Vikatan.com

www.vikatan.com would like to send you push notifications.

Notifications can be turned off anytime from browser settings.

6 அடி மணலில் இறங்கி ஏறிய கார்! - சன்னி லியோனின் புதிய கார் காதல்

திருப்பதி போய்விட்டு லட்டு வாங்காமல் வருவதும், குற்றாலம் போய்விட்டு குளிக்காமல் வருவதும் எப்படி முட்டாள்தனமோ, அதுபோல்தான் துபாய் போய்விட்டு மணல் சஃபாரியை அனுபவிக்காமல் வருவதும். துபாயில் இதை செமையாக அனுபவித்து வந்துவிட்டார் பாலிவுட் நடிகை சன்னிலியோன். 

அண்மையில் துபாயில் ஒரு ஃபேஷன் நிகழ்ச்சிக்காக சிறப்பு விருந்தினராகக் கலந்துகொள்ளச் சென்ற சன்னி லியோன், தனது கணவர் டேனியல் வெப்பரிடம், ‘‘டெஸர்ட் சஃபாரி போலாமா டார்லிங்?’’ என்று வேண்டுகோள் வைக்க, எந்த மறுப்பும் சொல்லாமல் ஓகே சொல்லிவிட்டார் டேனியல். சஃபாரிக்குச் செல்லும் முன்பு தன் சக நடிகர் நடிகைகளிடம் மணல் சஃபாரி அனுபவம் பற்றி போனில் கேட்டுத் தெரிந்து கொண்டுதான் கிளம்பினாராம் சன்னிலியோன். 

டெஸர்ட் சஃபாரி செல்வது, முதன் முதலில் கப்பலில் பயணம் செய்வதைப் போன்றது. அதாவது, முதல் முறை பயணம் செய்பவர்களுக்கு வயிற்றைக் குமட்டிக் கொண்டு வாந்தி வருவது சகஜம். சன்னியும் முதன் முதலில் டெஸர்ட் சஃபாரி செய்தபோது, வாந்தியே எடுத்துவிட்டாராம். 

டெஸர்ட் சஃபாரியில் சாதாரண கார்களில் எல்லாம் பயணிக்க முடியாது. 4 வீல் டிரைவ் எஸ்யுவி-கள் மட்டும்தான் இந்த மணல்களில் ஏறி, இறங்கிச் செல்லும் லாவகம் கொண்டவை. நிஸான் பேட்ரோல், டொயோட்டா லேண்ட் க்ரூஸர் போன்ற 4 வீல் டிரைவ் கார்களைத்தான் இதற்கு பெரும்பான்மையாகப் பயன்படுத்துகிறார்கள். எத்தனை அடி உயரமாக இருந்தாலும் ஏறி இறங்கும் வகையில் இந்த லேண்ட்க்ரூஸர்கள் ‘4 வீல் டிரைவ் லோ’ கியரில் இயங்கக் கூடியவை. மல்டி டெரைன் மோடு, ABS, ஹில் ஹோல்டு அசிஸ்ட் என்று எக்கச்சக்க வசதிகளுடன் லேண்ட்க்ரூஸர் 6 அடி கொண்ட மணற்புதர்களில், சாதாரண சாலைகளில் செல்வதைப்போல் லாவகமாக இறங்கி ஏறியதைக்  கண்டு வியந்துவிட்டாராம் சன்னி லியோன். 

இந்த வகை கார்கள் பாதுகாப்புக்காக, ரேல் கேஜ் செய்யப்பட்டிருக்கும். அதாவது மணல் புயல்களிலோ, பாலைவனப் பாதாளத்திலோ கார்கள் உருண்டு புரண்டாலும் உள்ளே இருப்பவர்களுக்கு எதுவும் ஆகாதவண்ணம் இது நம்மைப் பாதுகாக்கும். 
எத்தனை அடி மணலில் கன்னாபின்னாவென சிக்கிக் கொண்டாலும், சட்டென சீறிக் கிளம்பக் கூடிய வகையில் இரண்டு டர்போ சார்ஜர்களும் இந்த காரில் உண்டு. 

ஆடி A5, மஸராட்டி, பிஎம்டபிள்யூ 7 சீரிஸ் என்று ஸ்போர்ட்ஸ் கார்களை மட்டுமே தன் கலெக்ஷனில் வைத்துள்ள சன்னி லியோனுக்கு, இந்த சஃபாரிக்குப் பிறகு எஸ்யுவி கார்களின் மீது தனிப் பிரியம் வந்து விட்டதாம். எனவே, பிரம்மாண்டமான லேண்ட்க்ரூஸர் வாங்கவும் திட்டமிட்டு விட்டாராம் சன்னி லியோன். இதன் விலை கிட்டத்தட்ட 1.75 கோடி!

-- தமிழ்

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

MUST READ