Vikatan.com

www.vikatan.com would like to send you push notifications.

Notifications can be turned off anytime from browser settings.

ஹனிமூன் செல்பவர்கள் கவனத்தில் கொள்ளவேண்டிய 10 டிப்ஸ்கள் இதோ...!

னிமூன் என்பது வாழக்கையில் காலம் கடந்தும் நினைவில் நிற்கும் அனுபவம். எனவே உங்கள் ஹனிமூன் பயணத்தை மிகுந்த கவனத்துடன் திட்டமிடுங்கள்.

1. ஹனிமூனுக்கு,  நீங்கள் திட்டமிடும் காலத்திற்கு தக்கபடியான  இடத்தை முடிவுசெய்யுங்கள். சம்பந்தப்பட்ட ஊருக்கு செல்வதற்கான பேருந்து, ரயில், விமான வசதிகள் பற்றியும் முன்கூட்டியே தெரிந்து வைத்திருங்கள்.

2. செல்லும் இடத்துக்கு முன்கூட்டியே (திரும்புவது உள்ளிட்ட) டிக்கெட் பதிவு செய்யுங்கள். பயணம் செல்ல வேண்டிய தினத்தில் சீக்கிரமே சென்று, உங்களது இருக்கைகளை உறுதி செய்து கொள்ள வேண்டியதும் அவசியம்.

3. நீங்கள் செல்லவிருக்கும் இடத்தைப் பற்றிய புத்தகங்களை படியுங்கள். அந்த இடம் குறித்து இணைய தளத்தில் உள்ள விவரக் குறிப்புகளையும் படித்து தெரிந்து வைத்திருங்கள். தங்குமிடம், எங்கு உணவு நன்றாக இருக்கும், எங்கிருந்து பேருந்துகள் கிடைக்கும் என்பதை அறிந்து கொண்டால் அலைச்சலை தவிர்க்கலாம்.

4. நீங்கள் செல்லும் இடத்தின் அருகில் பார்க்க வேண்டிய இடங்களை தெரிந்து கொள்ளுங்கள். அதில், அருகில் உள்ளதையும் தொலைவில் இருக்கும் இடத்தையும் பட்டியலிட்டு அருகில் இருக்கும் முக்கியமான தலங்களை முதலில் சென்று பாருங்கள்.

5. சுற்றுலா செல்லும் பகுதியில் தங்கும் இடங்களை மிக நிதானமாக தேர்வு செய்யுங்கள். முடிந்தால் அங்கு உங்களுக்கு அறிமுகமானவர்கள் யாரேனும் இருந்தால் அவர்களிடம் தங்குமிடம் பற்றி கலந்தாலோசித்து முடிவெடுங்கள். அதில் அவசரப்பட்டு பின்னர் அவதிப்பட வேண்டாம்.

6. விடுதி அல்லது ஹோட்டல்களில் தங்கும்போது உங்களின் விலை உயர்ந்த பொருட்களையோ அல்லது ரொக்கப் பணத்தையோ அறையில் வைத்து விட்டுச் செல்ல வேண்டாம். படுக்கை அறை மற்றும் குளியறையில் சந்தேகப்படும்படியான எலக்ட்ரானிக் பொருட்கள் மினி கேமரா அல்லது தேவையற்ற இணைப்புகள் மறைத்துவைக்கப்ட்டிருக்கிறதா என ஆரம்பத்திலேயே உறுதிசெய்யவும்.

குறிப்பாக முகம் பார்க்கும் ஆளுயுர கண்ணாடி பாதரசத்திலானதா அல்லது வேறு சிறப்பு முறையில் இருக்கிறதா என பார்க்கவும். அறையில் உறுத்தும் எந்த விஷயத்தை பற்றியும் உடனடியாக விடுதி நிர்வாகியிடம் கேட்டு தெரிந்துகொள்ளவும்.
 
7. வெளியிடங்களுக்கு சுற்றுலா செல்லும்போது, தங்கும் இடத்தில் பணியாற்றும் அறிமுகம் இல்லாத நபர்களிடம் உங்களைப் பற்றிய விவரங்களை எதையும் தெரிவிக்க வேண்டிய அவசியம் இல்லை என்பதை மனதில் கொள்ளுங்கள்.

8. வெளியூர்களுக்கு சென்ற இடத்தில், சுற்றிப் பார்க்க வேண்டிய இடங்களுக்கு காலையிலேயே சீக்கிரமாக கிளம்புமாறு திட்டமிடுங்கள். அதனால் இரவில் சீக்கிரமே அறைக்கு திரும்ப முடியும்.

9. நீங்கள் செல்லும் இடத்துக்கென சில தனிச்சிறப்புகள் இருப்பதை தெரிந்து கொண்டு அதற்கு ஏற்ற வகையில் செயல்படுங்கள். தனிச்சிறப்பு மிகுந்த பொருட்களை வாங்கினால் அதன் தரத்தை உறுதிப்படுத்திக் கொள்ள தவறாதீர்கள்.

10. எளிதில் உலரக்கூடிய ஆடைகளை கொண்டு செல்லுங்கள். அளவுக்கு அதிகமாக துணிகளை தூக்கிச் சென்று லக்கேஜ் அதிகரிப்பதை தவிர்க்கப் பாருங்கள்.

- ஆண்டனிராஜ்
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ