Vikatan.com

www.vikatan.com would like to send you push notifications.

Notifications can be turned off anytime from browser settings.

65,000 ரூபாய்க்கு ஏப்ரிலியா 150சிசி ஸ்கூட்டர்!

கடந்த பிப்ரவரி மாதம் நடைபெற்ற டெல்லி ஆட்டோ எக்ஸ்போ 2016-ல் காட்சிபடுத்தப்பட்ட ஏப்ரிலியா SR 150 ஸ்கூட்டர், இரண்டு நிறங்களில் 65,000 ரூபாய்க்கு (டெல்லி எக்ஸ் ஷோரும் அறிமுக விலை) இந்தியாவில் களமிறங்கியுள்ளது.

வெஸ்பா 150 ஸ்கூட்டரின் எக்ஸ் ஷோரும் விலையே 90,000 ரூபாயாக இருக்கும் நிலையில், கிட்டத்தட்ட 125சிசி ஸ்கூட்டரின் விலையில், ஒரு 150சிசி ஸ்கூட்டரை வாங்க முடியும் என்பது வரவேற்கத்தக்கது. ஏப்ரிலியா SR 150-ன் விலையைக் கட்டுக்குள் வைக்க, 90 சதவிகிதம் உள்ளூர் பாகங்கள் மற்றும் உள்ளூர் உற்பத்தி (மஹாராஷ்ட்ராவில் தொழிற்சாலை) உதவியிருக்கிறது என்றே சொல்ல வேண்டும். வெஸ்பா தயாரிப்புகள் அனைத்தும் மெட்டல் பாடியைக் கொண்டிருக்க, ஏப்ரிலியா ஸ்கூட்டர் ஃபைபர் பாடியைக் கொண்டுள்ளது. அதே போல வெஸ்பாவில் டிஜிட்டல் ஸ்பீடோமீட்டர் இருக்க, ஏப்ரிலியாவில் அனலாக் ஸ்பீடோமீட்டர் தான் இருக்கிறது. ஆனால் ஆச்சரியப்படும் வகையில், வெளிநாடுகளில் விற்பனை செய்யப்படும் SR ஸ்கூட்டரில் 124சிசி இன்ஜின் இருக்க, இந்தியாவில் 150சிசி இன்ஜினுடன் வருகிறது SR 150. வெஸ்பாவின் 150சிசி ஸ்கூட்டர்கள் தயாரிக்கப்படும் அதே ப்ளாட்ஃபார்மில் SR 150 தயாரிக்கப்பட இருப்பதாலேயே இந்த முடிவை எடுத்துள்ளது பியாஜியோ. இதில் இருப்பது அதே 154.4சிசி இன்ஜின்தான் என்றாலும், ஏப்ரிலியாவின் ஸ்போர்ட்டி இமேஜைக் கருத்தில் கொண்டு, CVT ட்யுனிங்கில் மட்டும் வித்தியாசம் இருக்கிறது. தவிர வெஸ்பாவைவிட ஏப்ரிலியாவின் எடை குறைவு என்பதால், நல்ல பெர்ஃபாமென்ஸ் - மைலேஜ் கியாரண்டி எனலாம்.

விலை அதிகமான வெஸ்பாவில் இல்லாத 32மிமீ டெலிஸ்கோபிக் சஸ்பென்ஷன், விலை குறைவான SR 150-ல் இருப்பது பெரிய பிளஸ். பைக் மற்றும் ஸ்கூட்டர் கலந்த ஸ்டைலில் வெளிவந்த ஹோண்டா நவி, மக்களிடையே நல்ல வரவேற்பைப் பெற்றுள்ளது. எனவே SR 150-யை 14 இன்ச் அலாய் வீல்கள் கொண்ட க்ராஸ் ஓவராக வடிவமைத்திருக்கும் ஏப்ரிலியா, அதில். 220மிமீ டிஸ்க் - 140மிமீ டிரம் பிரேக்குகளைப் பொருத்தியுள்ளது.. பியாஜியோவின் டீலர்கள் மற்றும் மோட்டோப்ளக்ஸ் ஆகியவற்றில் விற்பனை செய்யப்பட உள்ள ஏப்ரிலியா SR 150-ன் புக்கிங் பணிகள் ஏற்கனவே துவங்கிவிட்டது. இந்தியாவில் பிரபலமான E-Commerce வலைதளங்களுள் ஒன்றான Paytm-ல், இந்த ஸ்கூட்டரை புக் செய்தால் 2,000 ரூபாய் கேஷ்பேக் பெறலாம். ஏப்ரிலியா SR 150-ன் டெலிவரி அடுத்த வாரம் முதலாக ஆரம்பமாகும் என தெரிவிக்கப்பட்டுள்ளது.

-ராகுல் சிவகுரு

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ