். தொடர்ந்து சீன பெருஞ்சுவரில் இருப்பது போன்ற படத்தையும், மவுன்ட் ஹுஷான் மலை மீது வெரும் காலில் நிற்கும் படத்தையும் வெளியிட்டார். இறுதியாக "தி லாஸ்ட் டே ஆஃப் விசிட், பை சீனா" என்று கூறி, சீனக் கோவிலின் முன் சுற்றுலா பயனிகளோடு இருப்பது போன்ற படத்தை வெளியிட்டு தனது விஷுவல் கனவை நிறைவேற்றினார் சீவ்லின்.

இந்த ஃபோட்டோ ஷாப் சுற்றுலாவை ஃபேஸ்புக்கில் கண்ட சீவ்லின்னின் நன்பர்கள் "உனது கனவு நனவாகட்டும்" என்று வாழ்த்தியவர்கள் ஒரு பக்கம் இருக்க, மண்ணிப்பது மனித இயல்பு என்பதை கடந்து கலாய்பது மனித இயல்பு என்றாகிவிட்ட காலம் என்பதால், சீவ்லினின் ஃபோட்டோ ஷாப் படங்களை கலாய்த்து அவரது புகைபடங்களை கொண்டு பல கலாய் புகைபடங்களை ஃபோட்டோ ஷாப் செய்து வெளியிட்டு வருகின்றனர் பல கலியுக கலாய் மனிதர்கள்.

ஆனால், சீவ்லினின் கனவை நிஜமாக்க நினைத்தார் ஒருவர். சாம் கிசுரு என்னும் கென்ய தொழில் அதிபரான இவர், தனது நண்பர்களின் உதவியோடு சீவ்லின் கேட்ஸ் சீனா சென்று வருவதற்கான விமான டிக்கெட், சீனாவில் தங்குவதற்கு 4 ஸ்டார் ஹோட்டல் என எல்லா செலவுகளையும் ஏற்றுள்ளார். அது மட்டுமின்றி கை செலவிற்கும் பணத்தையும் அளித்து சீவ்லினின் கனவை நனவாக்கி உள்ளார்.

நான்கு புகைப்படங்களை ஃபோட்டோ ஷாப் செய்து உலக பேமஸ் அடைந்த சீவ்லின், இன்று செம ஹாப்பி. காரணம், அவர் கனவு கண்டார், கனவு கண்டதோடு மட்டுமில்லாமல் அக்கனவினை துரத்தினார். கனவுகளை என்று நாம் துரத்த தொடங்குகிறோமோ அன்று வெற்றி நிச்சயம் என்பதை உலகிற்கு உணர்த்தியுள்ளார் சீவ்லின் கேட்ஸ். கூடிய விரைவில் சீவ்லின் தனது ஒரிஜினல் சீன சுற்றுலா புகைப்படங்களை வெளியிடுவார் என நம்புவோம்!

சு.ஷரண் சந்தர்
(மாணவ பத்திரிக்கையாளர்)

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ