Vikatan.com

www.vikatan.com would like to send you push notifications.

Notifications can be turned off anytime from browser settings.

Artificial intelligence உருவாக்கிய முதல் சினிமா ட்ரெய்லர் #Morgan

.பி.எம் நிறுவனம் Artificial intelligence தொழில்நுட்பத்தைக் கொண்டு, முதல்முறையாக ஹாலிவுட் படத்திற்கு ட்ரெய்லர் ஒன்றை உருவாக்கியுள்ளது. பிரபல தயாரிப்பு நிறுவனமான, 20th Century Fox நிறுவனம் தனது 'Morgan' படத்திற்கு ட்ரெய்லரை உருவாக்க ஐ.பி.எம் நிறுவனத்திடம் கேட்டிருந்தது. அதன்படி, இந்நிறுவனத்தின் சூப்பர் கம்ப்யூட்டரான 'வாட்சன்'தான், இந்த ட்ரெய்லரை கட் செய்திருக்கிறது. 

ஐ.பி.எம் நிறுவனத்தை உருவாக்கிய அதன் நிறுவனர் வாட்சனின் பெயரை, இந்த சூப்பர் கணினிக்கு வைத்தது அந்நிறுவனம். செஸ் கிராண்ட் மாஸ்டர்களை எப்படி சூப்பர் கணினியுடன் செஸ் விளையாட வைத்து, அதனை பிரபலப்படுத்தினார்களோ, அது போல வாட்சனையும் பிரபல குவிஸ் மாஸ்டர்களுடன் மல்லுக்கட்ட வைத்துள்ளனர். மருத்துவம், தொழில்நுட்பம் என பல இடங்களில் வாட்சனைப் பயன்படுத்த ஐ.பி.எம் நிறுவனம் முயன்று வருகிறது. இந்நிலையில் வாட்சனுக்கு புதிதாகக் கொடுக்கப்பட்ட அசைன்மென்ட்தான் இந்த மோர்கன் பட ட்ரெய்லர்.

மோர்கன், ஒரு திகில் படம் என்பதால், அதனை வாட்சன் புரிந்து கொள்வதற்காக 100-க்கும் மேற்பட்ட திகில் படங்களை, வாட்சன் மெமரியில் ஏற்றியிருக்கிறார்கள். சீன் பை சீனாக, ஒலி அமைப்பு, காட்சிகள், கதாபாத்திரங்களின் உணர்ச்சிகள் என ஒவ்வொரு படத்தையும் ஆய்வு செய்திருக்கிறது வாட்சன். பிறகு Morgan படத்தையும் அதே போல,காட்சி வாரியாக ஆராய்ந்துள்ளது. எல்லாம் முடிந்து, இறுதியில் Morgan படத்திற்காக 6 நிமிடத்திற்கு ட்ரெய்லர் தயாரித்துள்ளது. பல நாட்கள் எடுக்கும் இந்த வேலை, ஒரே நாளில் முடித்துக் கொடுத்துள்ளது

வாட்சன். ஆனால் என்ன? இப்படி இந்தக் கணினி, ட்ரெய்லருக்காக கட் செய்த காட்சிகளை, வரிசைப்படி அமைப்பதற்கும், சுருக்குவதற்கும் மனிதர்களின் உதவியே தேவைப்பட்டுள்ளது. முதல்தடவையாக செயற்கை நுண்ணறிவு கொண்டு உருவான இந்த ட்ரெய்லருக்கு பல்வேறு விதமான விமர்சனங்கள் குவிந்துள்ளன. 

ஆனாலும் ட்ரெய்லருக்காக இல்லாவிட்டாலும், இது முதல் முயற்சி என்பதாலேயே, Morgan படத்திற்கு நல்ல பப்ளிசிட்டி. அதுதானே வேண்டும் அவர்களுக்கும்! 

 

எடிட்டர் சாய்ஸ்

MUST READ