Vikatan.com

www.vikatan.com would like to send you push notifications.

Notifications can be turned off anytime from browser settings.

கடவுளுடன் உரையாடியிருந்தால் தக்காளி விலை தடுமாற வைத்திருக்காது!

நீங்கள் என்றாவது கடவுளிடம் உரையாடி இருக்கிறீர்களா...? ஆலயங்களில் நாம் கடவுளிடம், நமது வேண்டுகோள்களை முன் வைத்து நாம் முணுமுணுப்பதை சொல்லவில்லை. அது உரையாடல்கள் ஆகாது. உரையாடல் என்றால் நம் எதிர் தரப்பும் பேச வேண்டும். இப்போது சொல்லுங்கள், நீங்கள் என்றாவது கடவுளிடம் உரையாடி இருக்கிறீர்களா...? இல்லைதானே... ஆனால், உலகிலேயே மிகவும் சுலபமான காரியம், கடவுளிடம் உரையாடுவதுதான். கடவுளிடம் நாம் உண்மையாக உரையாடி இருந்தால், நம் உணவு தட்டில் எப்போதும் தக்காளி இருந்திருக்கும். ஆம் கடவுளுக்கும் தக்காளிக்கும் நெருங்கிய தொடர்பு இருக்கிறது.

கடவுளுடனான உரையாடல்:

நான் வார்த்தை வர்ணனைகளுக்காக சொல்லவில்லை. உண்மையில் தக்காளி விலையேற்றத்திற்கும் கடவுளிடம் உரையாடுவதற்கும் நெருங்கிய தொடர்பு இருக்கிறது. தயவு செய்து நீங்கள் இதை 'வறட்சி, புயலை கடவுள் உண்டாக்குகிறார் . அதனால், தக்காளி உள்ளிட்ட காய்கறிகள் விலை உயர்கிறது' என்ற அர்த்தத்தில் புரிந்து கொள்ளாதீர்கள். அதற்கெல்லாம் நிச்சயம் கடவுள் காரணமில்லை. அது அனைத்தும் மனிதனின் பிழைகள்; பேராசையின் விளைவுகள். நான் சொல்வது கடவுளுடன், நேரடியான தனி மனித உரையாடல். அது நிகழ்ந்திருந்தால் நிச்சயம் தக்காளி விலை ஏறி இருக்காது. சரி குழப்பாமல், நேரடியாக விஷயத்திற்கு வருகிறேன்.

கடவுளிடன் உரையாடுவதென்பது ஆலயங்களில் பல ஆண்டு காலம் தவம் இருப்பது அல்ல. அதனால் ஒருபோதும், உரையாடல் நிகழாது. ஆனால், நாம் ‘நான்’, ‘என்னால்’ என்ற அகந்தையை இழக்கும்போது சுலபமாக கடவுளிடம் உரையாட முடியும். அந்த அகந்தையை, வியர்வையைத் தவிர எந்த அமிலத்தாலும் கரைக்கமுடியாது. ஆம் வியர்வையையும் கடவுளை மகிழ்விக்கும் செயலுக்காக சிந்துவோமானால், நிச்சயம் கடவுள் நம்முடன் உரையாடுவார்.

கடவுளும், தக்காளியும்:

சரி, கடவுள் எப்போது மகிழ்வார்...? கடவுளின் சுயநலமற்ற படைப்புகளிடம் நாம் அளவு கடந்த நேசம், காதல் கொள்ளும் போது, அந்த படைப்புகளை நாம் மகிழ்விக்கும்போது கடவுள் பெரு மகிழ்ச்சிக் கொள்வார். அந்த படைப்பின் ஊடாகவே நம்முடன் பேசுவார். சரி சுயநலமற்ற கடவுளின் படைப்பு என்ன...? நிச்சயம் இயற்கைதான். மரம், செடி, கொடி இவை அனைத்தும் கடவுளின் தன்னலமற்ற படைப்புகள். நாம் கோடாரிகள் கொண்டு வெட்டினாலும், அந்த படைப்புகள் நமக்கு நன்மையை மட்டுமே தருமே அன்றி, நிச்சயம் கெடுதல் செய்யாது. அந்த படைப்புகளை நாம் மகிழ்விக்கும்போது,  அதன் மூலமாக கடவுள் நம்முடன் உறவாடுவார்.

எப்படி இயற்கையை மகிழ்விப்பது...? மரம், செடி கொடிகளை அளவற்ற அன்பு கொண்டு வளர்ப்பது. அந்த படைப்புகளின் மகிழ்ச்சிக்காக வியர்வை சிந்துவது. அதாவது, நம் வீட்டில் பூஜையறையில் உள்ள கடவுளுக்கு நிகரான மரியாதையை, நம் வீட்டு தோட்டத்திற்கும் அளித்து, நம் வியர்வையை அபிஷேகமாக சிந்தும்போது நிச்சயம் இயற்கை மகிழும். கடவுள், அந்த மரம், செடிகள் தரும் பலனான காய்,கனிகள் மூலமாக நம்முடன் உரையாடுவார்.

சின்ன அறைகளில் உரையாடுவதை கடவுள் விரும்புவதில்லை. கடவுளுடனான உண்மையான உரையாடல்கள் என்பது, நம் வீட்டு தோட்டதில்தான் நிகழ வேண்டும். தினமும் நாம் ஒரு அரை மணி நேரம் வியர்வை சிந்தி, வீட்டுத் தோட்டத்தில் மரம், செடி கொடிகளை வளர்ப்பதுதான் கடவுளுடனான உரையாடல். ஆம், கடவுள் சொற்களை விட செயல்களையே விரும்புகிறார்.



நம் வீட்டுத் தோட்டத்தில் நமக்கு தேவையான காய்கறி விதைகளை தூவி, அதற்கு தண்ணீர் பாய்ச்சி, கொஞ்சம் வியர்வை சிந்தி, அதனை வளர்த்தெடுத்தால், நிச்சயம் கடவுள் நம்முடன் உரையாடி இருப்பார். ஆம் அந்த மகசூல் தான் கடவுளின் உரையாடல்.

இதை நிகழ்த்த ஏக்கர் கணக்கில் இடம் தேவையில்லை, சில சதுர அடி நிலங்கள் இருந்தாலே போதும். ஆம். கடவுளிடம் ஏற்றத் தாழ்வுகள் இல்லை. நாம் அடுக்கு மாடி குடியிருப்புகளில் இருந்தால், நம்வீட்டு பால்கனியிலேயே இந்த உரையாடல்களை நிகழ்த்தலாம்.

கடவுளுடனான உரையாடல் மட்டும் இந்த செய்கையால் நிகழவில்லை, உன்னதமான உடற்பயற்சி தினமும் நிகழ்கிறது. ஆரோக்கியம் கிடைக்கிறது, உடலும், ஆன்மாவும் இன்புறுகிறது. அதுவும் குடும்பமாக உழைக்கும் போது குடும்பத்திற்குள் இருக்கும் இறுக்கம் தளர்ந்து மகிழ்ச்சி பிறக்கிறது.  வாழ்க்கை சுவாரஸ்யமானதாகவும் ஆகிறது.அது மட்டுமல்ல, நமக்கு தேவையான காய்கறிகள் அனைத்தும் கிடைக்கிறது. ஆம், தக்காளி விலை எவ்வளவு உயர்ந்தாலும், கடவுளுடனான உரையாடல் மூலம், நம் வீட்டு சாப்பாட்டு மேஜையில் எப்போதும் ஆரோக்யமான தக்காளி இருக்கும்.

இனியாவது, தினமும் கடவுளுடன் உரையாடுவோம்.

- மு. நியாஸ் அகமது

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ